كان يـــاما كـــان)

أيوووووووووه جاى ومعايا واحد شاااااااااااااااى

جايبلكو النهارده شويه حلقات جامدين أوى .. وقبل الامتحانات ان شاء الله هاخلص الحدوته ههههههه

الحلقه الخامسه عشر

موها ريدى ساب نور راحت المطعم وطلع هو يغير لكن خد وقت كتير اوي

لانه مش عارف يلبس الترنج اللي من السعوديه الجديد

محتار يلبس انهه وش اصله وشين زي بعض ما علينا موها ريدى اتخنق راح رامي الترنج

ولبس ترنج غيره ونزل نفض لنور و راح يدور علي الوليه

مش لاقها في نفس الوقت نور قلقت علي موها ريدى راحت تدور عليه واخيرا

نور : كنت فين يا بني

موها ريدى : ماكنتش وهروح فين يعني

نور : بس ايه الشياكه دي هو دا التنرنج اللي جايبه من السعوديه

موها ريدى : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده

" موها ريدى مش عايز يعرف نور انه مش عارف يلبسه عشان ما تتضحكش عليه " اه يا كداب

نور : طيب يلا عشان نروح نكمل اكل

موها ريدى : يالهوي انتي هتكلي تاني انتي مش فطرتي

نور : لا انا كلت حاجات بسيطه كده مستنيياك عشان تفطر معايا

موها ريدى : مرسي يا نور ربنا يخليكي

نور : يلا يا موها ريدى

موها ريدى :جرسووووووووووووووووووووووووووووووووووووون انتا ياااااض

نور : بس يا موها ريدى الناس بتبص علينا هو هيجيلنا المنيو بتاعه الاكل دلوئت

موها ريدى : منه مين هي منه دي شغاله معاه

نور : يالهوي المنيو المنيو

موها ريدى : اه منيو مش منه مين منيو دا بقه

نور : يالهوي يا بني ليسته الاكل

موها ريدى : اه ماتقولي كده من الاول لازم تجيبي منه يعني الاول

نور : طيب شوف هتاكل ايه

موها ريدى : طيب انا هاخد ايه دا مافيش فول طعميه بدنجان ايه الاكل دا

نور : هو انت في البلد الفطار هنا زبده مربه جبنه حاجات خفيفه كده

موها ريدى : والحاجات دي بتشبع ولا هنجوع منها

نور : يعني كل لاغيه متشبع دا اوبن بوفيه

موها ريدى : طيب بص يا كابتن هاتلي 5 زبده و10 مربه و 5 جبنه و10 عيش

الكابتن : ليه يا فندم انت عازم حد

موها ريدى : وانت مالك يا سقيل اه عازم نفسي علي الفطار شوف الانسه تاكل ايه

نور : هتلي زبده ومربه وجبنه ورغيف عيش بس

الكابتن : اي خدمه تانيه

موها ريدى : متشكرين يا خفه روح يلا يااض

نور : ايد دا يا موها ريدى عامل الولد بشكل احسن شويه

موها ريدى : يا عني اطلع البس بدله واكلمه عشان اكلمه كويس

نور : هههههههههههههههههههههههه يخربيت عقلك يا موها ريدى مش قصدى

موها ريدى : هو الراجل اتاخر كده ليه انتا يا عم جعانين

نور : يالهوي براحه يا موها ريدى الناس بتضحك عليك

موها ريدى : ليه هو انا بكلمه وانا واقف عي ايدي طب يلا والله مانا واكل

نور : خلاص يا موها ريدى برحتك بس انا جعانه

موها ريدى : يلا نروح ناكل في حته تانيه


و خدها موها ريدى و هيروحو ياكلو فى حته تانيه

موها ريدى وهو ماشي لاقه مين في وشه وهو داخل يفطر






الحلقه السادسه عشر

موها ريدى بعد ما حلف على نور انهم يفطروا في مكان تاني

وهما طالعين لاقى الوليه اللي كان عايز يكلمها

وشه احمر وراح لنور قالها

موها ريدى : نور عشان خاطرك انتي بس هنرجع ناكل في المطعم عشان انتي شكلك جعانه

نور : مرسيي يا موها ريدى علي زوقك " طيبه ماتعرفش اللي فيها " خالص

موها ريدى : هو الجارسون اتاخر كده ليه انت ياااااااااااااااااااااض



الحلقه السابعه عشر


( نور وهي نازله جري ورا موها ريدى عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين )
موها ريدى : الو
جارته : الووووووووووو مين معايا في التليفون بس ازاي دخلت جوه هههههههههههههه
موها ريدى : مش وقت استظراف امك دلوقتي
جارته : ايه يا واد الخفه دي مين معايا
موها ريدى : انا موها ريدى اللي اتهبب وساكن في الشقه اللي قدامك
جارته : اه حماده ميدو مودي ازيك يا واد يا موودي عامل ايه انت فين ياض وازاي اخبارك
موها ريدى : انا في شرم الشيخ
جارته : مش كنت تقولي يا واد كنا رحنا سوا
موها ريدى : تيجي فين يا وليه دا انتي لو شوفتي النسوان اللي هنا تنتحري
جارته :جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون
موها ريدى : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )
جارته : انا يا ميدو انا يا واد لو عايزه اكون زي جوليا روبرت هكون
موها ريدى : جوليو ابو ربع جنيه انتي بتكلي الحاجات دي يا وليه
