كرسى الاعتراف ..

السلام عليكم ... دمتم بود ... نسمه اظنها لا تندرج تحت قسم الحوار العام والمفروض تكون فى قسم الألعاب وكده بس هنا فى الحوار العام أفضل لأن المحادثه اللى هاتحصل بين اللى قاعد على الكرسى والسائلين هاتخلى فى حوار عام للتعارف على شخصيه المسؤل ... ولكن نظرا لما سوف يجد العضو القاعد علي الكرسي من كلام كثير واسئله حقيقة صعبة او سهله حسب شخصية السائل ... هنا الكرسي للشباب والبنات وطبعا هدف اللعبه هو ... التعرف علي شخصية العضو وكشف ما لا يعرف عنه ...,واللعبه هاتكون اننا نختار عضو نقعده على كرسى الاعتراف ونسأله أسئله مهمه جدا علشان نعرفه كويس ولازم يجاوب إن شاء الله مع العلم انه ممكن يرفض الاجابه وايضا نمشي من منطلق ساعة لقلبك (لله) ... وحتي نكن صرحاء مع بعض نتمني التفاعل ... واول من سيجلس علي كرسي الاعتراف هوا....
انا رآيى أول حد يعلق على الموضوع ده من حقه يختار الشخصيه اللى تقعد على كرسى الاعتراف ويسأله الأسئله اللى نفسوا يعرف إجاباتها منه والباقيين اللى هايعلقوا يسألو اللى قاعد على الكرسى كل الأسئله اللى فى دماغهم ومحيراهم.. يا رب اللعبه تعجبكوا ........


موها

انا ممكن ابدء
وممكن انا ابدا و اعد على اكرسي

أولا..الله يسلمك ... ورينا يخليكى ليا يا أجمل نور لأحلى شمس
ثانيا.. جيت برجليك يا بربرى ووقعت فى بحر ملوش حل ووابل ملوش نهايه من الاسئله لجوالى بنها علشان بجد عاوزين يتعرفوا عليك أكتر .. المهم

صبآحكم / مسآؤكم معطر بروح الصفآء ~


تتلألأ فيه نجوم السمآء
وتتهآتف نسمآته بالأخآء

صبآح / مسآء زهراَ ينثر شذآه
في ربوع سآحة حبي

ضيفنا لهذه المره انسآن متميزـ
له بدآية قوية

يندرج تحت لآئحة كبآر الشخصيآت
صآحب رصيد حافل بالمشاركات الجميله
عضوة مبدع )) بـ جدآرة كبيرة وبشهآدة الجميع
..
معاكو .... بربرى
هيه

نبدء الاسئله علي بركه الله واول مره واسأل

س/ صف حبيبك/صاحبك بكلمتين؟
س/ما هو الشيء الذي ندمت على عمله؟
س/كلمة تمنيت ان تستطيع سحبها؟
س/من هو آخر شخص تذكره قبل ان تنام؟
س/جريمه تتمنى لو تستطيع ارتكابها؟
س/حمامة زاجل حاملة رسالة لك..ممن تتمنى ان تكون؟
س/شخص لطالما حلمت به؟
س/دمعة انذرفت رغماً عنك؟
س/موقف صدمك ولن تنساه؟
س/شخص تتمنى الانتقام منه؟
س/الشخص الذي لا تستطيع مسامحته؟
س/شيء او شخص غير مجرى حياتك للاجمل؟
س/حلم لا تستطيع تحقيقه؟ولماذا؟
س/كلمة تود سماعها كل يوم؟
س/القمر..الشمس..ايهما تحب؟والسبب؟
س/شخص تحبه ولا تعقب على اخطائه؟
س/احب شخص من اهل بيتك اكثرغير الوالدين؟
س/احب الوالدين اليك اكثر؟
س/صندوق اسرارك مين من اصدقائك؟
س/عمل تتمنى انجازه؟
س/تصرف ندمت على فعله؟
س/يوم حزين ادمى قلبك؟
س/حب تجرعته ولن تنساه؟
س/آخر هدية قدمتها لمن؟
س/هدية تتمنى ان تُقدم اليك؟
س/.اوصف شخصيتك وحياتك ف جمله لا تتعدي ال6 كلمات
س/ ايه احلامك الشخصيه عمليا واسريا
.س/حاجه اتمنيتها وحصل العكس ؟(وحمدت الله )
س/ما رأيك بهذه الكلمات ..

الخيانة ..

المرأه..

الصداقة ..

النميمة ..

النفاق ..


بالنسبه للمنتدى


.مين اللي اول مابتشوف اسمه\اسمها بتدخل الموضوع مباشره لتاكدك ان موضوع كويس؟


.عضو غاب وساب فجوه كبيره ف المنتدي ؟

.عضو لما بينزل موضوع بيخطف الاضواء؟

. العضو الاكثر شعبيه ؟

عضو يستحق لقب الجندي المجهول؟

( لو قدر الله لك الحج ان شاء الله تختار مين من المنتدي ؟(5 بس).

.اختار انت 10 اعضاء وقول ليهم اللي ف قلبك ؟

.لو في حد ليه عندك اعتذارقدم ليه وبدون ذكراسم .

.لو حد لازم يستحق الشكر (والشكر لله طبعا ) مين .


