كان يـــاما كـــان)

كان يـــاما كـــان)

زمان وأنا صغير كنت كل لما بسمع الكلمة دي في بداية الكلام

كنت بفرح اوي ...وأبدأ أخد وضع الأستعداد

ادخل تحت البطانية وأركز بكل كياني في الكلام اللي هيتقال بعدها


أسمها حدوتة قبل النوم

كنت بعشقها

وبعيش في الحدوتة بجد وأحس اني شايف الأبطال ومتخيل ملامحهم

فاكرين يا جماعة

صوت تيتة او جدو وهما بيحكولنا حدوتة قبل النوم

وكنا بنزعل اوي لو نمنا ومكملنهاش للآخر


ونصمم اننا نسمعها تاني يوم من الأول..

وسبحان الله كنت بنام بردو ...هههههههههه

المقدمة المملة دي كلها بقى

عشان اقولكم أني ان شاء الله اللى يقدر يشارك معايا بقصص وحواديت هانقدر بكده نعمل احلى موضوع بالمشاركة مع بعضينا واحلى قصص

بس هتكون مفيدة نقدر نطلع منها بحكمة أو معلومة أو فكرة أيجابية

احتمال تفيدنا في حياتنا

او على الأقل لما تتجوزا ويبقى عندكم أطفال أن شاء الله

تبقى تصدعوهم بالحواديت دي ...هههههههههههه
ويا ريت مننكسفش ونقول اللى عندنا حتى لو حدوته بسيطة ومعروفه جايز النهارده معروفه وبكرة متكونش معروفه

أنا قولتكم فكرة التوبيك ومستني رأيكم

لو أوكي ..نبدأ ..

مش اوكي ..هههههههه... هنبدأ بردو


بس على فكرة مش مهم تكون الحدوته أو القصه للأطفال ..ممكن تكون قصه واقعيه .. حادثه لا قدر الله .. أى قصه بس المهم إنه يكون ليك بصمه فى الموضوع ده
سلااااااااااااااااااااااااام يا اجمل اعضاء

وهأبدأ بسم الله

موها

صعيدى بيحب بنت استايل اوى فى الجامعه
بسم الله الرحمن الرحيم

بعد ما انتهيت من حبة مشاكل فى جهازى (هو انا منتهيتش اوى يعنى


اسيبكم مع القصه

اولا موها = موها ريدى
موها ريدى": لو سمحتي حضرتك...ممكن براية


نور: ههههههههههههههههههههههههههه


موها ريدى :حضرتك بتضحكي على ايه ممكن اعرف يعني لو سمحتي


نور : مش عيب شاب في سنك يطلب براية ..ده احنا في جامعة


موها ريدى : طيب معاكي شفرة موس حلاقه ولا قطر...عشان المحاضرة هتبدأ خلاص


نور : ايييييه..ايه دي..ممكن تسكت لو سمحت


موها ريدى: حد معاااااااه براااااااااية....او قلم زيااااااادة..ردوا


نور: انت اكيد مجنون وطي صوتك الطلبة كلها بتضحك عليك


موها ريدى :ويضحكوا ليه ولاد الدزمة دووووووووول


نور: خلاص خلاص انا هنقل المحاضرة وبعدين اديلك تصورها


موها ريدى :شكرا بس انقلي كويس ..وياريت تنظمي الكراسة



(اثناء ما المحاضرة شغالة ونور شغالة كتابة وموها ريدى هيموت عشان مش معاه قلم)


موها ريدى: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة
عليا وعلى الجامعة


نور : انت مالك ومال خطي مش كفاية هديلك تنقل مني وهتعطل انا


موها ريدى : ليه وانتي عربية اصلك علشان تتعلطي..هما البنات متعطلين خلجة


نور : انت انسان قليل الادب...بجد مش بتعرف تكلم البنات ازاي


موها ريدى : لأ يا شيخة والنبي المرة الجاية تبقي تجيبيلي الكتالوج بتاعك


(نور عشان رقيقة سكتت ومش عرفت ترد على موها ريدى بجاحة وانتهت المحاضرة )


اثناء خروج الطلبة من المدرج..موها ريدى حب يستظرف بس بطريقة غبية شوية


موها ريدى وسط حشد من الطلبة بنات وولاد

وكأنهم قطيع من المواشي

هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على موها ريدى )


نور : بصي يا هالة الولد ده....فضيحة فضيحة يعني...وحكتلها على اللي حصل


هالة : تلاقيه شاب تحفة...مش باين عليه استايل خالص..ده لابس بدلة وكرافت


نور : بس تعرفي شكله وسيم اووووي...حاسة انه طيب وعلى سجيته


هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا


نور:يا ستي سيبك


هالة: على رأيك


خلص اول يوم في الجامعة وقبل النهاية بدقايق


موها ريدى: يا استاذة يا انسة فين المحاضرة عايز انقلها هاتيها يلا يلا بسرعة


نور : تنقل ايه يابني دي عشر ورقات غير في رسومات وجداول


موها ريدى :ومالهم يعني عشر ورجات انتي هتخلفي وعدك ولا ايه


نور : انا مقلتش كده بس في حاجة اسمها تصوير..اسرع يعني


موها ريدى: هههههههههههههههههه اصور ايه بخطك الزفت ده..شوفي ...زفت


نور: حقيقي انا غلطانة وكلام هالة باين عليه صح...بعد اذنك..اوف


سابته ومشيت .....وقال


موها ريدى: عليكي يا شيخة وعلى هالة وعلى الجامعة كلتها....وبرضه خطك زي الزفت



عاوزين تعرفوا اليوم اللي بعده حصل في ايه


تابعوا معايا بقى قصة حب احمد الصعيدي ونور البنت الاستايل


سلامووووو عليكوووووووووو

موها

حاااااااتر حاتر حاتر بس كان لازم أتقل شويه يا نور الشمس علشان تشاركى وتقوليلنا حدوته بس خلاص
لقد أمرت الشمس ان يٌكمل موها بقيه الحدوته ..وقد قد قال لاااااااااازم كل يوم حد يقول حدوته بس حاااااضر هاكمل علشان الاوامر جات من القيادات العليا .. فلنٌكمل



سلامووووو عليكوووووووووو


ودى الحلقه التانيه لاحلى اعضاء


الحلقة التانية


وجه اليوم التاني....ولسة الحياة الجامعية لم تؤثر على تلاميذ الثانوية العامة...بس مع بلدياتنا

موها ريدى: ماشية عكس خالص...مش عارف يتأقلم عليها

وتعالوا نشوف الايام والحياة الجامعية هتعمل ايه في موها ريدى وهيتعامل معاها ازاي

كان ميعاد المحاضرة الساعة 8 صباحا...كان موها ريدى واقف قصاد المدرج من 6 الصبح مش عارف ليه ونبتدي الحلقة التانية يا جامدين