جارته : جاتك ايه يا ميدو يخربيت عقلك سكر انت بتتصل ليه بقي
موها ريدى : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
موها ريدى : مستنيه مين يا وليه انتي تخلي معاكي المفتاح بس
جارته : ماشي يا مودي ترجع بالسلامه خلي بالك من نفسك
( موها ريدى بيحط السماعه وبيلف لاقه نور في وشه )
نور : انتا مسافر خلاص
موها ريدى : اصل اعد لمين انا جاي عشانك وانتي زعلتي ومشيتي
نور : مانتا السبب سرحان في واحده وانا معاك
موها ريدى : خلاص يا سيتي انا اسف
نور : وانا اسفه ماتسفرش خلاص
موها ريدى : خلاص مش مسافر عشان خاطرك انتي
نور : مرسي يا موها ريدى بجد انتا طيب اوي
موها ريدى : انتي اطيب والله
نور : طيب بقي اطلع حط الشنط وتعالي نتمشي
موها ريدى : بس انا جعان اوي
نور : خلاص طلع الشنط وتعالي نفطر
موها ريدى : اوك
موها ريدى وهو طالع يودي الشنط وبيغير باب الاوضه خبط يا تري مين ؟؟؟؟؟؟؟؟؟؟؟؟؟؟؟

قولوا لي تفتكروا مين؟



الحلقة الثامنه عشر

( موها ريدى ساب نور واقفه في الريسبشن وطلع يحط الشنط وهو بيغير الباب خبط )

موها ريدى : مين اللي بيخبط
الطارق : انا
موها ريدى : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب موها ريدى شافه في المطعم وطلع وراه الاوده عشان يسلم عليه)
موها ريدى : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
موها ريدى : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
موها ريدى : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
موها ريدى : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
موها ريدى : ماشي يا مان والف شكر

( موها ريدى ساب محمود ونزل يفطر بقي اخيرا عشان هيفطر مع نور )
موها ريدى : اخيرا يا نور هنفطر
نور : اخيرا انا ميته من الجوع
موها ريدى : لو سمحت الفطار بتاعنا
الجرسون : حاضر يا فندم
موها ريدى : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
موها ريدى : بسرعه يا عم احسن تيجي تاكل فيا
جرسون : حاضر يا فندم

( الجرسون جاب الاكل وكلوا الحمد و لله ونور خدت موها ريدى وتمشوا علي البحر )
نور : انت هتعمل النهارده ايه يا موها ريدى
موها ريدى : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
موها ريدى : اوك يا نور
نور : البحر هنا حلو اوي بكره اكيد ننزله سوا
موها ريدى : باذن الله
نور : يلا نرجع بقي
موها ريدى : يلا

موها ريدى ونور طلعوا اودهم


موها

وعلشان الامتحانات على الأبواب جايبلكو بقيه القصه بالكامل ما عدا الحلقه الأخيرة ويا رب تعجبكوا


الحلقه التاسعه عشر


( موها ريدى ونور طلعوا يسيتريحوا وهيخرجوا مع بعض بليل ....................... بعد وقت طويل موها ريدى ونور قابلوا بعض بليل كده بعد المغرب وخرجوا مع بعض )

موها ريدى : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
موها ريدى : لا اتكلمي انتي وانا بعدين اتكلم ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
موها ريدى : تصدقي اسم مامتك جامد مش مهم مين اللذيذ الي سماها الاسم ده
نور : هههههههه يخربيت عقلك يا موها ريدى اسمع بقه
موها ريدى : اتفضلي خلاص
نور : وانا عندي اخت واحده اكبر مني ومسافره مع جوزها واعده في البيت لوحدي مع ماما
وبابا وليا اخ صغير كده بس ايه عسل
موها ريدى : ربنا يخليهملك
نور : انا حكيت اهه اتكلم انت شويه
موها ريدى : بصي يا سيتي انا اسمي موها ريدى عمر والدي عمده القريه الي عايشين فيها
والدتي ست بيت طيبه اوي
نور : ربنا يخليهالك
موها ريدى : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخليهالك
موها ريدى : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
موها ريدى : طيب
نور : وانت دخلتها ليه تلاقيك عشان المجموع
موها ريدى : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا موها ريدى لما تيجي تتجوز ايه مواصفات البنت اللي انت نفسك تتجوزها
موها ريدى : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر واخضر وبتكلم نفسها دا كل المواصفات دي فيا وسرحت في كلام موها ريدى)
موها ريدى : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
موها ريدى : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
موها ريدى : ( موها ريدى بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بن الايه انا نفسي في ايس كريم دا يا موها ريدى
موها ريدى : من عنيا يا نور

