ضد..الحب؟!!

مشكور على الموضوع
ولكنى ارى انك تثير مواضيع يختلف عليها الاعضاء فى الرأى (دا طبعا شيئ جمل )
ورأيى أن الاختلاف فى الرأى على شيئ يزيد من قيمته إنت فعلا تزيد من قيمة الحب بالموضوع دا

يا حلاوة يا حلاوة


مفيش جبنة

_حقيقى ياقائد المصرى الاصيل انا ده رايى ولو تفكر تربط مواضيعى ببعضها
هتلاقى كل موضوع ناتج عن الموضوع التانى...والمواضيع بتعبر عن شخصيتى ..
مثلا انا لااقتنع بعمل البنات معانا فى الجوالة ده رايى
وبالتالى ده مذهبى فى كل نواحى الحياة بالنسبة لهم
وبالتالى انا غير مقنع بالحب اللى كلهم بينادوا بيه
ومع احترامى ليك بما ان انا ناصرى جدا(الحزب الناصرى يعنى)
بحب اعرض رايى فى شكل موضوعى على الملا ولو كنت ذو اقلية
والناس كلها معترضة..فانا شخص ذو كيان ذو راى.
واخيرا..انا سعيد جدا بردك على موضوعاتى..وبجد انا اكتسبت صديق من جامعة بنها او قائد جديد من
عشيرة بنها

_بالنسبة ليك يابن البلد لو عايز جبنة ابقى روح العطار هتلاقى مستكة...سيبه وامشى وروح عند اللبان هتلاقى جبنة...وبالنسبة للحلاوة فى كتير بس اوعى تلزق

شكرا ليك جوال اسكندرانى
وطبعا احنا بنتحاور اكيد من منطلق الصداقة وليس لمجرد الاختلاف فأنا احترم رأيك ووجهة نظرك جدا وبالتالى اعطيك رأيى ووجهة نظرى
وانا اسعد بالفعل بصداقتك وصداقة اى جوال محترم بمصر وكان نفسى الصداقة يوطدها اللقاء بس للاسف ظروف الغربة تحول ولكن ...على الخير نلتقى دائما ان شاء الله
مع خالص تحياتى /أخوك محمود رضا

ادعيللى ان شاء الله انزل وفد جامعة ياقائد محمود وساعتها ان شاء الله نتقابل فى القمية
وانا سعيد جدا بصداقتك...وسلملى على اى حد كلية زراعة جامعة بنها...
وقوله اخوك فى زراعة اسكندرية بيواسيك زى مابيعزى نفسه.

فعلا كلامك عجبنى يا جوال الاسكندرنى
ولو انت معترض عن نزول البنات الجواله دى حريه رائى وحريه شخصيه وكل واحد بيحكم على الوضع وبيحكم على المكان اللى هو فيه
بس كنت عايزة افهم جمله انت قولتها

(وبالتالى انا غير مقنع بالحب اللى كلهم بينادوا بيه)

كنت عايزة افهم معناه الجمله دى
وشكرا ليك يا جوال الاسكندرنى

_قصدى يابندقة ... ان اللى لاحظته فى معظم البنات ...بلاش كلهم.
ان هما عاطفيين جدا ..والحب دا شىء مهم..بالنسبة لهم..
ويمكن بالنسبة للرجالة كمان..وانا بصراحة مش مقتنع بالحب ده.
_وشايف انه وهم بس كله عايش فيه ودا يرجع للافلام الفاشلة.اللى بنشوفها.ع العموم ادينى وضحت.
وانا سعيد جدا بردك على الموضوع..شكرا

والله يا جوال الاسكندرينى انا شايفه ان انت كمان بتحب يعنى الحب هيكون جوة قلبك اكيد دور هتشوف انك بتحب مامتك بتحب والدك بتحب اخواتك بتحب اصدقاءك بتحب وطنك
انت اللى شايف ان الحب ملهوش لزمه اما الحب مهم جدا بين الناس انت لو معندكش حب مكنتش عرفت تتعامل مع الناس اعد مع نفسك هتلاقى فى حب جواك
وكمان الحب شئ جميل مش لازم يكون الحب اللى بين البنت والولد انا اصدى حبى لوطنى حبى لدينى حبى للبنات اصحابى اللى بيبدلونى نفس الحب
انت عارف لو مكنش فى حب فى الدنيا مكنش هيبقا ولا تسامح ولا تعاون ابدا
وشكرا ليك يا جوال على التوضيح العبارة

_ماشى يابندقة كلامك مقنع وكل اللى بتقوليه انا مصدقه لكن قصدى على الحب بتاع الجامعة .
منتشر اوى وهوده اللى انا بقصده .لكن اى حب تانى .لوالدى ..لوالدتى فده انا بعتبره غريزة وفطرة.
وجميلة جدا الصورة دى اللى تحت تعليقك