سؤال جميل اختار من بين أعضاء المنتدى ما ينطبق عليه الآتى
عضو حبوب

عضو زكى

عضو دمه خفيف

عضو صاحب احسن مشاركات
عضو متتخيلش المنتدى من غيره

عضو لو مش موجود تسيب المنتدى

عضو قريب اوى ليك

عضو بقى انتيمك
العضو اللى تحب تتعرف عليه
عضو حساس

عضو رومانسى

عضو اخ واخت

العضو اللى تحس انه طباعه زيك

العضو النشيط

العضو الكسلان

العضو اللى مش ظاهر

العضو اللى بتحس فيه بالعظمه

العضو اللى تحس فيه بالحنيه

العضو الى كول على طول

العضو الهادىء

العضو المعفرت

العضو اللى بتديله لقب شاعر المنتدى

العضو الافضل


العضو المثقف


العضو الناجح

العضو الغريب
العضو اللى بيسحرك بكلامه الجميل وأسلوبه الروعه

مش عايز تقول حاجه لأعضاء المنتدى؟

بامانه بتقول ايه على موها دلوقتى ؟


اوعى يابربرى تكون بتدعى عليا
يااااااااااااااااااااااااه هاتوحشنى اوى فى ال 10 دقايق اللى هاروح اجيبلك فيهم بقيت الاسئله دول
اياام بااك بعد شويه خليك عالويتينج بقى

لسه متخفش بقيه الاعضاء هايكملوا معاك المشوار


موها

ياحرام كل دي اسئلة بجد حرام عليك انا لما وصلت لاخر الاسئلة كنت نسيت اللي ف الاول امال اللي هيجاوب هيعمل ايه ربنا معاك يا بربري ويدينا ويديك طولة العمر

ههههههههههه
هى دى بقى الطريقه اللى هاتخلينا نتعرف على بعض أكتر ونعرف شخصيه الجدع اللى قدامنا
بس الواضح ان بربرى نسى الموضوع أصلا .. وعلى فكره مده انتظار الجواب انتهت
ومن الواضح ان بربرى أعلن...الهاتف الذى طلبته غير متاح حاليا يرجى
عدم اعادة المحاولة فيما بعد ...هههههه

خلااص انا رآيى ان احنا نلتمس لبربرى الاعزار ممكن يكون عنده أى ظروف منتعته من المتابعه بس ان شاء الله لما يزور الموضوع تانى يجااااااااااااوب على طول .. أوك يا بربرى

وكمان رآيى إن احنا نشوف ضحيه تانى غير بربرى وعلى العموم انا بقترح تغيير بربرى من على الكرسى
يااااااااااااااا ريت
لأنه أتعصر أسئله بصراحه... ..
إقترحوا حد تانى بقى


موها

أخبارك يا واد يا موها يعنى لازم اللعبه دى دا إنتا كده ممكن تخلى الواحد يعترف بأسراره ويقول اللى فى قلبه من دماغ الاعضاء. وعلى العموم عقاباٌ ليك علشان إنت اللى جبت اللعبه.إنت اللى هاتقعد على الكرسى. وبأمر قائدك تيمو
.. طبعا موافق. طيب يالا على بركة الله
أنا هافضالك وهاحضرلك الأسئله اللى فى دماغى . هما مش كتار هما لحد دلوقت 122سؤال عادى و 123 مش عادى ..ههه
نمره البوليس والاسعاف
ههههههههههههههههههه

موها جاااااااوب عدل
واوعى تتهرب من سؤال واحد على الاقل... انت عارف انا ممكن اعمل فيك ايه لو مجاوبتش مظبوط..
هههههههههه
هاترجاااااك طبعا علشان تجاوب
شد حيلك واوعى تقول الهاتف الذى طلبته غير متاح حاليا يرجى
عدم اعادة المحاولة فيما بعد ...ههههه
يالا يا جماعه موها وقع اسألوا زى ما إنتوا عايزين

معلش عل التاخير
انا ممكن اجاوب الا

س/ صف حبيبك/صاحبك بكلمتين؟حبيبتي اجمل انسانه \صاحبي الصديق الوفي
س/ما هو الشيء الذي ندمت على عمله؟ التسرع في اتخاز القرار
س/كلمة تمنيت ان تستطيع سحبها؟ الكلمه الي مش في محلها
س/من هو آخر شخص تذكره قبل ان تنام؟حبيبتي
س/جريمه تتمنى لو تستطيع ارتكابها؟
س/حمامة زاجل حاملة رسالة لك..ممن تتمنى ان تكون؟حببتي
س/شخص لطالما حلمت به؟ابي
س/دمعة انذرفت رغماً عنك؟عند الضلم
س/موقف صدمك ولن تنساه؟
س/شخص تتمنى الانتقام منه؟الصديق غير الوفي
س/الشخص الذي لا تستطيع مسامحته؟برضه الصديق غير الوفي
س/شيء او شخص غير مجرى حياتك للاجمل؟الجواله
س/حلم لا تستطيع تحقيقه؟ولماذا؟رايس الجمهوريه عايز وسطه كبيره
س/كلمة تود سماعها كل يوم؟بحبك
س/القمر..الشمس..ايهما تحب؟والسبب؟القمر لانها مثل القمر
س/شخص تحبه ولا تعقب على اخطائه؟علاء فرتكه
س/احب شخص من اهل بيتك اكثرغير الوالدين؟احمد اخويا الكبير
س/احب الوالدين اليك اكثر؟امي
س/صندوق اسرارك مين من اصدقائك؟برضه علاء
س/عمل تتمنى انجازه؟اني انجح
س/تصرف ندمت على فعله؟دخولي قسم اجتماع
س/يوم حزين ادمى قلبك؟يوم وفاه خلتي
س/حب تجرعته ولن تنساه؟الحب الاول
س/آخر هدية قدمتها لمين؟ لمسن في دار المسننين
س/هدية تتمنى ان تُقدم اليك؟عربيه جديده
س/.اوصف شخصيتك وحياتك ف جمله لا تتعدي ال6 كلمات شخص يحب اصدقائه و وفي مع من يحب
س/ ايه احلامك الشخصيه عمليا واسريااني اعمل المشروع بتاعي
.س/حاجه اتمنيتها وحصل العكس ؟(وحمدت الله )كتير بس اخرهم اني انجح صافي
س/ما رأيك بهذه الكلمات ..