( نور وموها ريدى اتمشوا كتير اوي وكلموا اكتر وراحوا المطم بتاع الفندق اتعشوا وطلعوا ناموا )
( تاني يوم الصبح موها ريدى ونور فطروا سوا وراحوا البحر)
موها ريدى : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
موها ريدى : طيب خالي بالك من نفسك
نور : طيب انا بعرف اعوم خالي بالك انتا من نفسك ( موها ريدى علي فكره بيعوم علي اده )
موها ريدى : الحقوني الحقوني الحقوني يا نووووووووووووووووووور بغرق
نور : اااااااااااااااااااااااااااموها ريدى
*********************



الحلقه العشرين


( يالهوي انا سايبة موها ريدى دا كله بيغرق ومحدش انقذه دا زمانه ماااااااااااااات لما نشوف حصله ايه)

موها ريدى : يا نوووووووووووووووووور الحقيني الحقيني ( وموها ريدى قاعد يطبش باديه ورجليه وينزل ويطلع يا عيني يا موها ريدى

نور : موها ريدى انا جايه اهه امسك نفسك شويه
( يا عيني نور كانت لسه بتغير هدومها مش لحقت نطط في الميه بهدومها وجت عند موها ريدى لسه بتمسكه موها ريدى فضل يضحك ويعوم ونور يا عيني هتعمله ايه وزعلت منه ومشيت

موها ريدى : خدي يا نور انا كنت بهزر معاكي بجد والله خدي بس مش تزعلي
نور : نور دي حركه تعملها فيا بردك انا قلبي وقع في رجلي اخص عليك يا موها ريدى
موها ريدى : خلاص بقه يا نور المسامح كريم وانتي مش بتزعلي صح
نور : خلاص يا موها ريدى مش حصل حاجه بس مش تعملها تاني
موها ريدى : اوعدك اني مش هعملها تاني اطلعي بقه غيري هدومك عشان مش تخدي برد
والبسي كده اللي علي الحبل وانزلي عشان هعزمك علي غدوه جامده مووووووووت

( نور طلعت غيرت وموها ريدى طلع لبس هو كمان اللي علي الحبل وراحوا فين)


فااااااااااااصل اعلاني ونعوووووووووووووووووووووووووووود



اعلانااااااااااااااااااااااااااااات طويله شويه


( موها ريدى ونور نزله وقابله بعض في الريسبشن )

نور : ايه بقي يا موها ريدى الغدوه الجامده دي
موها ريدى : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
موها ريدى : اوك يلا تاكسي
التاكس : where are you go?
موها ريدى : see food ( بعيد عنكوا كده دا اكبر محل سمك في شرم )
نور : وااااااااااااااو ايه المحل التحفه ده يا موها ريدى
موها ريدى : دي حاجه بسيطه كده عشان اعتزرلك علي الموقف اللي حصل الصبح
( نور بتقول في سرها ياريت تعمل الموقف دا كل يوم )
نور : موقف ايه يا موها ريدى مافيش حاجه حصلت دا يدوب كان قلبي هيقف
موها ريدى : بعد الشر عليكي عشان الخضه دي قولت اغديكي اكله جامده موووووووت
الجرسون : اوامرك يا افندم تطلب ايه
موها ريدى : بص يا سيدي عايزين اولا جميع انواع السلطات والمخللات
ثانيا بقي هات جميع انواع السمك اللي عندكوا ظبطنا يعني
ومتنساش الجمبري عشان الفوسفور يعني ظبطنا كده
الجرسون : اي خدمه تانيه يا افندم
موها ريدى : شكرا متنساش اهم حاجه الميه بسرعه
نور : ايه الاكل دا كله يا موها ريدى احنا هنقدر ناكل دا كله
موها ريدى : ان شاء الله انا بقالي يومين مش باكل الاكل بتاع الفندق ده مش بيشبع خالص
موها ريدى : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه
يعني
نور : بيتقدموا والله يا موها ريدى بس انا لسه صغيره مش بفكر في الكلام ده دلوقتي وبعدين انا لسه مش قابلت فارس احلامي يعني لسه شويه

