انا صح ولا غلط

اكيد انت غلط
ولو ما كنش ليهم دور ما كنوش عملوا المرشدات من الاول
انا شايفه ان ديه نظره انانيه وشخصيه

انا رائى برضو ان دى نظرة انانيه

واكيد انت لو شايف ان فى شغل مش عجبك المرشدات تعمله ممكن تقولهم

بس الجواله مشاركه وروح فى نفس الوقت

واكيد فى حدود فى المعمله

عيد وجهت نظرك هتلاقى انت اللى غلطان

_والله ياجماعة مش عارف انا مش شايف انى غلطان
وحاسس ان زى ماحنا مبندخلش فى شغل الخياطة والحاجات دى برضه مش من حق المرشدات يدخلوا فى شغلنا .
بس انا والله مش انانى ..دا انا راجل طيب على طول نايم وكافى خيرى شرى

هما بالتاكيد ما بيدخلوش فى شغلكوا هما ليهم شغلهم زيكوا وليهم لا ئحه
واذا كانوا بيساعدوكوا ده مش معناه تتدخل دى روح المشاركه اللى لازم تكون فى الفريق
ولو كان ما لهمش اهميه فى الحركه ما كانوش عملوا ليهم دورات ارشاديه على مستوى الجمهوريه وعلى المستوى الدولى

المفروض ان المرشدات ليهم دور وفعلا زى ما شمس الاصيل قالت ليهم ليحه ولو مكنش ليهم مكنوش عملوا للمرشات حاجه
وبعدين ما الجوالين لما بيطلعوا الرحله الخلويه بيعملوا طهى يعنى عمل من اعمال المراءة
الجواله فيها الجوالين والجوالات روح مشركه وتعاون وكيفيه الاعتماد على النفس
الجواله جميله جدا بس اللى هيعرف يستغلها صح وبطريقه سليمه
واكيد مفيش تدخل بين المرشدات والجوالين دول ليهم اعمال ودول ليهم اعمال
بس انت ممكن تكون بتحكم على الجواله اللى عندك
بس فعلا زى ما انا بقول الجواله كويسه بس اللى يعرف يستخدمها صح

ههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههه

هههههههههههههههههههههههههههه

انا مش هرد علشان الموضوع دا ملوش اى قيمه

وبلاش احراج للاسكندرانى

هههههههههههههههههههه

عبووووووود التجارى

لا بجد رد حضرتك مهم يا قائد ولا انتم شايفين ايه يا جماعة
مش هو رده مهم برده ولا ايه
ولا ده تحيز بص يا استاذ هقولك على حاجة انت فى اى حاجة تانية من الحياة مش بتشوف البنات فيها صح قول صح هقولك حتى فى الحياة المهنية والحياة الخاصة كل واحد وله وظيفة والمرشدات هما بنات والجوالة ده للرجالة معاك حق بس انت عارف هى بتعرفنا احنا ازاى نعتمد على نفسينا لو فرضنا انها لعبة بتعكس الحياة هتلاقى ان المرشدة بتعكس دور المراه التى تعيش بمفردها محتاجة بيت تبنيه ومكان تعيش فيه وتقبل تحديات الحياة الى بتوجها عن طريق العمل الصعب وكمان كانت بتكون مسؤلة عن التخييم زمان فمدخلتش ولا حاجةلها شغلها ولكم شغلكم

يا جماعه بجد الموضوع مايستهلش

انا عايز اقولك حاجه يا اسكندرانى دى مشكله بالنسبه ليك احتفظ بيها لنفسك

المرشدات سواء وافقت ام أبيت هما موجودين

وشغلهم اساس وديما بيكملو اى عشيرة

ومعترف بيهم فى كل العالم

زى ما فى حاجات انت بتعملها فى حاجات هما كمان بيعملوها

المرشدات نشاط مستمر



عبوووود التجارى

يبقى انت ياعبود معيشتش جوالة ...الجوالة فى الاصل انطلاق ونشاط ..وانا لما دخلت عشيرتى مكانش فيها مرشدات ..واتعودت عليها كدة ..لكن لما دخلوا بقيت حاسس ان فى حاجة غلط ..وانا لما بتكلم عن شغل المرشدات مش بتكلم عن شغلهم الكشفى..انا بتكلم ان الجوالة ورحلاتها الخلوية وعنائها وشدتها ..للرجال بس
وبالتالى بعد العناء من حقى..اتمتع بالسمر برضه اللى هو المفروض للرجال بس...اصل يابنى عشيرتنا
بناكل مع بغض ونلعب مع بعض..حتى المذاكرة ..القصد ان العشيرة جوا الكلية وبرة الكلية..لكن المرشدات كيان جديد زايد علينا