الخيانة ..اسوء شيء

المرأه..نصف المجتمع

الصداقة ..الوفاء

النميمة ..غضب الرب

النفاق ..لا احب ان اقابله


بالنسبه للمنتدى ممتاز


.مين اللي اول مابتشوف اسمه\اسمها بتدخل الموضوع مباشره لتاكدك ان موضوع كويس؟

شمس الاصيل _بندقه _ المصري الاصيل_وكل الي بيختار عنوان موضعه
.عضو غاب وساب فجوه كبيره ف المنتدي ؟

.عضو لما بينزل موضوع بيخطف الاضواء؟المصري الاصيل

. العضو الاكثر شعبيه ؟شومان

عضو يستحق لقب الجندي المجهول؟ بندقه

( لو قدر الله لك الحج ان شاء الله تختار مين من المنتدي
موها على شان ربنا يهديه وشومان والمصري الاصيل وهبه وبندقه
.اختار انت 10 اعضاء وقول ليهم اللي ف قلبك ؟

.لو في حد ليه عندك اعتذارقدم ليه وبدون ذكراسم .

.لو حد لازم يستحق الشكر (والشكر لله طبعا ) مين .


سؤال جميل اختار من بين أعضاء المنتدى ما ينطبق عليه الآتى
عضو حبوب

عضو زكى

عضو دمه خفيف

عضو صاحب احسن مشاركات
عضو متتخيلش المنتدى من غيره

عضو لو مش موجود تسيب المنتدى

عضو قريب اوى ليك

عضو بقى انتيمك
العضو اللى تحب تتعرف عليه
عضو حساس

عضو رومانسى

عضو اخ واخت

العضو اللى تحس انه طباعه زيك

العضو النشيط

العضو الكسلان

العضو اللى مش ظاهر

العضو اللى بتحس فيه بالعظمه

العضو اللى تحس فيه بالحنيه

العضو الى كول على طول

العضو الهادىء

العضو المعفرت

العضو اللى بتديله لقب شاعر المنتدى

العضو الافضل


العضو المثقف


العضو الناجح

العضو الغريب
العضو اللى بيسحرك بكلامه الجميل وأسلوبه الروعه

مش عايز تقول حاجه لأعضاء المنتدى؟

بامانه بتقول ايه على موها دلوقتى ؟ اقول كلمه وحده حسبي الله ونعم الوكيل

هههههههههه
أولا معلش والله يا بربرى ... متزعلش أنا بس حبيت أخليك تفضفض معانا شويه وبجد فضفضتك كانت جميله والله.. بس كانت تبقى أجمل لو حليت كل الأسئله..

ثانيا احم احم ,, إيه يا تيمو.. مالك يا بابا..فى إيه .. إنتى بتوقعنى فى الفخ .. يعنى إنتوا كنتو مستنينى أقع ف الفخ ..أهو كده ..ماشى بس أنا اللى جبته لنفسى.. أنا أصلاُ لما جبت اللعبه مكنش فى دماغى إنى أقعد على الكرسى ده ... بس خلاص القائد نيمو أمر بكده يبقى لازم أقعد وأجاوب على أسئلته والأسئله اللى فى دماغ كل واحد فيكم ...طيب والله لو محترمت نفسك فى الأسئله يا تيمو.. لامطربق الدنيا على دماغك ..فاهم يا تيمو ياللى عامل فيها حبيبى .. فاهم ياللى بتتصل بيا ليل نهار وتقولى أهلا يا حٌبى أهلا يا خويا.. دا إنتا طلعت أخويا بجد بأه .. ماشى يا تيمو لما أتصل بيك وأشوفك هاعرفك مين هوا موها اللى توقعه فى الفخ .. صحيح من حفر حفره لأخيه... المهم
إعلان إلى كل متهور وهيسأل .. هيموت هيتفرتك.. ما تعرفش إيه اللى هايحصله .. إياكم والتهور فى الأسئله الشديده..أوعى حد يسأل أسئله محرجه لحسن هاناوله واحد شلوط يطير فيها ..سواء تيمو أو تيمو بأه حسب ما تيجى بقى..
موها

احم احم ,, إيه يا نور الشمس مالك .. إنتى بتوقعينى فى الفخ بالاشتراك مع تيمو .. يعنى إنتوا كنتو مستنينى أقع ف الفخ ..أهو كده . حاااااااااااااضر ,, وعلى العموم انا وقعت تيمو فى الفخ بس فى مكان تانى خالص وكان فى نص هدومه وهو دلوقتى بيرد حقه .. مفيش مشكله وهاجاوب

ثانيا
الهاتف الذى طلبته غير متاح حاليا يرجى
عدم اعادة المحاولة فيما بعد ...هههههه
بس لأ مش خايف يا تيمو انا مرعوب بس ... وهخاف من ايه ... ماعدش الا بتوع بنها اللى هيخوفونى .... ما باخافش ولو من اسد بنها بحاله .... وهجاوب على الاسئله .. واللى مش عاجبنى ومش داخل دماغى مش هجاوبه .... اه مزاجى ... حد عنده اعتراض ... طبعا لأ .. والف لأ ...ههههه ( معلش يا جماعه لازم الدخله السخنه دى على أسئله تيمو .أنا عارفه كويس ..بس محدش يقولو إنى خايف من الأسئله)

موها

نبدأ بأسئله تيمو ( هداه الله الى صراطه المستقيم)
واول سؤال بيسأله ...

س1: مين هو موها ؟
موها يا حج واحد عادى جدا ... واحد من الناس .. زى كل الناس .. عايش فى مصر ... وزى اى مصرى ... طالب وزى أى طالب ... بيتمنى وبيهوى الجوالة ... بيحب النت ... والكتابه والخواطر والأشعار ... يعنى زى زيكم والله ...