موها ريدى : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد
موها ريدى : حاطط عيني علي الطفايه دي
نور : ههه يخربيت عقلك بجد والله
موها ريدى : لسه والله يا نور مش قابلت الانسانه اللي بحلم بيها بس يعني في احتمال اني لاقتها
نور : وشها احمر واخضر وضرب الوان طيب ما تقولي مين دي ؟
موها ريدى : لا لسه شويه في الوقت المناسب هقولك
الجرسون : الاكل يا افندم

( موها ريدى ونور اكلوا بالهنا والشفا وشربوا بيبسى واتمشوا لغايه بليل ولفوا البلد
وفضلوا يتكلموا كتير اوي مش عارفة بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر )

موها ريدى : صباح الخير يا نور
نور : صباح الخير يا موها ريدى عامل ايه
موها ريدى : المشي بتاع امبارح ده بوظلي رجلي المهم انتي هتنزلي البحر
نور : اه بس اوعي تعمل حركه امبارح
موها ريدى : لا خلاص عيب مش هعملها تاني
( موها ريدى ونور نزلوا البحر وبيعوموا فموها ريدى وقف شويه ونور دخلت جوه من كتر الارهاق جالها شد عضل فكانت هتغرق اعدت تنده علي موها ريدى وموها ريدى منفضلها
وكانت هتغرق عايزين تعرفوا هيحصل ايه
؟؟؟؟؟؟؟؟؟؟؟؟؟؟؟؟؟؟؟؟





الحلقه الواحد والعشرون
الحلقة الواحد والعشرين

موها ريدى: نور هو احنا هنرجع امتى
نور: مش دلوقتى يا موها ريدى لسه هنشترى حاجات ونرجع دا احنا في شرم

موها ريدى: يعنى ايه في شرم سوق الازبكية يعنى ولا ايه

نور: هههههههههه عسل والله

موها ريدى: طيب تخدى شوية ههههههه مش تزعلى بجا انا باضحك معاكى ومتجفليش معايا امال ...ماشي يا كتكوتة على رأي حماصة اللمبي
نور: حماصة ههههههههه اسمه محمد سعد
موها ريدى:ليه هو ابن سعد زغلول ولد عم الام صفية ولا ايه
نور :خلاص يا موها ريدى قفل ع الموضوع دا بقا
موها ريدى:طيب احنا هنعمل ايه دلووووقت
نور:هنروح للكافيتريا نشرب كابتشينو او نسكافيه ونرجع تانى
موها ريدى: نشرب ايه ...لللللللللللللللللللع انا مليش في الصنف دا مكنش الشاى اللى في الكوز الكبير دا يا بلاااااااااااش
نور: كوز ايه بس اسمها شووووب
موها ريدى: وانا مالى بجااااا بالشوب والكلام اللى انتى بتحددى فيه دا
نور:ثوانى يا موها ريدى مروة صحبتى هناك اهى اسلم عليها ومعاها مودى
موها ريدى: ومين مودى دا ابن العمده حدااااهم ولا ايه
نور: ازيك يا مروة وازيك يا مودى
مروة : ازيكم عاملين ايه وحشانى يا نور والله ..مش تعرفينا ؟
موها ريدى: انا موها ريدى معاها في الكلية
مودى: يا اهلا يا صحبي ايه الروشنة الجامدة اللى فيك دا ..جامد والله
موها ريدى: خلاص يا خفيف عين امه انت
نور: هههههههه موها ريدى دمه خفيف اوى يا جماعه
موها ريدى: وانتى فرحانه وانتى بتجوليها كده ليه
مروة : طيب معلش هنستأذنكم عشان نحضر الحاجات قبل منشي بقا
موها ريدى: طيب بسرعه لا الجطر يفوتك
نور: ياله نشترى شوية حاجات بقا
موها ريدى: ماشي انا هشترى ل بوووى جلباية وامى تييييشت تعجن فيه
نور: ايه تيشت ومش تيشت ...يا موها ريدى دى بلد سياحية فيها سياح ومش هتلاقي الكلام دا
موها ريدى: طيب اشترلهم ايه يعنى
نور: يعنى تشترى ليك نظارة شمس وشنطة كروس واحد وكده يعنى يا حماده
موها ريدى: حماده انا مبدلعشي يا نوووور عيب قوووليلي ميدو احسن ههههه
..ماشي وهنشترى دول منين بجاااا مفيش سوق هنا ولا ايه انا شايف حمير ياما معديه من هنا هوووو
نور: لا مفيش سوق واسكت بقا عقبال منشوف هنشترى ايه
موها ريدى: طيب انا همشي شوية اشوف اللبس والنضارة والكلام دا ..ماشي يا بت ولا اييييييييه
نور: طيب استنانى هنا ماشي يا جميل
موها ريدى: حماده وجميل ..شكل امى صلت الفجر حاضر النهاردة
نور: هههههههههههههه