بص يااسكندرانى
الاتحاد اسمه الاتحاد العام للكشافة والمرشدات
وفى فى الدنيا ادم وحواء
يبقى مش لازم يبقى فى انانية
زى ماتحب تمارس نشاطك سيبهم يمارسوا نشطهم
العقل بيقول كده

_الى اين المفر منهم؟!!كل حاجة دخلوا فيها دا ياراجل حتى الملاكمة لعبوها ...يلاش الاقسام فى الكلية شغلها كله صعب وبرة اسكندرية..يعنى سفر ومبيت وبرضه..بيخشوها ويتخرجوا ويقعدوا فى البيت ويسيبولنا احنا الاقسام التعبانة.....حقيقى والله...اين المفر؟!!

السلام عليكم ورحمة الله وبركاته
معلش اسمحلى اتدخل فى الموضوع دا ياسكندرانى
انا شايف ان وجهات النظر كلها غير متفقة معاك ..ولكنى لن اتفق ولن اختلف معك بس عايز اتناقش معاك فى الموضوع يمكن كلامى يعجبك..انت طبعا بتكلم عن المرشدات داخل عشاير الجوالة اللى هما زى ما انت شايفهم ميصحش انهم يلعبوا اللعبة دى ..طيب اوكى انا عايز اقولك ان البنت اللى انت بتتكلم عنها دى بنت خارجة من الثانوية لعالم تانى خالص متفتح على الخير والشر يعنى احنا بنشوف بنات داخل الجامعة متقدرش تعبر عنهم انهم ولاد ناس لما بنشوفهم واقفين مع الشباب وماسكين ايد بعض وبيدخنوا مع بعض الى ما هو اسخم واضل سبيل فبنيجى من المنطلق دا نشوف ان العشيرة افضل للبنت من تركها تقتحم عالم الحرية الجديد بطريقته الغير اخلاقية ويمكن تكون افضل لها من الولد (لان الولد خطأه مغفور فى مجتمعنا وفى عادتنا وتقالدنا ) ولانها بتخليها تعيش فى نطاق اجتماعى شرعى مش خايفة من الولد اللى معاها فى العشيرة وطبعا لانها شايفة انه اخ بيخاف عليها وبيربطهم ببعض علاقة احترام متبادلة بتلاقى قائد دوره الاساسي انه يجعل من العشيرة أسرة واحدة ولاد وبنات مسئول عنهم وعن تصرفاتهم مش مجرد قائد للمسابقات بتلاقى نفسها فى العشيرة بيتطلب منها حفظ قران مش تشرب سيجارة ولا تمسك ايد صديقها الجوال بتقدم شيئ للمجتمع زى الولد لما تلاقيها بتشترك معاه فى الخدمة العامة اللى هى طبعا مش للولد بس بتلاقى نفسها بتتخرج وفى اخ بيسأل وبيطمن عليها مش زى البنت التانية اللى تلاقى شاب بيذلها ويهددها بما قد حدث سابقا انت كقائد او جوال اثرت فيها كتير شجعتها وادتها الامان انها تقدر تحافظ على نفسها وغيرت وجهة نظرها عن الولد اللى دايما اسرتها تقولها عنه اوعى الولاد يعاكسوكي او يضايقوكى وبيكون الخوف منا كأننا فعلا ذئاب بشرية
أنت طبعا منظرتش لكل الايجابيات دى ونظرت للسمر والخروج ( اللى هما مبيسمحوش لنفسهم يخرجوا الا مع افراد عشيرتهم بناءا على انهم شايفينهم اخواتهم ) معلش راجع نفسك وشوف اييه الافضل بنت بتعيش الجامعة بسيجارة ولا بنت عاشت مع اخواتها تحفظ قران وتعمل خدمة عامة وتتأثر بشخصية قائدها وشخصية اصدقائها فى العشيرة ...دا مش كلام خيال دا كلام انا عشته داخل عشيرتى وداخل عشاير جامعتى ...فياريت يكون نفس النظام دا عندك فى عشيرتك ونفس النظرة دى للمرشدات مش نظرة المساواة بينها وبين الطالبة العادية اللى خارج العشيرةلانها لو كده يبقى اسمحلى اقولك ان دا عيب عليكم كجوالين وكقائد لانكم مقدرتوش تغيروا منهم وتخليهم غير التانين
اسف على الاطالة ودا لا اختلاف ولا اتفاق معاك ولكنه دفاع على الاقل عن بنات كانوا معايا داخل جامعتى وحسيت فعلا انهم اخواتى
تقبل مرورى
أخوك / محمود رضا