س2 ... ايه أكتر شخصيه ممكن تضايقك واكتر شخصيه ممكن تفرحك ؟
مممممممم ...الشخصيه اللى بتضايقنى ... انه يفضل الواحد يزن فوق ودانى ويلح عليا ... ويبقى بخيل وجلده .. وخبيث وكداب ... وكمان يبقى مخه قفل ... دى الشخصيه اللى بتضايقنى ...
الشخصيه اللى بتفرحنى ... يعنى ممكن تقول كل الناس اللى باشوفهم بيفرحونى اول ما اشوفهم غير اللى انا قولت عليهم دول ...

س3 ... مين الشخصيه اللى ممكن تقنع موها ؟

الشخصيه اللى بتقنعنى فعلا واللى اعجبت بيها ...طبعا السيد الوالد وبدون تفكير طبعا ..مقنع درجه أولى..وكمان راجل عندنا فى البلد ... باحبه جدا ... اسمه الباشمهندس عمرو .وصاحبى كريم وحد تانى غالى عليا ..وكمان حد عرف يخلينى احترمه وبكده ممكن يقنعنى بس غير كده بأه ... كله طماطم عندى ... مش بالاقى اللى بيقنعنى زيهم ... دى الصراحه ...

س4 ... مين اعز شخص بالنسبه لموها ؟

الحقيقه يا تيمو ... فيه ناس كتير اوى اوى ... باعزها كتير اوى ... وباحبهم دايما يبقوا جمبى فى اى فرحه او حزن ... منهم ناس فى المنتدى .. ومنهم ناس بره المنتدى ... منهم ناس اكبر منى ... انا هاقوللك على واحد بس يمثل بالنسبه ليا الشخص العزيز بالنسبالى : هو ابويا ... الراجل ده فعلا انا باعتبره اعز واحد بالنسبه لقلبى ... راجل ما عرفتوش على حقيقته وعرفت قلبه عليا بجد الا فى الفترة الثانويه ... قبل كده ماكنتش باقرب منه خالص ... لكن دلوقتى لما قربت ... لقيته اقرب الناس واعزهم ليا ...
س5 .... ايه الشئ اللى ممكن يبكى موها ؟

هى اشياء يا تيمو ...

زى ... لما اكون عايز حد جمبى ومش الاقيه ..اقوم باكى ... امى تكون عيانه ابكى ... ابويا نفس الكلام وكان اخر مرة فى المستشفى وعيطت كتير ... حاجات تانيه كتير ..مش هاعرف اقولها يا تيمو ..

س6 ...ايه الشى اللى ممكن يخلي موها يعض صوابعه من الندم ؟

عايز الصراحه ... مافيش حاجة خلتنى اعض صوابعى من الندم ... انا مش باندم على حاجة اصلا ... لأنى لو ماذاكرتش وجبت درجه مش عاجبانى ...مش باندم عليها ... لأنى بابقى عايز كده ... يعنى انا كل حاجة باعملها بابقى عارف توابعها ... ومش ندمت عليها ...
فيه حاجة واحده بس اللى ندمت عليها اشد الندم وندمت كتير اوى انى عملتها ... لكن مش هاقولها ..وكمان أى ذنب ولو صغير ميرضيش ربنا بندم عليه

س7 ...امتى ممكن يحس موها انه و لا حاجة و امتى يحس انه حاجة كبيرة اوى؟
انا باحس انى مش ليا لازمة ... انى لما اكون فى مكان والاقى اللى حواليا شغالين ... وانا مقعدنى ملك وماحدش كلفنى بحاجة اعملها ... فعلا باحس انى ماليش لازمة فى القاعده ...
وامتى احس انى حاجة كبيرة ... الحقيقة انا ماحستش ولا مرة انى حاجة كبيرة ... ولو حسيت بتبقى هفوه غرور منى وبارجع عنها بسرعه ... لكن ما حستش ابدا انى حاجة كبيرة ...

س8 ...ايه هدف موها فى الحياة و مشاريعه المستقبليه ؟
ها ها ها ها ها ها ها ... حلوة مشاريعه المستقبليه ... ايه يابنى محسسنى ان انا يعنى الريس ولا الوزير ... انا واقسم بالله حته طالب زى زيكم .... لا كبير عليكم ولا بتاع ....
هدف موها فى الحياه الاتى : ياخد دورة فى الجامعه الامريكيه فيجوال بيسك و php ... وكمان يدرس الصحافه والاعلام وكمان اكون قائد جواله مشهور جدا.. وآخد لقب شاعر القلب الرومانسى ... وهدفى الأول والأخير أخش الجنه طبعاً
والمشروع اللى بافكر اعمله يعنى ... ... خليه فى سرى احسن ... لما ابقى اعمله هابقى اقولكم ...

س9 : كل الناس بتقول انك رخم ممكن تقوللى انت طالع رخم لمين ؟

حاضر يا تيمو هجاوبك على السؤال ... اولا كده يا حبى انا ما شوفتش حد قال عليا رخم خالص ..مش عارف ... ماحدش قالهالى لا من اصحابى ولا زملاتى ولا هنا فى المنتدى حتى حد قالها ... ممكن غلس وغلس كبير كمان ... لكن مش رخم ورخامه تقيله ... ومش عارف اقوللك انا طالع رخم لمين ....

س10 : حافظ قرآن ولا طراوة ؟؟؟

الحمد لله حافظ قرآن ... حافظ 17 جزء ... وباراجع عليهم علشان اتقنه ومش انساه وبابدا اخد فى الجزء 18 اهوه ... اللهم اجعلنا من الحافظين العاملين بكتابه ...
س11 : فى صفاتك وشكلك وطباعك واخد من مين والدك ولا والدتك ؟؟؟؟
اناصفاتى وشكلى وطبعى موردوش على حد وحتى لو هاتكون صفاتى قريبه هاتكون قريبه من السيد الوالد... وحتى طباعى هزار وجد وكل حاجة ....

