هل ترضى أن يصارحك احد بعيوبك ؟ ( موضوع للنقاش)

"بسم الله الرحمن الرحيم"

" السلام عليكم ورحكة الله وبركاته "

إن لكل إنسان مهما كان له أخطاء و عيوب , فهو محكوم في هذا بقدر من الله عز وجل أن خلق بشرًا

يعتريه النقص ' كل ابن آدم له خطاء ' .

وطبعاً أنا لا أقصد بالعيوب هنا ,, العيوب الخِلقَية ولكن أقصد

العيوب في التصرفات او الطباع ..

على سبيل المثال : لو كان لك صديق وهذا الصديق به من الصفات

الجميلة الشيء الكثير ولكنه نمّام

أو كذّاب أو كثير الكلام ,, هل ستواجهه ؟؟

واذا كانت هذه الصفات فيك ( مثلاً ) هل سترضى اذا واجهك بها .

بصراحة هل ستعتبرها هدية ؟؟؟؟!!!!!

أم ستعتبرها إهانة وتدخل فيما لايعنيني أم وقاحة؟

انتظر .. وفكر قبل الإجابة قليلاً .

إذا كنت تعتبر المصارحة بالعيوب هدية كما قال عنها سيدنا عمر بن الخطاب رضي الله عنه : ( رحم

الله امرأ اهدى إلي عيوبي ) . فما هو لون الغلاف أو شكل الغلاف ( أقصد هنا الأسلوب ) الذي تحب أن

تغلّف به هديتك ؟

هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

بصراحة :

هل أنت مع هذه المقولة .. هل ترضى أن يصارحك احد بعيوبك ؟

والي شايف حد في المنتدي ليه عيوب وعايز يقولها يقولها؟

و أنــــــا أتمنى من الي يقرأ الموضوع إنه يقول هو مع هذه المقوله
و لا لأ....

يا لذيذ يا رايق7up

موضوعك جميل أوى يا مصطفى
وفعلا أذا كان الشخص صديق قريب منى لازم يقولى على عيوبى فعلا هدية لانة ميحبش حد يا خد عنى فكرة مش كويسة أو يشوفنى وحشة فى أسلوبى
أما الانسان اللى ميصارحش صديقه بعيوبه دة أساسا ميبقاش صديق خالص
والنقطة بتاعت ستعتبرها إهانة وتدخل فيما لايعنيني أم وقاحة؟
لالالالالالا خالص أكيد طالما قبلتة صديق لازم أقبل نصائحة حتى ولو مش هنفذها
وشكرا ليك يا مصطفى........

فعلا موضوع هايل مشكور عليه يا صاحب الظل
وبالنسبة للسؤال؟هى ممكن تبقى أهانة.. بحسب الاسلوب اللى بيتقال بيه النقد
ثانيا....لو الشخص اللى بينقدنى .أنا عارفة ومتأكدة انه بيحبنى وخايف عليا..
ساعتها ممكن النقد فعلا يبقى هديه
بس لا جدال ان فكرة النقد او مناقشة العيوب ..شىء صعب جدا على النفس البشرية
وده فى حد زاته عيب فينا لازم نعترف بيه
......اللهم طهر أنفسنا يا رب العالمين.............

وعليكم السلام ورحمه الله وبركاته

اولا اشكرك على موضوعك يا مصطفى

ثانيا انا فعلا احب ان حد يقولى ان طريقتى او اسلوبى مش كويس بس يكون باسلوب كويس
مش حد يقولى ايه الاسلوب ده وخلى بالك من اسلوبك فى الكلام وطريقت اسلوب وحشه اوى
ممكن خلى بالك من الطريقه دى وكمان زى ماهبه قالت فعلا الصديقه اللى قريبه منى هى اللى تنصحنى وتقولى وانا اتقبل منها عشان عارفه انها خايفه عليه وهتنصحنى

وكمان احب ان حد يمدح برضوا مش الاسلوب الوحش بس يتقال كمان الاسلوب الكويس

وانا كمان لو شفت فى واحده صحبتى اسلوب مش كويس لمصلحتها بقولها ونصحها

وجزاك الله كل خير

فعلا زى ما قالت همت وميادة
هو الاسلوب اللى يتقال بيه النصيحة
لآنه له عامل كبير سواء ويؤدى الى تقبل النصيحة أو عدم تقبلها

[ندعوك للتسجيل في المنتدى أو التعريف بنفسك لمعاينة هذه الصورة]

كلامكم صح بس الي بشوفه في الناس بترمي كلام دبش يعني مش بطريقه لطيفه خالص

يعني مثلا تلاقي واحد بيقول لصاحبه حد يمشي زي البنات كده في الشارع

او يقوله امشي ياض عدل زي الرجاله مثلا يعني

دا بدل ما يقوله مثلا انت يحبي يا فلان حاول تقلدني في مشيتي كده عشان احنا اصحاب يبقي نكون زي بعض احسن
كده يعني

يا لذيذ يا رايق7up

الله الصورة دى حلوة اوى
ازيك يا مصطفي اخبارك وانتوا كلكم يا جماعة
انت كلامك صحيح
(رحم الله امرئ اهدى الى عيوبى )
شكرا ع الموضوع الجميل

اللهم أستر عيوبنا يا رب العالمين

أن كان الكلام دبش دى بترجع لزوق الانسان اللى أنت مصاحبه
والمفروض النصائح الشخصية اللى زى دى تلتزم بالسرية
بين اللى بيعطى النصيحة والذى توجه له النصيحة
_ولا أيه يا جماعة
[ندعوك للتسجيل في المنتدى أو التعريف بنفسك لمعاينة هذه الصورة]

مش بس السريه
كمان ذى ما قولنا الاسلوب .وانى احسسه انى فعلا بحبه وخايفة عليه

» موضوع محتاج للنقاش ..... يارب يعجبكم
» حتى الحيوانات.لا ترضى الخيانة
» موضوع جامد جدا
» موضوع يهم كل مصري
» موضوع أخر نكتة