موها ريدى: ديب ديب ديب انتوا يا ناس يللي هنا...افتحوا الباب

الساعي : يا فتاح يا عليم يا رزاق يا كريم

موها ريدى: ماترش ميا يا راجل قصاد المدرج عشان تستفتح

الساعي:يا كابتن المحاضرة لسة الساعة 8 مفيش دخول دلوقت

موها ريدى:هدخل يعني هدخل..عليا النعمة هدخل هاااا

الساعي: قفل الباب في وشه ودخل جوا

موها ريدى : يا ابن الدزمة انت هتضيع عليا المحاضرة شكلك

موها ريدى: اما اروح اجيب كوباية شاي سخن مولع

الراجل: تؤمر بأيه يا فندم

موها ريدى : شاي خمسينة بنعناع

الراجل: ايه ايه...مفيش نعناع

موها ريدى: ومفيش نعناع ليه

الراجل : هو كده مفيش نعناع على الشاي ..النعناع لوحده

موها ريدى :طيب هات نص كوباية شاي ونص كوباية نعناع

الراجل: خد فلوسك اهي

موها ريدى:طب والشاي ابو نعناع فين

الراجل:اوووف

موها ريدى:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي

قرر انه يرجع للمدرج عشان يلحق مكان وبالفعل حجز مكان وخرج تاني عشان

يجيب شاي من كافتيريا تانية...ونجح انه يجيب المرة دي ..دخل المدرج وفجأة

لقى مين اعد مكانه ...مين مين مين....لقى نور فارشة كل حاجتها وبتشرب كابتشينووووووووووووووووو

موها ريدى : بصوت لا يطاق....ايييييييييه ده يا هانم...هي وكالة من غير بواب

نور :وطي صوتك من فضلك انا بتكلم بهدوء وبأدب

موها ريدى:هي دي طريجتي..عاجبك ولا مش عاجبك

نور:طيب انا مش هقوم

موها ريدى: هروح للعميد يجي يقومك

نور:ههههههههههههههههههه

موها ريدى:بتضحكي على ايه يا باردة

نور: لم نفسك

موها ريدى: شايفاني مبعتر في الارض ولا اييييييييه

نور: مش هتحضر...هههههههههههههه

موها ريدى :عليا الطلاج لأحضر غصب عنك وعن عين والدك....


وفجأة سمع صوت الدكتور بيناديله ......

الدكتور:مالك يابني مكشر من اول السنة ليه كده

موها ريدى :لو سمحت معاك نمرة ماحمول العميد

الدكتور : ههههههههههه ايوة ليه

موها ريدى : عاوز اقدم شكوى في البت دي

نور :متقولش بت

موها ريدى :هجول بت وستين بت كمان قومي يلا

الدكتور : بس بقى اخرس شوية يا اما هطردك

موها ريدى : انا ...تطردني ليييييييه هاتلي مكان سعادتك

الدكتور : تعالى اعد جنبي هنا على الكرسي ده

موها ريدى : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها

راحت نور ضربته على ضهره..قال ااااااااااااه

وصوته سمع المدرج كله والكل فضل يضحك عليه


الدكتور : اطلع برا يلا...مش هتحضر المحاضرة
موها ريدى : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي

موها ريدى : على ايه بقى ما المحاضرة خلاص

نور : خد المحاضرة بتاعتي انقلها وانا هستناك

موها ريدى : بجد بتتكلمي بجد

نور : ايوة مع انهم اكتر من عشر صفحات بس هستناك

موها ريدى : متشكر يا مازمازيل نورة

نور : لأ قول نور بس احنا اصدقاء وابتسمت ومشيت

موها ريدى عمال ينقل وعمال يقول في سره...خطها زي الزفت

بس شكلها طيبة جوي....الخط مش كل حاجة في الانسان يعني

موها ريدى لمح نور وهي جاية وبتبتسم بخجل

و لو عايزين تعرفوا قالتلوا ايه

تابعوا الحلقة الجاية ان شاء الله

موها

بس القصه طويله لسه هانستنى لحد ما اخلص القصه كلها ... لا ؟... انا هاستنى برضه قصصك وحواديتك
وفى نفس الوقت هانكمل حكايه موها ريدى بس المهم تجيبى قصه وحدوتك من ذوقك هههه
وليكى منى الحلقه الثالثه


الحلقه التالته


بعد ما الدكتور طرد موها ريدى من المحاضرة بسبب نور


وخرج زعلان خالص ونور صالحته وقالتله خد المحاضرة انقلها

واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : موها ريدى انت خلصت المحاضرة

موها ريدى : لأ لسة انا في اول صفحة مش عارف اجرا الكلمة دي

نور قرت الكلمة

نور : اوكي كمل انا هستناك

موها ريدى :لا لا انتي لازم تروحي دلوقتي عشان انتي اتأخرتي خالص

نور : طيب والمحاضرة

موها ريدى : تتحرج المحاضرة

نور ضحكت ضحكة رقيقة جدا حركت قلب موها ريدى الاسد

موها ريدى : ممكن اوصلك لحد الباب...والله لحد الباب بس

نور : اوكي اوكي مفيهاش حاجة اتفضل

موها ريدى : انتي في الجامعة هنا من امتى

نور :ايه يا موها ريدى انا في سنك لسة اول سنة

موها ريدى : انا عارف انا عارف

موها ريدى : وياترى دخلتي هنا واسطة ولا ايه

نور : هههههههههههههههههه ...موها ريدى مالك في ايه

موها ريدى : لا بهرج معاكي

نور : تعرف انك

موها ريدى :اني ايه

نور : طيب اوووي

موها ريدى : وانتي انسانة محترمة اه فعلا محترمة بجد

نور : ميرسي

موها ريدى :يالهوي ياني انا منجلتش المحاضرة بتاعت النهاردة

نور : ميرسي يا موها ريدى على التوصيلة الجميلة دي منك

موها ريدى : انتي رايحة فييييييييييييييييين

المحاضرة

المحاضرة

المحاضرة
الحلقه الرابعه

موها ريدى مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة

جرس الباب بيرن...بيرن...خبط جامد....موها ريدى قام مخضوض

وبيفتح الباب وووفجأة




هاي..انا جارتك اللي ساكنة قصادك


موها ريدى : طيب وانا اعمل ايه يعني جارتي ولا مش جارتي


تؤ...طيب قول صباح الخير..قول صباح النور..قول صباح اللي بتغني


موها ريدى : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي


انا ؟ ؟


موها ريدى : امال امي


تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك


موها ريدى : متشكر يا ستي متشكر خالص انا...عاوزة ايه مني على الصبح كده انا ورايا جامعة


ايه ده ..انت بتروح الجامعة...انا بفتكرك في المدرسة


موها ريدى : صبرني يارب صبرني ...جولي عاوزة ايه هتأخر على الجماعة


عندك حبة شطة


موها ريدى : هاا...جلتي عاوزة ايه


شطة شطة....اللي بتخلي الاكل يوحوح


موها ريدى : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

موها ريدى : الاجرة بكام لو سمحت يا اخينا


رد شاب ستايل...ههههههههه ايه اخينا دي دي كلمة قديمة موت


موها ريدى : ماشي يا عم الجديد....بكام الاجرة


الكمثري :بجنيه وبريزة يا كابتن


موها ريدى : اشمعنى وبريزة


الكمثري : حكومة تقدر تتكلم


موها ريدى : خد يا عم ونزلني عند الباب الرئيسي

موها ريدى داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش


موها ريدى :هشششششششششش


انت قليل الادب مش محترم كمان


موها ريدى : هسسسسسسسسسس


موها ريدى : انا ورايا محاضرة مش فاضيلك انا خدي منديل


انا هوريك انا لازم ابهدلك


يا عمرو يا وائل يا هيثم

عمرو : مالك بيها يا تحفة


وائل : انت لازم تتربى كويس


هيثم : مش هتروح سليم النهاردة

نور لمحت الخناقة من بعيد

نور : موها ريدى موها ريدى في ايه


موها ريدى : ابعدي انتي يا نور ده تار قديم وهيخلص النهاردة


نور : موها ريدى دي جامعة انت ممكن تتفصل


موها ريدى : ومحضرش محاضرات تاني ؟


نور : ايوة ايوة انا هروح انده الامن


موها ريدى : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله موها ريدى خرج سليم
مع انه كان ادها وادود يعني بس خاف طبعا على مستقبله