س12 : سمعت انك عايزهم يعتقلوك .. هل الكلام ده صح ولا غلط ؟؟؟
ممممم ... اه عايزهم يعتقلونى ... هما فين مش عارف مش راضيين يجيجوا ليه ... ادينى قاعد فى البيت وحاطط رجل على رجل ومستنيهم ...

س13 : بتحب بنات ؟؟؟

اه باحب بنات ...حد عنده اعتراض .... باحب بنات خالتى اللى عندهم خمس سنين ... وباحب بنات عمتى وعمى اللى هما لسه عيال وبيلعبوا فى الطين .... هههههههه .... اه ياخى مش من حقى احب البنات الصغيره ولا ايه .... ههههههه....

س14: جبت كام فى الثانوية وما تتوهش ؟
انا هاتوه ليه ياعم ... اللى واثق من نفسه يقول وما يخافش واللى حاسس انه جايب درجه حلوة يقول وبعدين فى الاول والاخر هى درجته وانت مالك هى درجتك ولا هتهمك فى ايه ... مش صح ولا اييه ؟
على العموم انا جبت 86.7 ... علمى علوم ان شاء الله ...
س15 : هل تبر والديك ؟؟؟
الحمد لله ... بس فى ساعات بأه بابقى مزرجن وابويا مزرجن ونزرجن على بعض ونقفش قفشات جامده .... يعنى الحمد لله اول ما اشوفه الصبح ابوس ايده وكذلك ماما ... وبانفذله اللى هو عايزه ...
س16 : ما مقدار جلوسك على النت يوميا ؟؟؟

بتختلف من اوقات لاوقات ... يعنى فى الدراسه بتوصل اربع ساعات وفى الصيف بتوصل ست ساعات او 7 ساعات واكتر من مرة سهرت لتانى يوم العصر على النت ... انا باعترف ادام الكل انى مدمن انترنت .... وبعدين الحمد لله رب العالمين لما بابقى مش عايز اقعد نت باقدر اتحكم فى نفسى ومش اقعد نت .... حسب التساهيل ...

س17 : بتحب الاكل اوى ولا مش بتحطله اهتمام ؟؟؟

هههههههههههه... حلو السؤال ده اللى انت مهتم بيه يا تيمو ... حتى تيمو سأل فى الاكل ... ههههههههه .. ايه ياعم انتوا واخدين عنى فكرة وحشه ولا ايه .... انا مش اكيل اوى يعنى ... ومش باكل كتير اوى ... وضرورى ان كل واحد يعنى يحطه فى الاهتمام يا تيمو ... يعنى انت بترجع من الكليه ومش بتفكر غير فى الأكل وكده يعنى مش صح ولا ايه .... اانا كده يعنى ...
بس أنا مش باكل غير لما أكون جعان..هههههه


س18 :هل تشارك فى منتدى اخر بنفس نسبه مشاركاتك هنا ؟ لو الاجابه اه
عددهم كام بس بدون ذكر اسمائهم ؟؟
ممممممممممم... الحقيقه انا باشارك فى منتديات تانيه كتير وعامل منتدى كمان ليا .. لكن مش نفس مشاركاتى هنا ... انا باعتبر ان جوالة بنها اكتر مشاركات ليا بين المنتديات على النت .... وباشارك فى منتديات تانيه كتير ... وبالنسبه لعدم ذكر اسماؤهم ... عادى .. .لكن لو عايزنى اذكر اذكر .... يعنى

س19 : انت متضايق من اسئله تيمو ؟؟

يعنى انت يا تيمو عايز توقع بينى وبين اخويا القائد تيمو ولا ايه ... انت بتستهبل يلااااااا ... مافيش حد يقدر يفرق بينى وبين اخويا القائد تيمو ... فوق الكل ... اخويا وحبيبى كمان ... واللى مش عاجبه يخبط دماغه فى اتخن حيط ... لكن لو جيت للحق ... اسئله القائد تيمو فيها حبه احراج يعنى بس عادى عديتها وبمزاجى وجاوبت برخامتى وغلاستى وزى ما انا عايز .... ماشى ياعم تيمو...

س20 : بطلت ليه ترن عليا ؟؟؟
الحقيقه يا عم تيمو ... انا مش مطنشك او زعلان منك ... لكن والله العظيم مش كنت فاضى الايام اللى فاتت نهائى ... حتى النت مش باعقد عليه كتير .... يعنى ورايا شغل مع والدى وبعدين انا مش باهمد باسافر كتير اوى ... الايام دى ... وفى حاجات باعملها .... فا عشان خاطرى يا تيمو مش تزعل منى انا والله مقصر فى حق كل اصحابى اللى على المنتدى انى مش بارن عليهم ... وبيرنوا عليا يعنى اليوم اللى بيعدى لازم يكون حد منهم رن ... لكن انا والله العظيم ما فاضى ارن عليهم مش اهمالا وتطنيشا وزعلا ابدا والله .... انا كلكم باحبكم ويمكن انت من اعزهم يا عم تيمو وانت عارف كده ... مش صح ولا ايه ... اعذرنى بالله عليك ...
س21 : موها ليه ايجابيات وسلبيات ايه هى ؟؟؟