اخينا موها ريدى بقا وهو ماشي لقي واحد بيعلم ابنه السباحه جه موها ريدى قايله
موها ريدى: بص انت تحدفه في الميه يردلك تانى علي طووول ويبقا هو كده تمام جووووووى
الراجل : thnx man..im realy thank u
موها ريدى: هو ايه هو فاهمنى ولا ايه الراجل دااااا وانا مالى بالراجل هي فين نوور بجاااااااا

موها ريدى:يا نووووووووووووووووووور يا نووووووووووووووووور
نور: بص يا موها ريدى انا اشتريت حاجات حلوة ازاى
موها ريدى: ايه القصير دا عيب يابت الكلام دا بتلبسي بنطلون مجطووووووووع ولا ايه
نور: دا برمووود يا موها ريدى
موها ريدى: ايه برمود دا مكنش المثلث بتاع برمودا ولا ايه
نور: يللا بقا عشان اشتريلك شوية حاجات ونرجع وعشان تروح تعمل نيولوك عند الحلاق بتاع ميدو ونروشنك شوية
موها ريدى: ماشي يا جمووووورة انتى
نور: ايه رايك في التي شيرت دا والبرمود دا والكوتشي الصابوووه دا هيبقا طقم عليك تحفه
موها ريدى: ايه طجم دا هو طجم اسنان ولا ايه ... ماشي حلو الكلام يا نور متشكر يا نوور

وخلاص وموها ريدى بيودع شرم وبيقول جايلك السنة الجاية ان شاء الله مش تتغيري بقا او تللعبي


وركبوا الاتوبيس وراجعين

الحلقـــــــــــة قبل الأخييييييييييييره




دى الحلقة قبل الاخيرة

نشوف بقا موها ريدى ونور وهما راجعين في الاتوبيس وبعد ما سابو شرم

متنسوش الاحداث معايا اوك

نور : شايف يا موها ريدى شرم حلوة اد ايه؟

موها ريدى: جميلة جوى شرم بس انتى الاحلى يا نور

نور: عيب يا حمادة بتكسف

موها ريدى: بتتكسفي ويعنى انتى لما تجوليلي يا حمادة هفرح انا أكيد هتكسف بردوو

نور: خلاص لا انا اكسف ولا انت

موها ريدى: الاغنية دى سمعتها جبل كده بتاعت مين دىىىى

نور: انه اغنيه ؟

موها ريدى: نور عينى

نور: ااااااااااااااااااه نور عينى بتاعت تامر حسنى

موها ريدى: تامر بن الولد حسنى اللى هو............

نور: هو ايه ؟

موها ريدى: لا متخديش في بالك حصل خير بس دى انا سمعتها قبل كده قبل برنامج بكااااااار عشان الطابور الصباحي وكده ههههههه

كل دول وهو لسه مش ركبوا الاتوبيس المهم ركبوا الاتوبيس فـ

موها ريدى بيقول لنور: الاتوبيس دا مكيف يا نور؟

نور: انت جيت فيه اول مرة انت شايفه ايه ؟

موها ريدى: والله انا شايفه انه راجل طيب جووى جوووى وربنا يصلحله الحال ويتجوز اتوبيساية تكون محترمة بردو

نور: تعرف ان انت عسل يا موها ريدى

موها ريدى: بجد بجد الكلام دا من الحتة اللى في الشمال يا نوور ولا اييييييييييه

نور: اه يا موها ريدى انت تستاهل كتير اووى والله

موها ريدى: خلاص يا نور الا انا بتغر بصراحه وهقلبها نكد عليكى فريحي نفوخك بقا

موها ريدى ونور وهما راكبين لقوا شاب مع جيتار وبيعزف وكلام ....

موها ريدى: بقولك ايه يا بن عمى

نور: انت بتكلم مين

موها ريدى: الشاب الحليوة اللى هناك دا يا بن عمى يا بن عمى

الشاب: نعم يا مان

موها ريدى: مان؟!!! دا اخر واحد جلهالى لسه في المستشفي دلوجتى بيتعالج ههههه بضحك معاك يا مان انت كمان

نور: هههههههههه انت مشكلة يا موها ريدى

موها ريدى: بس يا بت انتى كلام الرجالة والمانات مع بعضيهم مش تنحشرى انتى اسكتى خالص