موها ريدى : متشكر يا نور جوي


نور : ده اقل واجب يعني


موها ريدى : انتي عملتي الواجب صح


نور : واجب ايه يا موها ريدى هو احنا في مدرسة


موها ريدى : ههههههههههه اصلها فاكراني في المدرسة


نور : هي مين دي


موها ريدى : اللي عاوزة الشطة


نور : انا مش فاهمة حاجة يا موها ريدى


موها ريدى : انتي بتحبي توحوحي


نور : هههههههههههههههههههه


موها ريدى : هههههههههههههههههههه


نور: تعرف يا موها ريدى ان دمك خفيف اوي


موها ريدى : ربنا يخليكي انا مش بجدر على الكلام ده


نور : هو انا قلت حاجة يا موها ريدى


موها ريدى : ايوة دمي خفيف وحلو ومسمسم والكلام الكابير ده


نور : ههههههههههههههههههههههه


موها ريدى : بتضحي على ايه عاد


نور : ههههههههههههههههههههههه


موها ريدى : يوه يوه يوه


نور : المحضارة هتبتدي يا موها ريدى يلا نحضر


موها ريدى : ماتيجي نتمشى شوية في الحديقة وبلاش المحاضرة


نور : بجد ...طيب يلا


موها ريدى : ال حديقة ال....يلا يا هانم نلحج المحاضرة انا حاجزلك جنبي





موها ريدى دخل لقى اتنين اعدين مكانه هو ونور


وووووووووووووووووووووووووو




أشوفكم الحلقه الجايه


موها

انا تعبت كل دي حدوته انا نمت وصحيت تاني بس بجد تحفة صعيدي علي حق المهم مقولتش انت في جامعة ايه يا اخينا بس تعرف ان الموضوع بتاعك دا بيحسسني بالعجزرغم اني رياض اطفال الا اني مبعرفش احكي حواديت جيت علي الجرح يا موها يلا الله يسامحك مستنين الباقي

الموضوع جميل جدا وبعد اذن الناس انا حاجز الحكاية اللى جاية
بمعنى : الحكاية اللى جاية انا اللى هاحكيها
بس بعد موها مايخلص الحكاية بتاعته
وهى فعلا قصة واقعية حدثت بالفعل لأشخاص أعرفهم معرفة شخصية
فى انتظار نهاية قصتك يا موها

لعبت بعنصر الاثارة والتشويق يا قائد انت هتخلينا نستني الحكاية ومش بعدين نقلب حكاية موها هههههههههه مع شديد احترامي ليه ماتزعلش مني يا موها احنا عايشين علي ارض الواقع اقولكو علي حاجة نزلوها مع بعض كده نبقي خالصين

هههههههه

متشكر والله.. بس المشكله ان القصه طويله حبتين .. وربنا يلطف بيا واقدر اوصل بيكم لنهايه القصه..
انا النهارده جبتلكم اكبر قدر من حلقات قصتنا.. استمتعوا معايا..

الحلقة الخامسه


وتعالوا نشوف موها ريدى ونور عملوا ايه مع اللي قاعدين مكانهم


موها ريدى دخل لقى اتنين اعدين مكانه هو ونور

دي كانت نهاية الحلقة اللي فاتت يا كتاكيت

ويارب الحلقة دي تعجبكم ومطولهلكم شوية اى خدمه عدوا الجمااااااايل بس




موها ريدى : ايه يا كابتن انت وهو انا حاجز المكان ده من بدري

انت حاجز صالة ولا بلكون

موها ريدى : لأ حاجز حمام يا خفيف

هو انت فاكرني شاي ولا ايه

موها ريدى : ايوة شاي ومتاخدش في ايدي غلوة كمان

انت باين عليك متعرفش الكابو هيثم

موها ريدى : وانت باين عليك متعرفش موها ريدى ابن عم هريدي عمدة القرية

ههههههههههههههههههههههههههه

موها ريدى : بتضحك على ايه ياض

ودخل موها ريدى في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع موها ريدى

موها ريدى : اي اي ايه يا نور دي دماغي انا
نور : سوري يا موها ريدى مكنش قصدي بجد
موها ريدى : اخرجي انتي برا وايه القلم الرصاص اللي بتضربي بيه ده

نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

موها ريدى : هجطعه

الدكتور : تقطع مين يابني ...احنا في جامعة

موها ريدى : جامعة مش جامعة هقطعه

نور : ايوة احنا هنقطعه

الدكتور : تعالوا برا انت وهي

موها ريدى : لأ والنبي يا داكتور الجو ساقعة برا جوي

الدكتور : اطلع بقولك

نور : يلا يا موها ريدى

موها ريدى : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ موها ريدى انه برضه محضرش المحاضرة دي كمان

موها ريدى : انا مروح يا نور

نور : لأ خليك اعد معايا شوية

موها ريدى : لأ يا نور انا مروح

نور : انا عايزة اتكلم معاك

موها ريدى : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب المحاضرات ليه يا موها ريدى

موها ريدى : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

موها ريدى : ربنا يخليكي يا نور

نور : اي نعم انت مش مهتم بمنظرك...ومش بتسرح شعرك حلو...بس حاسة انك وسيم اووي

موها ريدى : ماتقولي معفن احسن يا ست نور

نور : انا مش اقصد خالص

موها ريدى : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

موها ريدى : انا اللي اسف ....عن اذنك

وبعد ما موها ريدى مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس موها ريدى حساس حبتين

نور حاولت تتصل بموها ريدى عن طريق جارته

نور : الو ممكن اكلم موها ريدى جار حضرتك

الجارة : موها ريدى مين يا انسة

نور : موها ريدى جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : موها ريدى موها ريدى موها ريدى موها ريدى

موها ريدى موها ريدى موها ريدى موها ريدى

موها ريدى : سلام قولا من رب رحيم..اختشي يا بت على دمك بقى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

موها ريدى : اخلصي يا ست عاوزة ايه مني وليه بتخبطي في وقت زي ده

تليفون عاوزك

موها ريدى : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

موها ريدى : ابوووووووويا جراله ايه انطقي قولي

لأ لأ ده صوت واحدة

موها ريدى : امي امي اما مالها مالها

الجارة : ده صوت جثة

موها ريدى : ههههههههههههههههههههههه
موها ريدى : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

موها ريدى : طيب يا وش المصايب

نور سمعت ضحك موها ريدى ويا جارته دي ...وقفلت السكة

موها ريدى : الو الو ...الو الو

موها ريدى : هههههههههههههههههههههههههه

موها ريدى : الجثة مش راضية تنطق...ده باين كده الجثة ماتت
هههههههههههههههههههههههههههههههههه

الحلقة الجاية هتعرفوا نور عملتله اية ^_^

وده الجزء السادس
الحلقة السادسة


نور كانت زعلانة جدا لما سمعت صوت جارته وموها ريدى مكنش داري بالدنيا ساعتها من ساعتها موها ريدى ابتدى يروح الكلية

وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في


الدراسة لحد ما جت الامتحانات وده كان اخر يوم في الامتحانات موها ريدى بيكلم واحد صاحبه عن الامتحانات


موها ريدى : امتحان ممتاااااااز سهل ميا

صاحبه : ..ده انا مكتبتش حرف

موها ريدى : ليه جلمك اتجصف ولا ايه

صاحبه : لأ يابني الامتحان مليان

موها ريدى : بوي ..مليان ايه انت هتجنني

صاحبه : في ايه دلوقتي

موها ريدى : انت طلعت اول مسألة كام

صاحبه: محلتهاش

موها ريدى : والتانية

صاحبه : 100

موها ريدى : حمار

موها ريدى : طب والتالتة

صاحبه : 2000

موها ريدى : حمار

صاحبه : يوووه

موها ريدى : طب والرابعة

صاحبه : محلتهاش

موها ريدى : يا حمار هما تلاتة بس

صاحبه : انت اعد ولا هتسافر البلد

موها ريدى : لأ هسافر انا مش ليا حد هنا ولسة بيدور وشه....قربعليه الملاك نور...وبصوت رقيق

نور : يارب تكون حليت كويس

موها ريدى : ايوة الامتحان كان ممتاز

نور : لسة زعلان مني

موها ريدى : وهزعل منك ليه...احنا بيننا ايه

نور : مفيش عادي بسألك ..انت ليه دايما عصبي

موها ريدى : على فكرة انا لو مجبتش امتياز هيكون بسببك

نور : ليه بس...انا السبب

موها ريدى : فاكرة الكام محاضرة اللي اتطردت فيهم بسببك

نور : هههههه

موها ريدى : هههه

نور : وحياة اغلى ما عندك مش تزعل مني

موها ريدى : طمنيني عملتي ايه في الامتحان

نور : بليز يا موها ريدى متزعلش مني اسفة بجد

موها ريدى :وحشتيني

نور : انا ؟

موها ريدى: وحشتيني يا امي

نور :

موها ريدى الك اتخضيتي لما قلت وحشتيني

نور : وانا هتخض ليه

موها ريدى : اسألي نفسك

نور : هه ظريف

موها ريدى : امسكي نفسك شوية يا بت

نور : هههه خفيف

موها ريدى : مش ملاحظة حاجة عليا

نور: لأ بس شايفاك مبسوط عن قبل كده الحمد لله

موها ريدى : لأ لأ حاجة في شكلي

نور : الراجل مش بشكله

موها ريدى : اااااااه والله....بعد ايه ...مش كان شعري متنعكش ومش بيتسرح

نور : انا مكنتش اقصد ...كنت بهزر معاك

موها ريدى : اااااااااااااه بعد ايه بقى بعد ما جبت علبة كريم بامبرز ب 25 جنيه

نور : ه اسمه بالمرز

موها ريدى : ايوة امسكي في التفاهات دي...يعني شعري وحش

نور : جميل

موها ريدى : بجد

نور : جميل راتب ده ممثل ممتاز

موها ريدى : ااه يا رخمة

نور : هههه

موها ريدى : انا هسافر اسبوعين وجاي تاني

نور : ليه كده خليك هنا

موها ريدى : هستنى ليه

نور : نروح شرم الشيخ مع الجامعة

موها ريدى : رحتها كتير كفر الشيخ

نور : شرم شرم

موها ريدى : بتاعت البنات البلبوسة

نور : عيببببب

موها ريدى : في ايه هو انا اللي بلبستهم

نور : خلاص بقى رد عليا عشان نروح ..اتصل بيا

موها ريدى : ان شاء الله

نور : اوكي اشوفك على خير

موها ريدى : كنت عايز اقولك حاجة مهمة اوووي من زمان

نور: ايه هي يا موها ريدى قول قول

موها ريدى : مش مسامحك على المحاضرتين اللي محضرتهمش بسببك

نور : مع السلامة يا موها ريدى

الحــلقة الـســابـعة

وبعد ما موها ريدى خلص امتحانات هو ونور وقرر انه يطلع الرحلة وكان ميعاد الرحلة اتحدد

نور : هو موها ريدى اتأخر كده ليه

ريم : انتي مالك مش على بعضك ليه

نور : وانتي مالك

ريم : مش عارفة مهتمة بواحد زي ده ازاي

نور : ملكيش دعوة بقى

ريم : صحيح عملتي ايه في العريس اللي اتقدملك

نور : رفضته طبعا .. انا لسة مش عاوزة ارتبط دلوقتي

ولسة الاتوبيس هيتحرك كان موها ريدى وصل ونور تنفست الصعداء

موها ريدى : ايه يا جماعة انتوا كنتوا مستنيين حاجة ولا ايه

ريم : ابدا كننا مستنيين القطر

موها ريدى : هو احنا هنسافر في الاتوبيس ولا الجطر

ريم : يااااربي

نور : ههههههههههههههههههههههههه جامدة دي يا موها ريدى

موها ريدى : اي خدمة يا نور ابقي تعالي كل يوم

نور : اجي فين

موها ريدى : لا لا متاخديش في بالك

والكل ركب الاتوبيس وفجأة موها ريدى بيطلع من شنطته طبلة كبيرة

وشغال ضرب عليها لحد ما وجع دماغ الناس كلها والكل زهق منه

موها ريدى : ايه يا رحلة فقر مالكم ساكتين ليه محدش بيرجص ليه هطبل وهرجص في نفس الوقت ولا ايه

نور : ابدا يا موها ريدى بس الطبلة صوتها عالي اووووي

موها ريدى : مانا عارف ان صوتها عالي ... مكنتش اعرف انها هتضايقكوا كده

نور : عامة انا مش مضايقة انا مبسوطة بيها

وفجأة موها ريدى بيطلع من شنطته زمارة كبيرة بتاعة الفرق الشعبية

وفضل يوجع دماغ الشباب كلهم بأصوات الالات الموسيقية الغبية دي

وفضل على هذا الحال لحد ما وصلوا

موها ريدى : يا بووووي يا جدعان المنطجة هنا جامدة جوي جوي

نور : انت اول مرة تيجي هنا

موها ريدى : لأ جيت قبل كده ايام الحرب

نور : حرب ايه يا موها ريدى .. هو انت حضرت حروب

موها ريدى : هو احنا هنروح امتى يا نور

نور : يعني لسة اسبوع ... انت زهقت ولا ايه

موها ريدى : لا لا خالص بس انا مجبتش اكل كفاية

نور : موها ريدى اكل ايه بس هنا الاكل اوبين بوفيه

موها ريدى : يعني ايه

نور : يعني تاكل اللي انت عايزه

موها ريدى : يالهوي ياني يا جدعااااان

نور : انا هطلع اغير بقى

موها ريدى : اوعي تجولي هتلبسي لباس البحر

نور : هههههههههههههههههه ايه يا موها ريدى ده بس

موها ريدى : صدجيني معرفكيش تاني

نور : انت هتنزل البسين بأيه ... معاك ماييوه

موها ريدى : لأ انا ابويا جايبلي ترننج من السعودية هنزل بيه

نور : مينفعش يا موها ريدى

موها ريدى : بجولك من السعودية .. جامد جدا جدا

نور : طيب يلا نفطر بقى عشان جعانة

موها ريدى : انتي على طول جعانة كده

نور : ههههههههههههههههه انا بحب الاكل اوي

موها ريدى : انا اخر حاجة افكر فيها الاكل

نور : يعني مش هتفطر

موها ريدى : في مش وخيار وعيش بلدي

نور كانت عاوزة تقوله ده عند ماما الكلام ده

موها ريدى : كل ده اكل يا نااااااااااس ... هيخلص امتى ده بس

نور : كل على اد ما تقدر يا موها ريدى

موها ريدى : عليا الطلاج انا هاكل وكل لحد ما افرجع كده

نور : انا طالعة اغير ونازلة

موها ريدى : تغيري ايه بس يا شيخة بصي على نفسك في المراية وشوفي الولية الجااامدة دي