انت بتحاول تحرجنى ياعم تيمو يعنى ولا ايه ... يعنى انت قاصد انى ما اطلعش من الكرسى ده الا لما تحرجنى ولا ايه .... ماشى ياعم تيمو .... موها له سلبيات كتير زى مثلاً إنه.. بقولك خلى الطابق مستور.... اما الايجابيات فهى مش قليله ..بس معلش بلاش علشان الحسد ههههه .. وعلى فكرة أظن من الفتره اللى مش قليله اللى قعدتها معاكو فى المنتدى عرفتوا السلبيات والاجابيات لكل عضو هنا .. وكمان يا تيمو إنت أدرى بقى ..هههه


س22 : ايه اكتر اكله بتعرف تعملها ؟؟؟

هههههههههههههههههههههه... يعنى انت بتحرجنى يعنى ولا ايه يا تيمو ... هههههه انتوا مسلطين اسئلتكم كلها على الاكل ليه ... يا جماعه انا والله لا اكيل ولا باكل كتير .... اعملكم ايه مش عارف .... واكتر اكله باعرف اعملها ... البيض .... اه هى دى الاكله اللى باعرف اعملها .... والوحيده .... ده حتى اخويا الاصغر منى بيعمل الرز ... وانا باعمل البيض ... لأنى لا باحب اقف فى المطبخ ولا بتاع ... وبعدين اخويا ..متولى موضوع الطبخ ده تمام ....

س 23: من هم أكثر ثلاث أعضاء تحبهم في المنتدى؟
اكتر تلات اعضاء ... بس هما مش تلاته يا اخويا دول كتير اوى اوى اوى ...
س24ما رأيك بنتيجة الحرب الشعواء التي خضتها للرجوع للمنتدى؟
لا تعليق .. No Comment

س25هل تحب تيمو عن جد؟
والله اسأله هو ... ويقولك انا باحبه ولا لأ ... هو هيقولك اللى حاسه ... انا مش هاقول غير باحبه كتير اوى وربنا العالم والله
س26ايه حالك مع ربنا؟
حاسس انى مقصر معاه فى حاجات كتير .. مش زى رمضان يعنى ... فى رمضان قيام ليل وورد قرانى وكنت قريب من ربنا اوى ... لكن الايام دى مرة اقرا الورد ومرة لأ ... مش مواظب عليه وفى صلاة الفجر ساعات اصحى متأخر ...واكسل انزل اصليه .. يعنى ... يارب اغفر لى ان كنت قصرت معاك ... وربنا يعنى على طاعته

س27ايه حالك مع الحاج والحاجه؟راضيهم ولاااااااااا؟
الحاج ده راجل عسل ... والحاجة دى بأه حكايه لوحدها خالص ... مش عارف ايه اللى بيحصل الايام دى ... اتغيروا خالص ... وابويا يتعامل معى بكل مفهوميه وديموقراطيه وبغير عنف او زعيق ( هو اصلا مش بيزعق بس باحس انه بيشخط ) وانا عامل اللى عليا وزيادة والصراحه يعنى 24 قيراط معاهم واللى يقول غير كده يبقى يسألهم ياعم .... ابويا فوق دماغى ومش اقدر ازعله والله ...
س28عامل علاقات غراميه ولاااااااا؟
اه ... شوف دى صراحة مطلقه اهوه ... اه حصل ... وماستمرتش كتير يعنى كانت اقل من شهر ... الحمد لله تداركت الامر وعرفت الغلط من الصح وكمان حسيت إن الحكاية لعب بالمشاعر والأحاسيس وكمان اللى يقدر مشاعرى مش كان الشخص ده وأنا دلوقتى بدور عللى اللى يقدر مشاعرى زى ما أنا هاقدر مشاعره بالظبط ...... يلا خير ... والحمد لله على كل حال

س29بتصلى ولااااااااااااااا؟
اه الحمد لله باصلى الصلوات كلها .... واللهم اعنا على عبادته ... ويارب يارب يارب اغفر لى ان كنت قد عصيتك فى امر ما ... يارب يارب يارب ان كان الغرور قد زارنى يوما فارحمنى يا الله ... يارب اعنى على عبادتك وصلاتك

س30إيه رأيك فى شباب وبنات اليومين دول
على حسب تربية كل واحد بس عامة بجد ربنا يهديهم ويهدينا ويجعلنا سبب في هدايتهم

س31نصيحه لكل شباب وبنات البنهاويه
لا تكونوا جسر يعبر بيه الناس الى الجنة ثم يهوي بكم الى النار (وهذه النصحيه ليا انا ايضا قبلكم)
س32فى وجهة نظرك ازاى الواحد يغير فى اللى حوليه
انه يكون واثق انه عايز يغير اللي حواليه للأحسن ويكون واثق في ربنا
وانا بصراحه بحب جدا المقوله ديه وبعمل بيها
(اصلح نفسك وادعو غيرك)
لان لازم الاتنين مع بعض مينفعش واحده لواحدها
(لا يغير الله ما بقوم حتى يغيروا ما بأنفسهم )

س33واجبنا نحو قضية فلسطين
اولا:المقاطعه وبذكر نفسي قبلكم
ثانيا الدعاء لاهلها ولانفسنا اننا نكون سبب في رجعوها لينا وكمان الدعاء انها متكونش مغتصبه لحد لان بسبب ذنب حد فينا
ثالثا الاخذ يالاسباب

س34هل ترجح محادثة الشباب والفتيات عبر الماسنجر ولو حتي ملتزمين؟
لو الموضوع يحتاج وبعدين الميلات تتمسح لكن لو ميحتجش مش برجحها خالص لان ممكن الشيطان يدخل من الناحيه ديه واحنابشر بس