الشاب: ماشي يا مان انت عاوز ايه بقا أأأمر يا جميل

موها ريدى: عاوز العب شوية ع الزمارة الكبيرة اللى في ايدك دى ...تصدق يا اخ

الشاب: اصدق ايه

موها ريدى: لا متصدقش ..كان في وخلص خلاص فوووووت علينا بكرة بجاااا ههههه

نور: اهدى يا موها ريدى شوية عشان منعرفش مين دا وانت داخل في تريقة

موها ريدى : عادى دا مان وانا مان وهنقضيها ميينز باذن الرحمن

الشاب: عاوز تلعب ع الزمارة ؟

موها ريدى: اه ياريت يا مان والله

نور: عاوزة اشوف ابدعاتك بقا يا موها ريدى بلييييييييييز

موها ريدى: ايه بليييييييز دى انتى عاوزة تشربي اصل كنت بخدها في درس اللغة الانجليزية وانا صغير عاوزة تشربي تجولي بليييز عاوزة تقومى وتقعدى تجولي بليييييييز ...اى حاجة بلييييييز في بليززززززز

الشاب: خد يا مان انت

موها ريدى: اتفرجى عليا بقا يا نور وانا ببدع

نور: ماشي يا موها ريدى

موها ريدى مسك الجيتار وعمال يعزف زى اى حد ومهواش عارف بيعمل ايه خالص

موها ريدى عطى الجيتار للشاب دا وقاله جميلة الزمارة دى كمل عليها وهات علبة سجاير بقا ههههههههههه

الشاب : طيب شكرا يا مان على كلامك الحلو دا

موها ريدى: عجبك يعنى خلاص هلفهولك في سندوتش بقا عهههههههههههه

نور: لا يا موها ريدى انت زودتها كتير وهما مش يعرفنا بس شكله طيب عشان متكلمش خالص

الشاب: ولا يهمك وانت زى العسل يا موها ريدى
موها ريدى: شايفة يا بت يا نور الناس بتعترف بيا ازاىىىى انى عسل لكن انتى استغفر الله .......

نور: بقا انا يا موها ريدى ماشي احنا قربنا نوصل اهووو وشكرا يا موها ريدى بجد وانا زعلانة منك بجد

موها ريدى: لللللللللللللللللللللللللللللا مش تزعلى مش اقدر انا يا جميل انت دنتا الحتة اللى في الشمال

نور: طيب خلاص وانا مقدرشي ع زعلك اساسا يا موها ريدى

موها ريدى: منا عارف انك مش تقدرى لو تقدرى هولع في الدرة اللى عندك في الجنينة في البيت هههههه


المهم نور وموها ريدى وصلوا لارض مصر ونور اتفقت مع موها ريدى انها توديه ع الحلاق عشان يظبط حاله شوية

موهااا

يالهوووووووووووووووووووووووووووي كل ده ولسه مخلصتش برضه بس جامدة جدا بسرعه بقي يا موهاعلشان نشوف النهاية السعيدة شوقتنا كتير

انا مش بعلقكم ولا حاجة بس اليومين اللى فاتوا انا كنت مسافر فى شغل
وبعدين موها لسه مخلصش الحكاية بتاعته يعنى انا مش غلطان ولا حاجة

عندك حق يا قائد الغلطة مش غلطتك ع العموم احنا مستنين الحكاية

السلام عليكم ,,, معلش يا جماعه والله الفتره اللى فاتت واللى احنا لسه فيها دى فترة امتحانات ومحدش كان فايق يعمل حاجه غير انه يذاكر .. ومكنتش فاضى ... وبتأسف على التأخير .. وفعلا الغلطة غلطتى لأنى كان المفروض انهى الحدوته قبل الامتحانات ... بس خلااااااص احنا فيها والنهاردة انا جبتلكم الحلقه الاخيرة.. ويا رب تعجبكوا ......

الحلقة الأخــــــــــــــيره..




طبعا احنا عارفين ان نور وموها ريدى رجعوا خلاص ونور هتاخد موها ريدى ويروحوا للحلاق عشان النيولوك

المهم ياله بينا وهتعرفوا كل حاجة

نور: انا زعلانة يا موها ريدى عشان الرحلة خلصت بجد

موها ريدى: وانا فرحان عشان كنت جمبك

نور: بجد يا موها ريدى

موها ريدى: ايوة يعنى هتكونى في ظهرى منتى جمبي دايما ولا اييييييييييييييه ؟

نور: طول عمرك دمك زى العسل يا موها ريدى

موها ريدى: الله يخليكى تاخدى شوية ....