يابووووووووووووووي انا لازم اروح اتعرف عليها دي مايوه جامد جوى جوى

الحلقه الثامنه

" موها ريدى استنهز فرصه ان نور تطلعت تغير هدومها وراح اعد جنب الوليه وحصل اللي حصل " اكيد

" الوليه طبعا مبتعرفش عربى اصلا " خالص

موها ريدى : يالهوي علي الغزال اللي بيلعب في الرمل

الوليه : ــــــــــــــــــــــــــــــــــــــــــــــ ؟

موها ريدى : يالعوي علي الحصان اللي اعد علي شط

الوليه : ـــــــــــــــــــــــــــــــــــــــــــــ ؟

موها ريدى : يالهوي عالجمر اللي الميه بلته

الوليه : ــــــــــــــــــــــــــــــــــــــــ ؟

موها ريدى اتخنق وزهق كل الكلام ده والوليه مش راديه تعبره

موها ريدى عجبه تقل الوليه وحنا عارفينه صعيده ومخه تخين لازم يكلمها

موها ريدى : ايه يا عم التقل دا عبرنا ولو بنظره

الوليه خدت بالها ان في صوت بيتكلم بصتله

موها ريدى : يا دين النبي ايه العنين الدامده دي

موها ريدى : بس بس بس بس بس بس انت يا جمر

الوليه : _______________ ؟

موها ريدى سرحان في عيون الوليه ومش عارف يقول ايه اتبلم

يالهوي دا نور جايه في الطريق وموها ريدى لسه مبلم في عيون الوليه

نور : موها ريدى " موها ريدى مش هنا خالص راح في دنيا تانيه " مش معانا

نور : موها ريدى موها ريدى موها ريدى

موها ريدى : ايه مين

نور : ايه يا بني انت سرحان في ايه كده

موها ريدى : لا مافيش

نور : طيب انتا جاي معانا ولا اعد

موها ريدى : نروح فين

نور : هنروح نفطر ونطلع علي البلاج

موها ريدى : طيب روحه انتوا انا اعد هنا شويه

نور : لا يا موها ريدى تعالي معانا

موها ريدى : لا انا عايز اعد هنا شويه

نور : كده يا موها ريدى مش عايز تروح معايا

موها ريدى : خلاص خلاص انا هاجي معاكي جومي كتج الجرف

نور : بتقول حاجه يا موها ريدى

موها ريدى وهو ماشي في سره با بنت الدزمه لازم تيجي دلوقتي انا كنت خلاص هكلم الوليه

نور : موها ريدى انت بتقول حاجه

موها ريدى : لا

نور : طيب انت مش هتطلع تغير هدومك وتلبس الترنج اللي من السعوديه الجامد جدا ده

موها ريدى : اه والله فكرتينني بصي انا هطلع اغير وابقي اجيلك روحي انتي



" موها ريدى وزع نور وطلع غير ومش راحلها راح فيــــــــــــــــــــــــــــــــــــن " فين




هنعرف الحلقه الجايه

الحلقه التاسعه

موها ريدى ساب نور راحت المطعم وطلع هو يغير لكن خد وقت كتير اوي

لانه مش عارف يلبس الترنج اللي من السعوديه الجديد

محتار يلبس انهه وش اصله وشين زي بعض ما علينا موها ريدى اتخنق راح رامي الترنج

ولبس ترنج غيره ونزل نفض لنور و راح يدور علي الوليه

مش لاقها في نفس الوقت نور قلقت علي موها ريدى راحت تدور عليه واخيرا

نور : كنت فين يا بني

موها ريدى : ماكنتش وهروح فين يعني

نور : بس ايه الشياكه دي هو دا التنرنج اللي جايبه من السعوديه

موها ريدى : لا التاني فوق في الاوده مرضتش البسو الواحد المفروض ميلبسش اللبس الدامد بتاعه من اول الرحله اكده