س35 ماردك علي من تلطخت حياته بالمعاصي وفعل عجائب الدنيا للرجوع الي الله ولم يستطع؟
اشك انه حاول الرجوع الى الله بصدق ولم يستطيع لانه كده بشكك في وفيه قول الله تعلى انه الغفور الرحيم والله التواب.. ربنا ده كريم اوي بجد اجمل نعمه واجل واعظم نعمه ان ربنا هو ربنا
انا ساعات بحس ان الدنيا ضاقت عليا بما رحبت وبمجرد اني بلجاء الى ربنا الموضوع بيتحل برغم ان نفسي والشيطان بيقولولي انت في الوقت ده بعيد عن ربنا هيستجيب دعائك والله ياخونا بدعيه انه يفرج كربتي ويحللي مشاكلي وبعتذر عن تقصيري وبيستجيب
وكمان بحب الآيه (قل ياعبادي الذين اسرفوا على انفسهم لا تقنطوا من رحمة الله ان الله يغفر الذنوب جميعا انه هو الغفور الرحيم) سورة الزمر

س36 مارايك في ارتداء الطرحه القصيرة للفتيات وهل تعتبرها شرعيه او حجاب اصلا؟
انا بصراحه باخدها طريق للحجاب الشرعي لانهم فيهم خير وفيه ناس او بنات بجد مش بيبقوا عارفين الشرع وربنا يهدي الجميع ويجعلنا سببا في هدايتهم
س37: ما آخر كتاب قرأته؟ ومتى كان؟ (ما تقوليش نفس الكتاب اللي قولتهولي السنة اللي فاتت) ؟
هههههههههههه... اخر كتاب انا قريته جدد حياتك للامام الغزالى وده كان من يومين بالظبط


جاوبت بصراحة تامة يا تيمو ... وشكرا على الاسئله ... لسه عندك تانى ولا كده خلاص ... والحقيقه يا تيمو انت تعبتنى معاك ... لكن ما باليد حيله ... مش هاعرف اعملك حاجة ... يلا اسيبك وإن شاء الله مسيرك تقع..يااللا بقى خلصونى بأه يا جدعااان ... يخرب بيت ده كرسى .... ههههه
انا بهرج اسئلوا براحتكم بس مش براحتكم اوي
استرررررر ياارب


موها

ايه الصراحة المفرطة دي يا موها
هي مش مفرطة اوي بس ما علينا
معلش بقي شوية تطفل
مين اللي قولت عليه شخص غالي عليك ومين اللي انت قولت عليه شخص عرف يخليني احترمه؟
طبعا لو مش عاوز تجاوب انت حر بس ياريت تجاوب اصل هو دا السؤال الوحيد اللي علي بالي دلوقتي

على فكرة دى بجد صراحه مفرطه جدا لانى كنت بجاوب بكل صدق لدرجه إنى ضحكت على نفسى من صراحتى الزياده عن اللزوم أثناء الاجابه وده للحفاظ على امانه الكلام ؟؟؟ وانى مش احب اخبى حاااجه عن اسرتى هنا فى جواله بنها...
وبالنسبه للسؤالين اللى حضرتك سألتيهم... لا والله مفهاش حاجه ولا تطفل.. ده بجد من دواعى سرورى..وعلى العموم القائد تيمو سألنى نفس الأسئله واحنا بنلعب لعبه الصراحه بس فى الحقيقه
وعلى العموم الاجابه موجوده
اللى أنا قولت عليه شخص غالى عليا ؟؟ هوا اعز صحابى اللى فى يوم عمرى ما حطيت فى دماغى انه ممكن يكون صاحبى .. بس دلوقتى بعد ما عرف يخلينى احترمه كويس واآآقدر كل حاجه يعملها ولو بسيطه بقى انسان غالى عليا جداوكمان بعد ما حافظ على الصداقه دى ومسك فيها بإيديه وسنانه وخلانى أمسك فيه واعتز إنه صاحبى؟؟؟
أما بقى بالنسبه لسؤال القائد تيمو ؟؟ اللى سألهولى أثناء لعبه الصراحه..بس من ورا ستار جواله بنها ومسابنيش غير لما وعدته اجاوب على الاسئله فى المنتدى ؟ علشان يحرجنى طبعا؟ ههههههههه
الأسئله
مين اللى فى قلبك .. ومين ممكن يكون فى قلبك .. وهل انا فى قلبك ..ومين الحب الحالى .. ومين الحب الجاى ومين الحب اللى راح ؟؟
الإجابه بقى
مين اللى فى قلبك ؟؟مفيش حد فى قلبى والله ...طبعا كل اللى كانوا فى قلبى ماتوا واللى عايش منهم مينفعش ميكونش فى قلبى وانت عارف ده كويس يا تيمو..
مين ممكن يكون فى قلبك؟ اللى ممكن يكون فى قلبى اى انسان يحبنى ويقدرنى ويقدر اللى أنا بعمله ويكون مرايتى وينصحنى ويحاول يقنعنى ويحاول يحافظ عليا ويحسسنى بمشاعره ناحيتى ويكون حساس ورومانسى .. وميكدبش عليا ولو بالمجامله ويكون قلبه واسع وصدره رحب و..و..و
من الآخر ممكن اى حد يخش قلبى بس اللى يقدر يحافظ على مكانه فى قلبى.
وكمان اوعى يا تيمو تفتكر ان قلبى اى حد وبس ممكن يفضل فيه ويحافظ على مكانه فيه ..لالا
انا عمرى ما هاخلى قلبى ارض كل الناس عليها وسهله المنال .. لا ده انا هاخلى قلبى سما الكل نفسه يوصل ليها ويستمر فيها ......
هل أنا فى قلبك؟؟ يا حٌبى مينفعش أصلا تسأل السؤال ده انت فى قلبى طبعا ده انت القائد بتاعى (بينى ما بينكم مرمطنى لما كان القائد بتاعى ..ولما الآيه انقلبت وبقيت قائد عليه ..احم احم؟ العفو عند المقدره طبعا) بس بجد انت فى قلبى يا تيمو
مين الحُب الحالى؟؟ مفيش والله ..لسه ملقتش الحب الحالى وبدور عليه وان شاء الله يلاقينى مش ألاقيه..وانت عارف ومكنش ليه لازمه السؤال من أصله
مين الحب الجاى ؟ اللى فيه الكلام اللى انا قلته من شويه..فى السؤال التانى
الحب اللى راح؟؟؟ مااااات بموت الطرف التانى وانت أدرى الناس بإجابه السؤال ده يا تيمو ومكنش ليه لازمه