نور: شوية ايه ؟

موها ريدى: لا قدرررررى محصلشي بجاا خلاص

نور: خلاص انا زعلانة منك ولازم تصالحنى بقا

موها ريدى بيقول لنفسه ايه التدبيسة اللى انا فيها دى هصالحها ازاى الولية دى ؟

موها ريدى: خلاص اغنيلك يعنى يا نووور

نور: ياريت يا موها ريدى

موها ريدى: طيب

نور: ايه هتغنى ايه ؟

موها ريدى: هغنيلك اغنية بحبها جووووووووووووى للمطرب صلاح شيشة هتعجبك جووى

نور: شيشة مين يا عم ...اقولك غنيلي لعمرو دياب

موها ريدى: عمرو مين !!! بقولك شيشة تقولي دياب ..دا الدنيا اتغيرت يا جدعان وع العموم هغنيلك اغنية من الشريط الجديد

نور: بجد طيب ياله بسرعه

موها ريدى: خليكى معايا يا نووووووووووووووووووووووووووور الا الدنيا تتضلم ولا حاجة

نور: الله انتا عارف اغنية خليك معايا انا بحبها موووووووووووووت

موها ريدى: أمال يا بت انتى دا انا الفنان بتاعت البلد عندنا دا انا حتى بغنى أجنبي جامممممممممممممممممممممممممد

نور: طيب ياله نقعد علي كافتيريا بقا

موها ريدى بيقول ايه البت الاستغلالية دى انا عاوز احلق وانضف بجاااااا

موها ريدى: بلاش جهاااااااااااااااااوى يا نووور الله يكرمك بخاف من الشيشة انا وانتى شكلك مش يطمن الصراحة

نور: لالالا مش بشرب انا ومتخفشي هنشرب نسكافيه وكانتلوووب وووو

موها ريدى: ووو حشيش و لا ايه

نور: لالالالا يا موها ريدى ماتقولش كده

موها ريدى: حشيش فايدة فيك

نور: ايه نعم !!!

موها ريدى: بانجو انت تانى

نور: مممممممم بتقول ايه يابنى

موها ريدى: بودرة تندم يا جميل

نور: اندم علي ايه بس !!

موها ريدى: مش كنا هيروين مع بعض

موها ريدى: ايه رأيك بقا في الاغانى الرومانسية الدامدة دىىىىى

نور: لا بجد انت فنان ونعم الاغانى بجد

موها ريدى ونور راحوا ع الكافتيريا والجارسون جى

الجارسون: تطلبوا ايه حضراتكم

موها ريدى: مين دا اللى لابش بنص كم وشايف نفسه بطقم فيلم الابيض واسود دا

نور: استنى يا موها ريدى انا عاوزة ....

موها ريدى: عاوزة ايه ...اطلبك واحد عبد الحليم حافظ مع شادية بس تعلى الصوت الله يكرمك الا انا سمعى بايظ اليومين دوول

نور: ههههههههههه اسكت بقا .... خلاص معلش يا متر

موها ريدى: متر ولا نص أخرك معايا نص كيلو يا جمووووووووووووووووور انت

نور: خلاص يا موها ريدى ..هاتلنا نسكافيه وهات لموها ريدى قهوة

موها ريدى: بس القهوة تكون بنى الله يخليك الا لو غير كده هلبسها في وشك

نور: ها يا موها ريدى مش هتقولي كلام حلو في القعدة الرومانسية دى

موها ريدى : بحبك يا.........

نور: بجد .يا ايه طيب ؟

موها ريدى: يا أمى

نور: طيب يا فالح اسكت بقا

موها ريدى يقول البت شكلها بتحبنى بس لما انضف اظبطها انا

وقام موها ريدى ونور وخلاص نوور اتصلت باخت الولد الروش عشان يقولها المكان فين وتودى موها ريدى هناك

المهم راحوا هما الاتنين بس نور راحت مشوار وحترجع لموها ريدى

نشوف بقا الكلام مع موها ريدى عشان النيولوك الداااااامد دا

موها ريدى: السلام عليكم يا حلاق ..ماذا بك الم تريد ان تحلق لي لو لم تفعل هذا لاذبحنك ذبح الابل

الحلاق : ايه يا استاذ في ايه وعلي العموم وعليكم السلام اتفضل !!!!

موها ريدى: الله يزيد فضلك بس عندك ساندويتش مية ساقعه الا انا سقعان اوووى

الحلاق: لا معنديش واسكت يا رغااااى

موها ريدى: دا انت اللى رغاى دا النهاردة اللتنين وفاتح مش اجازتك دى يا بارد

الحلاق: معلش بقا اكل العيش ...المهم

موها ريدى: ام هند ااااااااااااه

الحلاق : عاوز تحلق ايه

موها ريدى: والله احلقلي كابوريا مع سردانية ع السوالف على شوية تمليحة على شنبي

الحلاق : ايه اللى انت بتقوله دا يعنى احلقك كابوريا ؟

موها ريدى: ايوة يا عم وخلص بقا يا عم عشان يومك يعدى معايا

الحلاق قعد يحلق لموها ريدى ومرة واحدة موها ريدى قام وقاله



موها ريدى: انت يا عم في ايه انا مش قولتلك كابوريا ايه مثلث برمودا اللى انت عامله دا هتخرف في الخرايط ولا ايييييييييييييييييييييه