" موها ريدى مش عايز يعرف نور انه مش عارف يلبسه عشان مش تتضحك عليه " اه يا كداب

نور : طيب يلا عشان نروح نكمل اكل

موها ريدى : يالهوي انتي هتكلي تاني انتي مش فطرتي

نور : لا انا كلت حاجات بسيطه كده مستنيياك عشان تفطر معايا

موها ريدى : مرسي يا نور ربنا يخليكي

نور : يلا يا موها ريدى

موها ريدى : جرسووووووووووووووووووووووووووووووووووووون انتا ياااااض

نور : بس يا موها ريدى الناس بتبص علينا هو هيجيلنا المنيو بتاعه الاكل دلوئت

موها ريدى : منه مين هي منه دي شغاله معاه

نور : يالهوي المنيو المنيو

موها ريدى : اه منيو مش منه مين منيو دا بقه

نور : يالهوي يا بني ليسته الاكل

موها ريدى : اه ماتقولي كده من الاول لازم تجيبي منه يعني الاول

نور : طيب شوف هتاكل ايه

موها ريدى : طيب انا هاخد ايه دا مافيش فول طعميه برنجان ايه الاكل دا

نور : هو انت في البلد الفطار هنا زبده مربه جبنه حاجات خفيفه كده

موها ريدى : والحاجات دي بتشبع ولا هنجوع منها

نور : يعني كل لاغيه متشبع دا اوبن بوفيه

موها ريدى : طيب بص يا كابتن هاتلي 5 زبده و10 مربه و 5 جبنه و10 عيش

الكابتن : ليه يا فندم انت عازم حد

موها ريدى : وانت مالك يا سسقيل اه عازم نفسي علي الفطار شوف الانسه تاكل ايه

نور : هتلي زبده ومربه وجبنه ورغيف عيش بس

الكابتن : اي خدمه تانيه

موها ريدى : متشكرين يا خفه روح يلا يااض

نور : ايد دا يا موها ريدى عامل الولد بشكل احسن شويه

موها ريدى : يا عني اطلع البس بدله واكلمه عشان اكلمه كويس

نور : هههههههههههههههههههههههه يخربيت عقلك يا موها ريدى مش قصدى

موها ريدى : هو الراجل اتاخر كده ليه انتا يا عم جعانين

نور : يالهوي براحه يا موها ريدى الناس بتضحك عليك

موها ريدى : ليه هو انا بكلمه وانا واقف عي ايدي طب يلا والله منا واكل

نور : خلاص يا موها ريدى برحتك بس انا جعانه

موها ريدى : يلا نروح ناكل في حته تانيه


و خدها موها ريدى و هيروحو ياكلو فى حته تانيه

موها ريدى وهو ماشي لاقه مين في وشه وداخل يفطر




هنعرف الحلقه الجايه

الحلقه العاشره

موها ريدى بعد ما حلف على نور انهم يفطروا في مكان تاني

وهما طالعين لاقى الوليه اللي كان عايز يكلمها

وشه احمر وراح لنور قالها

موها ريدى : نور عشان خاطرك انتي بس هنرجع ناكل في المطعم عشان انتي شكلك جعانه

نور : مرسيي يا موها ريدى علي زوقك " طيبه ماتعرفش اللي فيها " خالص

موها ريدى : هو الجارسون اتاخر كده ليه انت ياااااااااااااااااااااض

موها ريدى : فين الوكل

نور : اهه جاي اهه

الكابتن : اتفضلوا الاكل بالهنا والشفا

نور : مرسيي

موها ريدى : يلا ياض من هنا

نور : ايه يا موها ريدى خلي قلبك رقيق من كده

موها ريدى : طيب يا سيتي بقلك ايه يا نور ما تيجي تعدي مكاني

نور : ليه يا موها ريدى

موها ريدى : يعني تعالي بس

نور : طيب تعالي من شوف اخرتها معاك

طيبه اصل الوليه كانت اعده ورا موها ريدى و هوا كان عاوز يبصلها

موها ريدى : سرح في عيون الوليه ونسي الاكل ونور

نور : موها ريدى موها ريدى " موها ريدى مش هنا " انت يا موها ريدى انت رحت فين

موها ريدى : ايوه بتقولي حاجه

نور : يالهوي انت دا كله ومش معايا انت سرحان في ايه

موها ريدى : سرحان عبد البصير

نور : هههههههه خفيف سرحان فيه ايه بجد وبتبص فيا كده ليه

موها ريدى : انا ببص عليكي انا بتتلككي ولا ايه هبصلك ليه يعنى

نور بتتلكك " راحت نور بصت وراها لاقت الوليه بتتضحك لموها ريدى وموها ريدى سرحان معاها " هههههههه

تش تش تش نور دلقت الميه فوق هدوم موها ريدى مفتريه بجد

موها ريدى : ايد دا يا نور ينفع كده الترنج اتبل هخرج ازاى دلوئت

نور : احسن عشان تسرح برحتك بعد كده انا ماشيه

موها ريدى : خدي بس يا مجنونه مالك زعلتى ليه بس

نور سابت موها ريدى وتطلعت اودتها وزحلانه موها ريدى تطلعلها عشان يصالحها

موها ريدى : نور خلاص بقي انا اسف بجد

نور : اسف علي ايه

موها ريدى : عشان بصيت للوليه

نور : وانا مالي ما تتحرق انتا وهيا " ونور يا عيني هتموت عشان بص للوليه " ومتغاظه

موها ريدى : اتحرق كده طب انا ماشي راجع البلد ومش هتشوفي وشي تاني غير علي الدراسه

نور : احسن روح " فى لحظه زعل جامده وعصبيه " كده

موها ريدى : كده طيب شكرا علي الرحله الجميله دى

نور سمعت اوده موها ريدى بتتفتح وطالع بالشنط ونازل من علي السلم

نور جريت ورا ولاقيته بيكلم في التليفون من الريسبشن بيكلم مين





هنعرف الحلقه الجايه

الحلقه الحاديه عشر


( نور وهي نازله جري ورا موها ريدى عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين )

موها ريدى : الو

جارته : الووووووووووو مين معايا في التليفون بس ازاي دخلت جوه هههههههههههههه

موها ريدى : مش وقت استظراف امك دلوقتي

جارته : ايه يا واد الخفه دي مين معايا

موها ريدى : انا موها ريدى اللي اتهبب وساكن في الشقه اللي قدامك

جارته : اه حماده ميدو مودي ازيك يا واد يا موودي عامل ايه انت فين ياض وازاي اخبارك

موها ريدى : انا في شرم الشيخ

جارته : مش كنت تقولي يا واد كنا رحنا سوا

موها ريدى : تيجي فين يا وليه دا انتي لو شوفتي النسوان اللي هنا تنتحري

جارته :جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون

موها ريدى : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )

جارته : انا يا ميدو انا يا واد لو عايزه اكون زي جوليا روبرت هكون

موها ريدى : جوليو ابو ربع جنيه انتي بتكلي الحاجات دي يا وليه

جارته : جاتك ايه يا ميدو يخربيت عقلك سكر سكر انت بتتصل ليه بقي

موها ريدى : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده

جارته : ماشي يا حبيب قلبي ترجع بالسلامه مستنياك

موها ريدى : مستنيه مين يا وليه انتي تخلي معاكي المفتاح بس

جارته : ماشي يا مودي ترجع بالسلامه خلي بالك من نفسك
( موها ريدى بيحط السماعه وبيلف لاقه نور في وشه )

نور : انتا مسافر خلاص

موها ريدى : اصل اعد لمين انا جاي عشانك وانتي زعلتي ومشيتي

نور : مانتا السبب سرحان في واحده وانا معاك

موها ريدى : خلاص يا سيتي انا اسف

نور : وانا اسفه ماتسفرش خلاص

موها ريدى : خلاص مش مسافر عشان خاطرك انتي

نور : مرسي يا موها ريدى بجد انتا طيب اوي

موها ريدى : انتي اطيب والله

نور : طيب بقي اطلع حط الشنط وتعالي نتمشي

موها ريدى : بس انا جعان اوي

نور : خلاص طلع الشنط وتعالي نفطر

موها ريدى : اوك

موها ريدى وهو طالع يودي الشنط وبيغير باب الاوضه خبط يا تري مين


انا تعبت النهارده نكمل بعدين واحداث قصتنا الجميله...

موها

للأسف ياإيمى مش هاينفع انزل حكايتى مع حكاية موها
لأنى مش بحب آجى على حق حد لأنى مش بحب حد ييجى على حقى
وعلى فكرة يانور أنا الحكاية بتاعتى جاهزة بس موها يخلص حكايته الأول


كنت عاوز اخد رأيكم فى حاجة

أحكيها زى ماهى مكتوبة
ولا أزود فى التفاصيل وأطول فيها؟

تسلملى يا قائد يا رب اللى يجى على حق موها مش يكسب
هههههه
وبراحتك يا عم احكى حكايتك زى ما تحب وبالطريقه اللى تريحك وبجد هانكون سعداء جدا بحضورك معانا تحت صومعه الحكايات وسرير الحواديت ...
نكمل بقى حكايتنا
الحلقة الثانية عشر

( موها ريدى ساب نور واقفه في الريسبشن وطلع يحط الشنط ووهو بيغير الباب خبط )

موها ريدى : مين اللي بيخبط

الطارق : انا

موها ريدى : ايوه مين يا عني انت مش بشر كائن يعني ليك اسم

الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب موها ريدى شافه في المطعم وطلع وراه الاوده عشان يسلم عليه)

موها ريدى : ( فتح الباب لاقا محمود صحبه خاده بالحضن وسلامات وبوس )

محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين

موها ريدى : اهه تغير شويه بدل ما نروح البلد جيت هنا مع اصحابي

محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت

موها ريدى : ماشي يا مان انت شوفتني معاها

محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم

موها ريدى : انقي ايه يا معلم دي صاحبتي اصلي معرفش حد في الرحله غيرها

محمود : طيب يا مان اسيبك بقي ولو عوزت اي حاجه انا في الخدمه

موها ريدى : ماشي يا مان والف شكر

( موها ريدى ساب محمود ونزل يفطر بقي اخيرا هيفطر مع نور )