هل من أسئله؟
موها

ههههههههههههههههه
متخافيش معايا زراير من حديد .. بس انا مستنى اسئلتك اللى زى الحديد صعب افكه او أكسره بس هاجاوبه

مستنى الأسئله أو تدوروا على ضحيه تانيه أنا على العموم مده قعادى على الكرسى انتهت من بدرى بس مش عاوز اقول لحسن حد يفتكر إنى مش أد المواجهة... وكمان مفبش مشاكل استنى شويه تدغدوا فيا زى ما انتو عاوزين ..هههههههههه عاوز أسئله بقى أو ضحيه جديده

موها

يا جدعان كده انا طولت أوى فى الكرسى ده.....حد يجىى بدل ما اختار أنا

وعلى العموم أنا اخترت اللى يحل مكان موها على الكرسى...... نور الشمس

يا رب يا نور الشمس متزعليش بس نفسنا نسألك شويه أسئله لذيذه بس مش هانسأل الا لما توافقى

على انك تكون على كرسى الاعترااااااااااااااااااف؟؟؟ وانا حاااااااجز كام سؤال كده على جنب



موها

تكونى بخير على كرسى الاعتراف ومعلش على التدبيسه دى بس ان شاء الله خير
سيبينى اقدمك لكرسى الاعتراف وأقدم حته تانيه عن الكرسى
ღ♥ღ)(:::: كرسي الاعتراف :::( ღ♥ღ

أصدقائي..

هنا نخلع الأقنعة..

عن طبيعتنا لنعترف عن ذواتنا..

ماذا نحن..؟؟؟

كيف نفكر وما هو أسلوب حياتنا..

و نعرف من حولنا بأنفسنا

و لنقترب أكثر من بعضنا البعض

أصدقائي

هذا موضوع علينا أن نشارك به ونتفاعل..

قد لايعنيك ما يكتب الاخرون..

لكن المهم ان تقف مع الأنا بكل صدق..

أن تقف مع نفسك بكل جرأة..

وتكتب نبضة..

تكتب اعترافك..

لطالما كان الاعتراف شيئاً نخشاه

لأننا سنتحدث عن أخطائنا..

بينما ما أسهل أن ندرك أخطاء الآخرين..

و نتعلم من بعضنا البعض

من لم يستطع الجلوس هنا يكفيه ان يواجه نفسه بكل صدق...

ربما نختفي عن المقعد و لكن ظلنا سيبقى ينتظرنا على الحائط

أنتظر جلوسكم على الكرسي



وتتواصل الأيام.. وتتواصل معها الاعترافات.. جمالكم مدموج ..
بـِ رُوحَ الحُبْ / الْعَطاء .. والوِدْ .: ..!
يَتَجَدَدُ بِنَا الْفَرَحْ والْبَسْمَه .. والْحُبْ ..!
بـِ عَطَاءٍ فَاقَ عَنَانَ الْسَمَاءْ
لـِ يُصَافِحَ اَكُفَ الْغَيمْ ..!
بـِ قَطَراتِ مُزُنْ تَروِي
الْقُلُوبَ والاَرْواح ..!




بعـد كل حزن .. [فرح] .. وبعد كــل كـربه .. [فـرج] .. وبعـد كل فصل صيف .. [شـتـآء] .. وبعــد كل آآنقــطـآآع .. [عــوده] .. وهـآآنحـن نعــود آآليكـم .. ولكن هذه آآلعـوده تحمل معــهــآآ [نجــوم] لمعـــوآآ في سمــآآء [منتدى جواله بنها] ..


نستضيف هذه الفترة [عضــوه] معروفــه بآآخـلـآقهـآآ وآآحتــرآآمهــآآ وتقديرهـآآ .. وحبهاا للمساعدة .. وادخل الفرحه بقلوب الاعضاء ,,,
عضــوه نسـتطيـع آآن نلـبقهـآآ [صاحبه الحضور الهادئ] .. بحضورها الهادئ والمتميز ..



ضيفتناعضوه غنيه عن التعريف [بشخصيتها الهادئه]..
وحضورها الدائم والمتالق ..
فلنرحب جميعا ..



بضيفتنا ..
نور الشمس


..... عضو انارت له الشمس فكان نورلشمس منتدانا ومعانا ومعاكو
نورررررر الشمس
هييييييييييه
***
وأحب أبدأ بكام سؤال كده على الماشى لحد ما اجهز الباقى
السؤال الأول .في حياة الكثير منّا تمر أوقات نلجأ فيها للصمت ..أنتى متى تلجئين له ؟ !!!
السؤال الثانى- حينما تغضبين ..ماهي ردة الفعل التي تقومين بها دااائما ؟ !
نتكلم عادى وبلاش فصحى ..
انتى بتقعدى امتى مع نفسك؟
انتى بتلاقى راحه البال فين ؟
ايه هى بقى العباره او المقوله اللى بتؤمنى بيها أوى؟
ايه حلمك اللى بتطمحى فيه؟
سؤال بالفصحى بقى .. لمن تعطى هذه الالقاب أو هذه الأشياء؟
القلم الذهبي
شهاده تقدير


ورده حمراء


ورده بيضاء


ورقه بيضاء
فنان
شاعر


مهم

آخر سؤال
هل سبق لك أن تعرضت لموقف أحسستي فيه أنك مظلومه؟ماهو؟

موها