حبيبة قلبى

صباح الخير .. يا أجمل إنسانه بتسكن جوه قلبي

وبتجري فى دمي .. وبتعيش بين ضلوعي

صباح الخير .. يا أجمل ورده في بستان حياتي

.!رغم أن حياتي كلها مش فيها زهرة غيرك

حبيبة قلبى ..
خلينى أقوم من حلمي ..
على ابتسامة عينيكى

وأحن من شوقى ليكى..
كل صبح.. ..
علشان أبدأ يومي الطويل بكلمة .. بحبك ..!

إمبارح منمتش بعد ما سمعت صوتك

فبعد ما قفلتى سماعة الفون ..
فضلت نغمات صوتك بترقص على أوتار ودانى ومسامعى ..
وفي غفلة مني ..
هربت وجريت لأطراف قلبي ..
علشان تعلنلك عن شوقى إليكى ..
وبعدما إتربعت صورتك في خيالي ..
حاولت أغمض جفونى المرهقه ..
على أمل أنى أشوفك ..
في أحلامي ..
بس مجيتيش
وبعدما صحيت إتجدد أملي ..
بأنى أشوفك وأنا صاحى..
فممكن أنه يكون اللقاءٌ قريبُ

حبيبة قلبى ...
بسأل نفسى هل لو انت مشيتى ورحلتى عنى هل ساعتها هايمشى ويرحل السرور والفرح من عمرى
هل هتكون ابتسامتي باهته ملهاش قيمة
ولا أنى هأعيش حياتي زى ما عشتها وأنا وياكى؟؟؟؟
مش عارف ليه أنا بسأل نفسى بالرغم من إنى عارف الإجابه على كل أسئلتى؟؟
بحس أن الحياة بعدك هتخسر أجمل وأمتع مافيها ..
الأيام والذكريات اللى عشناها هتبقى جوه في قلبي وهاتفضل قصاد عينى ..
ورسمك الجميل هيبقى بيعدى قدام عنيا ..
حبيبي ... حبيبي ... للأبد

دموعنا هي حصاد همومنا..
فدموعنا بتروي آهات جروحنا..
فبتتولد ساعتها الفرحة من رحم الأحزان..
وتطير في سماء السعاده

فمن دموعنا تزهر الابتسامة...



كتير أوى فكرت إنى أبعد عنكِ ..
بس دموعك .. كانت بتقطع عليا المحاولة

فاعذرينى علشان ضعفت قدام حٌبك .. وإنتى كمان ضعيفه بحٌبك ليا وده كلامك ..

أمنية حياتي أنى أغوص في أعماقك.. جواكى.. جوه غموضك

إنى أقلب خفاياكى ..
علشان أعرف انتى بتفكرى فيا إزاى

وإمتى بالظبط حٌبى بيتملك قلبك وهواكى
علشان اعرف مقدار شوقك .. و عشقك ..
علشان أكشف سر السحر ..اللى في عنيكى ..

حبيبتي .. إمبارح فى الماضى كانت الدايرة

تقتصر علينا إنا وبس ..
بس النهارده .. كتير عرف بحبنا ..
فكبرت الدايرة .. وهاتفضل تكبر ..
لحد ما نغرق فيها ،،

ما فيش حاجه فى هواكىِ ...
تستحق النسيان !!


إنتى عارفه أنى بكيت .. بعد أول خاطرة حب كتبتها

إنتى عارفه أنى هأبكي أكتر و..
بعد أخر قصيدة حب مكتبتهاش

بين البكاء والكتابة علاقة مش عارفها وجاهل بيها ومش فاهمها

فأنا ببكي عشان اكتب .. وبكتب علشان أبكي

ودى هي المعادلة الصعبة ..

وشلت جروحى على كتافى

وقعدت امشى ليكى ورحتلك ووصلتلك ..
وحلمي أنى الاقى الدوا

رحيق عذب بينزل

من شفايفك يا عمرى ،،،

يا ضحكه في قلبى..
يا نجمة في سمايا..
يا زهرة حبي وعشقي وودادي..
أهديكي عمري ..
وهل العمرُبيتهادى إلا لذات الدلال وست الحسن والجمال،،

حببتُ فيكى سحر ولمعان عنيكى

فسحرُ عنيكى مالوش مثيل

وانا وقعتُ أسير حب لعنيكى من اول نظرةٍ

من لفتة للطرف الكحيل

لو انتى جمعتي البحر في عنيكى

لو رميتى دمعه من عنيكى فى البحر

لو حفرتي بالدموع قبر

لو قتلتي الحب باديكى

لو دفنتي في القلب جمر وفحم مولع
لو انتى عملتى كل ده مش هايعوضنى لحظه حب وحنان منك

من فتره.. وأنا تايه في الدنيا غريب..
من فترة.. مشفتش فيها عينيكى

مسمعتش نغمات صوتك

من فتره.. والشوق في صدري لهيب..
فين أنتي مني!
ليه بعدتى عني!
انتى نسيتي الحب...
ولااا نسيتى الحبيب !!


لو سألتنى عن الحب.. فهوا في قلب حبيبتي

لو سألتنى عن الوفاء.. فهوا في طبع حبيبتي

لو سألتنى عن الصدق .. فهوا في كلام حبيبتي

لو سألتنى عن الحنان.. فحنان الدنيا هتلاقيه

في نظرةٍ.. من عين حبيبتي

سألونى بتحب مين!.. قلت حبيبتي

قالولى انت يتحب ليه !.. قلت حبيبتي

قالولى إزاى بتحب!.. قلت حبيبتي

قالولى مش فاهمين ومفهمناش!.. قلت يكفيني...
عقل حبيبتي

بكتب ليكِى للمرة العشرين

بعد ما وصلنى ردك الأول

علشان اقولك حاجه عن شوقي المجنون

وقلبي اللى عنك عمره ما اتحول

بحبكِ أنتِى ياكحيلة العيون

طويلة الرمش والشعر أطول


في كل يوم بتكبرى يوم ..
وفي كل لحظه يكبر حبك في قلبي ..
ليكى حبيبتي بهدي أغلى ما عندى

أهديكِى عمري ...
فكل سنه وأنتِ عمري ..!

دورت في القواميس ..
دورت في اللوغاريتمات

عن كلمةٍ واحده بتوصف مقدار حبي ..
فملقتش غير كلمة ..
بعشقُك

فيكفيكِى تواضع..
أنكِ عشيقتي،،

بيخوني النسيان في كل لحظه..
لأني بفتكرك في اللحظه..
ألف مره

موهـــــــــــــــــــــا

يا أحساسك يا موها
تسلم ايدك وديما مبدع كالعادة

متشكر جدا على تعليقاتكم الجميلة دى .. والحمد لله ان موضوعى عجبك يا (سوبر هيرو)
وربنا يكرمك ويخليكى لينا يا اجمل يمامة فى احلى منتدى فالاحساس نعمه من عند ربنا وبابداع تعليقك اصبح موضوعى ناصع التعبير عن احساس جوايا


موها

جميييييييييل جداً
_____________________
محمد عماد