موها ريدى : اخيرا يا نور هنفطر

نور : اخيرا انا ميته من الجوع

موها ريدى : لو سمحت الفطار بتاعنا

الجرسون : حاضر يا فندم

موها ريدى : بس بسرعه والنبي عشان ميتين من الجوع

نور : اه بسرعه خالص عشان ممكن ناكل في بعض دلوقتي

موها ريدى : بسرعه يا عم احسن تيجي تاكل فيا

جرسون : حاضر يا فندم

( الجرسون جاب الاكل وكله الحمدو لله ونور خدت موها ريدى وتمشوا علي البحر )

نور : انت هتعمل النهارده ايه يا موها ريدى

موها ريدى : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر

نور : عندك حق والله اوك وبليل ننزل نخرج ونشوف البلد

موها ريدى : اوك يا نور

نور : البحر هنا حلو اوي بكره اكيد ننزله سوا

موها ريدى : باذن الله

نور : يلا نرجع بقي

موها ريدى : يلا

( موها ريدى ونور طلعوا اودهم وهنعرف عملوا ايه باليل باليل النهارده )

الحلقه الثالثه عشر


( موها ريدى ونور طلعوا يسيتريحوا وهيخرجوا مع بعض بليل ....................... بعد وقت طويل موها ريدى ونور قابلوا بعض بليل كده بعد المغرب وخرجوا مع بعض )


موها ريدى : تصدجي يا نور شوفي احنا بقلنا قد ايه مع بعض وانا مش عارف عنك اي حاجه

نور : وانا بردك تصور بص يا سيدي اتكلم انا ولا تتكلم انتا

موها ريدى : لا اتكلمي انتي وانا بعدين اتكلمي ليدز فرست

نور : بص يا سيدي انا اسمي نور عبدالله والدي شغال مدير بنك اوك

والدتي اسمها مش مهم وشغاله في الجامعه

موها ريدى : تصدقي اسم مامتك جامد مش مهم مين الذيذ الي سماها الاسم ده

نور : هههههههه يخربيت عقلك يا موها ريدى اسمع بقه

موها ريدى : اتفضلي خلاص

نور : وانا عندي اخت واحده اكبر مني وماسفره مع جوزها واعده في البيت لوحدي مع ماما

وبابا وليا اخ صغير كده بس ايه عسل

موها ريدى : ربنا يخلوهملك

نور : انا حكيت اهه اتكلم انت شويه

موها ريدى : بصي يا سيتي انا اسمي موها ريدى عمر والدي عمده القريه الي عايشين فيها
والدتي ست بيت طيبه اوي

نور : ربنا يخلهالك

موها ريدى : ربنا يخليكي وانا عندي اخت صغيره كده بس ايه عفريته موووووووووت

نور : ربنا يخلهالك

موها ريدى : بس قوليلي انتي دخلتي الكليه دي كان نفسك فيها ولا عشان مجموعك

نور : لا انا كان نفسي ادخلها عشان والدي يعني كده

موها ريدى : طويب

نور : وانت دخلتها ليه تلاقيك عشان المجموع

موها ريدى : لا والله انا دخلتها عشان كان نفسي اخشها يعني شغلها كتير وفي جميع المجالات

نور : قولي صحيح يا موها ريدى لما تيجي تتجوز ايه مواصفات البنت اللي انت نفسك تتجوزها

موها ريدى : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر واخضر وبتكلم نفسها دا كل المواصفات دي فيا وسرحت في كلام موها ريدى)

موها ريدى : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين

نور : هه معاك ايوه كنت بتقول ايه

موها ريدى : لا انتي كنتي فين يا بنتي بقولك بتحلمي جوزك يكون ازاي

نور : بص لازم يكون بيحبني مووووووت ويكون طيب وجميل ودمه خفيف

موها ريدى : ( موها ريدى بيضحك مع نور ) تصددقي المواصفات دي فيا يعني انفع ابقي جوزك

نور : ههههههههههههههههههههههههههه يا بنن الايه انا نفسي في ايس كريم دا يا موها ريدى

موها ريدى : من عنيا يا نور

( نور وموها ريدى امتشي كتير اوي وكلموا اكتر وراحوا المطعم بتاع الفندق اتعشوا وطلعوا ناموا )

( تاني يوم الصبح موها ريدى ونور فطروا سوا وراحوا البحر)


موها ريدى : ايه يا نور انتي هتنزلي البحر

نور : طبعا يا ابني هو انا جايه هنا عشان اتفرج عليه

موها ريدى : طويب خالي بالك من نفسك

نور : طيب انا بعرف اعوم خالي بالك انتا من نفسك ( موها ريدى علي فكره بيعوم علي اد ه )

موها ريدى : الحقوني الحقوني الحقوني يا نووووووووووووووووووور بغرق

نور : اااااااااااااااااااااااااااموها ريدى


( كفايه كدا عليكوا وهنعرف حصل ايه المره الجايه )

دول حلقتين واللى جاى يا ويلللى بقى من اللى جاى .؟.الصعيدى ده هايجننى

الحلقه الرابعه عشر


( يالهوي انا سايب موها ريدى دا كله بيغرق ومحدش انقذه دا زمانه ماااااااااااااات لما نشوف حصله ايه)

موها ريدى : يا نوووووووووووووووووور الحقيني الحقيني ( وموها ريدى قاعد يطبش باديه ورجليه وينزل ويطلع يا عيني يا موها ريدى

نور : موها ريدى انا جايه اهه امسك نفسك شويه
( يا عيني نور كانت لسه بتغير هدومها مش لحقت نطط في الميه بهدومها وجت عند موها ريدى لسه بتمسكه موها ريدى دنه يضحك ويعوم ونور يا عيني هتعمله ايه وزعلت منه ومشيت

موها ريدى : خدي يا نور انا كنت بهزر معاكي بجد والله خدي بس مش تزعلي
نور : نور دي حركه تعملها فيا بردك انا قلبي وقع في رجلي اخص عليك يا موها ريدى
موها ريدى : خلاص بقه يا نور المسامح كريم وانتي مش بتزعلي صح
نور : خلاص يا موها ريدى مش حصل حاجه بس مش تعملها تاني
موها ريدى : اوعدك اني مش هعملها تاني اطلعي بقه غيري هدومك عشان مش تخدي برد
والبسي كده اللي علي الحبل وانزلي عشان هعزمك علي غدوه جامده مووووووووت

( نور طلعت غيرت وموها ريدى طلع لبس هو كمان اللي علي الحبل وراحوا فين)
فااااااااااااصل اعلاني ونعوووووووووووووووووووووووووووود



اعلانااااااااااااااااااااااااااااات طويله شويه


( موها ريدى ونور نزله وقابله بعض في الريسبشن )