الحلاق: خلاص يا استاذ بلا خرايط بلا كلام فاضي هظبطك انا

الحلاق شال المكنة بتاعت الحلاقة وشغال بيصفصف شعر موها ريدى

موها ريدى: ايوة كده الله ينور عليك كده احبك يا حلاق يا معفن انت

الحلاق : لاحظ يا استاذ انك بتشتم كتييييييييييير وكده مش كويس بجد

موها ريدى: خلاص هسكت يا بارد

الحلاق : طيب انت عاوز السوالف طويلة و لا قصيرة

موها ريدى: دوووونت ميند انى سينج انا اكسيبت

الحلاق : يعنى طويلة ولا صغيرة بردو

موها ريدى: طويلة وصغيرة يعنى متوسطة يا مان

موها ريدى افتكر كلام الواد الروش مان وصحبي وقعد يجربه في الحلاق

الحلاق: طيب عاوز ايه تانى

موها ريدى: لا ولا حاجة بس ممكن اتشطف عندك يا صحبي

الحلاق : صحبي ... يا مغير الاحوال ما كان من شوية بادر دلوقتى صحبك اه يا بلد المصالح انتى

موها ريدى: للللللللللللللللللللللللللع دا انا صعيى وهجبلك صميدة وبوووى وامى كمان عشان متبقاش لوحدها ونجفلك الدكان دى

الحلاق: خلاص قلبك ابيض يا استاذ

موها ريدى: ابيض ولا اسود تصدق يا عم انت فيك شبه من الجارسون بارد

الحلاق: طيب اسم الكريم ايه ؟

موها ريدى: ليه هتصاحبنى ولا ايه يا عم وعالعموم انا موها ريدى

الحلاق : تشرفنا يا زووق ....أأأأأأأوم بقا ظبط حالك عشان تبقا تمام

موها ريدى: طيب يا مان ثوانى بجاااااااااا

موها ريدى قام غسل شعره وظبط الكلام تمام وهو اساسا مش معاه الا خمسة جنيه في جيبه بس عامل حسابه انه يشترى شيبسي ويظبط حاله

المهم


موها ريدى: طيب طلباتك يا عسل

الحلاق: في ايه بس

طبعا الحلاق بارد البرود صفة من صفات الحلاقين

موها ريدى: طيب خد يا عم مش خسارة فيك وهشتريلك ترمس كمان

الحلاق: ايه دا يا افندى دا انت غلبتنى معااااااك

المهم خناقة حصلت بالكلام بينهم هما الاتنين علي دخلة نوووور

نور: في ايه يا موها ريدى

موها ريدى: دا حرامى عاوز ياخد منى خمسة ج وانا كوركى ولا ايه لالالالالالالالالالالاع

نور: طيب اسكت انت وعطت للحلاق 5 جنيه


موها ريدى قلبه اطمن انه هيشترى الشيبسي والكلام دا

نور: انت بقيت قمر يا موها ريدى اكتر من الاول

موها ريدى: طب منا عاااااارف يا قمر انتى

وموها ريدى ونور قعدوا يتكلموا كلام من دا كتير وكلام ع التليفون لحد ما موها ريدى اعترف لنووور وقالها

موها ريدى: نوووووووووووووور

نور: ايوة يا موها ريدى

موها ريدى: انا

نور: ايوة انت ايه

موها ريدى: انا ب
ح
ب
نور: انت ايه بجد

موها ريدى : انا بحترمك اوووووووى يا نووور مش حاجة تانية هههههههههههههههه

نور: دا انت غلس

موها ريدى: لا بجد انا ..........

نور : ها ؟

موها ريدى : بالعربي أنا بحبك
بالتركى Seni Seviyorum سنى سفيوريم
بالصينى Wo ai ni وو أنى
بالعنجليزى I love you أى لفيو
بالفرنساوى Je t'aime جي تيم
بلألمانى Ich liebe dich إيش لاباديش
باليابانى Aishiteru إيشيتيرو
بإلايطالى Ti amo تي أمو
بالاسبانى Te quiero تكويار
بالبرتغالى Eu te amo إي تى أمو

طبعا نور اتصدمت من ثقافة موها ريدى وكلامه دا ونور طبعا قالتله انا بحبك


*

*
*
*
*
*

وكده يبقا خلاص





موهاااا

ااااااااااااااااااااااااااااااااااااه كفارة يا موها كل ده علشان يقولها بح............بحترمك انا لو مكانها مكنتش عارفة
هعمل ايه بس الحمدلله انه نطق بس جامدة مووووووووت تسلم ايدك ومش تحرمنا من ابداعاتك كده كتير