بعدين ياسكندرانى لا مفر منهم ههههههههههه
لأنك هتلاقيها أم لك وهتلاقيها زوجتك وبنتك

بجد انت كلامك ده تستحق عليه سباعيه
وشكرا على رايك و فعلا انا فخوره انى اكون من عشيرتك

كلامك جميل اوى يا قائد عيطه وانا فرحانه جدا انى فعلا اتعلمت منك انت والقائد شمس الاصيل
فعلا انا فخورة انى معايه ناس زيكم ربنا يبارك فيكم

طبعا مين يشهد لمحمود ههههههههههه

طبعا عشيرة محمود

طبعا عشيرة القائد عيطه

هو اللى ليه الفل لعشيرة اداب طبعا بعد ربنا ونهمه بالله

_والله العظيم كلامك زى العسل وانا مش مختلف معاكوا.
بس انا الله واعلم يمكن عندى عقدة من ناحيتهم مع العلم انى عمرى ما اتعاملت مع بنت فى حياتى

ممكن اقولك ديه غريبه جدا فى حياتك ليه انت بالتاكيد ما بتخرجش من بيتكوا
ويمكن عدم تعاملك معاهم ده هوالسبب انك ما تعرفش تفرق بين الصح والغلط

معاك فى اللى انت بتفكر قيه علشان البنات مش جاى من وراهم غير وجع القلب

ولو تعرف تسرحهم من العشيرة هيكون احسن

بلا وجع دماغ يا راجل

مكن اكون بشترى كراهية البنات ع الموقع بس انا مصر ع اللى انا بقوله

وفى ناس هتقول ان دا ضعف لانك مش عارف توجه شغلك صح

بس بجد اللى عايز يتعلم جوالة يخلى البنات دول اخر حاجة ممكن يفكر فيها

القائد محمد عبد المرضى

انا معترضه يا محمد على اللى بتقوله لان البنات ليها جزء كبير فى حياتنا اذا كانت فى الكليه او الحياة الزوجيه واعتقد شوف اى عشيرة مش فيها جوالات معتقدش مش بيكون فيها روح خالص
وكمان معترضه على تسرحهم دى معتقدش ان دى كلمه تتقال
اصلا من غير حواء مكنش يبقا فى ناس ولا ايه يا محمد
مش عشان موقف او رائ حد يقوله تتفق معاه ممكن تفكر تانى وتعيد حسباتك هتلاقى ان البنات مهمين فى المشاركه

عموما نقدر نقول ان هناك مؤيد ليك يااسكندرانى يالا ياعم ابسط ههههههههههههه
بس بجد الموضوع مش بالقدر اللى انتى وضحتوه عن البنات بدليل ان سواء انت أو القائد محمد تعاملتم مع بنات داخل العشيرة واعتبروكم اخواتهم وانا اشك ان محمد يكون بيعمم وجهة نظره على كل البنات ولا اييه يامرضى

انت كنت عايز الرد على سؤالك

انت صح ولا غلط

بكل بساطه انت غلط


عبوووووووود التجارى