نور : ايه بقي يا موها ريدى الغدوه الجامده دي
موها ريدى : لا دي مفاجاه هتعرفيها دلوقتي
نور : طيب يلا بسرعه عشان انا هموت من الجوع
موها ريدى : اوك يلا تاكسي
التاكس : where are you go?
موها ريدى : see food ( بعيد عنكوا كده دا اكبر محل سمك في شرم )
نور : وااااااااااااااو ايه المحل التحفه ده يا موها ريدى
موها ريدى : دي حاجه بسيطه كده عشان اعتزرلك علي الموقف اللي حصل الصبح
( نور بتقول في سرها ياريت تعمل الموقف دا كل يوم )
نور : موقف ايه يا موها ريدى مافيش حاجه حصلت دا يدوب كان قلبي هيقف
موها ريدى : بعد الشر عليكي عشان الخضه دي قولت اغديكي اكله جامده موووووووت
الجرسون : اوامرك يا افندم تطلب ايه
موها ريدى : بص يا سيدي عايزين ولا جميع انواع السلكات والمخللات
ثانيا بقي هات جميع انواع السمك اللي عندكوا ظبطنا يعني
ومتنساش الجنمبري عشان الفوسفور يعني ظبطنا كده
الجرسون : اي خدمه تانيه يا افندم
موها ريدى : شكرا متنساش اهم حاجه الميه بسرعه
نور : ايه الاكل دا كله يا موها ريدى احنا هنقدر ناكل دا كله
موها ريدى : ان شاء الله انا بقالي يومين مش باكل الاكل بتاع الفندق ده مش بيشبع خالص
موها ريدى : قوليلي صحيح يا نور عقبال ما يعملوا الاكل انتي مش اتقدملك حد للجواز خطوبه
يعني
نور : بيتقدموا والله يا موها ريدى بس انا لسه صغيره مش بفكر في الكلام ده دلوقتي وبعدين انا لسه مش قبلك فارس احلامي يعني لسه شويه

موها ريدى : عملتي خير والله جواز ايه دلوقتي انتي لسه صغيره
نور : وانت مش حاطط عينك علي حد
موها ريدى : حاطط عيني علي الطفايه دي
نور : ههه يخربيت عقلك بجد والله
موها ريدى : لسه والله يا نور مش قابلتا الانسانه اللي بحلم بيها بس يعني في احتمال اني لاقتها
نور : وشها احمر واخضر وضرب الوان طيب ما تقولي مين دي
موها ريدى : لا لسه شويه في الوقت المناسب هقولك
الجرسون : الاكل يا افندم

( موها ريدى ونور اكلوا بالهنا والشفا وشربوا بيبسى واتمشوا لغايه بليل ولفوا البلد
ودنهم يتكلموا كتير اوي مش عارف بيتكلموا في ايه المهم الاتنين روحوا وناموا
تاني يوم بقه صحيوا ونزلوا فطروا وراحوا البحر )

موها ريدى : صباح الخير يا نور
نور : صباح الخير يا موها ريدى عامل ايه
موها ريدى : المشي بتاع امبارح ده بوظلي رجلي المهم انتي هتنزلي البحر
نور : اه بس اوعي تعمل حركه امبارح
موها ريدى : لا خلاص عيب مش عنت هعملها
( موها ريدى ونور نزلوا البحر وبيعموا فموها ريدى وقف شويه ونور دخلت جوه من كتر الارهاق جالها شد عضل فكانت هتغرق اعدت تنده علي موها ريدى وموها ريدى منفضلها
وكانت هتغرق عايزين تعرفوا هيحصل ايه



الحلقه الخامسه عشر


( احنا سيبنا نور بتغرق والحلقه خلصت مش مشكله نكمل )

نور: ااااااااااااااااااااااموها ريدى الحقني يا موها ريدى الحقني بغرق
موها ريدى: (موها ريدى فاكر نور بتردله المقلب اللي عمله فيها وموها ريدى منفضلها
موها ريدى : بطلي شغل عيال يا نور انا فاهم الحركات دي وموها ريدى اعد يضحك ( بارد اوي موها ريدى ده هو مش بارد هو عامل نفسه ناصح )
نور : الحقوني الحقوني بغرق
( نور بتغرق بجد وعماله يا عيني تطلع وتنزل وتشرب في ميه واتخنقت )
موها ريدى : نوووووووووووور

( موها ريدى عام باقصي سرعه ونور اغمى عليها وموها ريدى زعلان اوي راح شيلها وطالع بيها علي الشط )
موها ريدى : نور نور اوعي تسبيني ( وموها ريدى بيخبط علي صدرها عشان الميه تطلع مافيش فايده )
اجمد : موها ريدى جاب الاسعاف وراح بيها علي المستشفي

( الاسعاف جه خد نور علي المستشفي وهناك عمله الازم طلعوا الميه ورجعولها التنفس وبقت تمام بس لازم تدنها يومين كده
موها ريدى يا عيني في المستشفي بهدوم البحر ودموعه في عينه وبيدعي لنووووور )
موها ريدى : دكتور خير
دكتور : خير يا ابني اتطمن الحمد لله هي بخير
موها ريدى : الف شكر يا دكتور الف شكر ممكن ادخولها
دكتور : ممكن

( موها ريدى والدموع تتلالا في عينه داخل علي نور وبكل رومانسيه )
موها ريدى : حمدالله علي السلامه يا نور وبيديها ورده
نور : مرسي يا موها ريدى
موها ريدى : انتي بعد الشر لو كان جرالك حاجه انا كنت هرمي نفسي في البحر
نور : متقولش كده انتا برده اللي انقذت حياتي
موها ريدى : انتي اللي ردتيلي حياتي والله يا نور بعد ما تطمني الدكتور
نور : مرسي يا موها ريدى
موها ريدى : شدي حيلك بقي كده وقوميلنا بسلامه كده
نور : ان شاء الله موها ريدى روح انت استريح انت شكلك تعبان
موها ريدى : اسيبك وامشي مش هقدر وبعدين انا زي الفل اهه
( صحاب نور عرفه اللي حصل جم بسرعه يطمنوا عليها )
ريم : نور حبيبتي الف سلامه انا مش صدقت والله اول ما قالولي انتي كويسه
نور : انا الحمد لله كويسه
ريم : الحمد لله
ريم : انا متشكره جدا يا موها ريدى عشان انقذت صحبتي
موها ريدى : علي ايه يا ريم ماهي صاحبتنا كلنا بردك
ريم : عنددك حق يا موها ريدى مرسي اوي

( نور اعدت يومين في المستشفي وبعدين طلعت كان فاضل يوم واحد بس ويرجعوا )
( موها ريدى وريم وصلوا نور للاوده بتاعتها ونامت وتاني يوم الصبح )
موها ريدى : حمدالله علي السلامه يا نور
نور : الله يسلمك يا موها ريدى والله انا مش عارفه ارد جميلك ده ازاي
موها ريدى : جميل ايه بس هو في بينا جمايل بس علي فكره يا نور لو كان حصلك بعد الشر اي حاجه انا مش كنت هسامح نفسي خالص
نور : متقولش كده يا موها ريدى انت بردك الي انقذت حياتي

( في منظر رومانسي تحت السماء صافيه والبحر الازرق والموسيقي في الفندق شغاله )
موها ريدى : بس يا نور تعرفي وانتي نايمه بتكوني جميله اوي
نور (وشها احمر وضرب الوان ومش عارفه تقول ايه ) : مرسي يا موها ريدى انت الاجمل ولله
موها ريدى قرب من نور وبص في عنيها


وهنعرف قالوا ايه لبعض الحلقه الجايه

وكفايه كده النهارده استنونى الحلقه الجايه
موها

هو ده فعلا اللى انا كنت عاوز اعمله يا هبة
بس قلت فى عقل بالى يمكن انتوا تكونوا حابين انى اطول زى موها
علشان المتعة تكون أكبر وتاخد أطول فترة ممكنة

ايه ده يا جماعة لا موها خلص الحكاية ولا حتي اكثم قال حكايته انتم بتعلقونا ولا ايه احنا مستنين الحكاية

يلا بسرعة قبل ما ننشغل في الامتحانات