حلال المشاكل .. لكل عقدة مفتاح

أحبائى إخواني وأخواتي أسرتي الثالثة بعد بيتى وعشيرتي.السلام عليكم ورحمة الله وبركاته ..وعذرا للانقطاع ولكن مهما طال غياب الاحباء فى الله لابد من اللقاء فاليوم جئت لنلتقى من جديد ولكنى أصارحكم أننى ما عدت مرتى هذه لاقذف الطماطم أو لأكون الامبراطور أو لأدلى بدلوى من النكت أنما عدت لاستفيد منكم وأحاول أن أفيدكم جئت لأقتبس من بينكم أراءا تنير الدروب وأقتنص منكم أخوانا وأخوات وأحباء فى الله ..حاملا داخل القلب شعورى بانه لا يمكن لى ترك مكان أشعر فيه بمعانى الصداقة والأخوة ..ومع العودة أبدأ الافادة ..
الموضوع عبارة عن حلول بسيطة لمشاكل لن يخلوا احدا منها وربما بالتأكيد ألا تكون الحلول مجدية مع احداً منا لذلك أتمنى أن تكون حلقة نقاش مستمرة بيننا هدفها حل تلك المشاكل ..أسأل المولى أن يوفق جميع المسلمين لما يحب ويرضى... :yarab:

طبعاً بالتأكيد أولى المشاكل التى ستطرح هى ((الكذب))

فهو عادة ذميمة تدمن كالمخدرات مع اختلاف خطورتهما فالكذب أخطر بكثير فهو يقلل من قدر صاحبه
عندما يعرف الناس أنه كذاب فيترك جانبا ويحاول الجميع البعد عنه..
حل لمن يكذب
حاول ان تجرب الصدق لتشعر بالراحة
تذكر الكذب يهدى الى الفجور....وبالتالى الى النار
قلل تخيلك بانك الفارس حتى لا تحاول اثبات ذلك بالكذب
نقى لسانك فآفة الحديث الكذب
أعلم أن هناك أذكياء قد يدركوا كذبك ولن يسمحوا أن تتمادى

اهلا وسهلا بيك بنا يا اصيل

فعلا هو ده اللى المنتدى واصدقائك فى حاجة ليه

وفعلا انت بدأت برأس المشاكل الا وهو الكذب

لانه بداية كل خطأء

اللهم ارزقنا لسانا صادقا

شكرا ليك يا اصيل وديما تفدنا بمواضيعك البنائة كالعادة

اهلا و سهلا بيك يا محمود

والله انا كنت مقررة قبل كده انى مش هدخل المنتدى ولما لقيتك دخلت انت ورانيا والله دخلت تانى

بس لقيت المنتدى زى ماهو ومفيش حد بيدخل حاجه مفيده يعنى زى سوبر هيروا نزل موضوع لمس المرأة ينقض الوضوء أم لا عشان كده نزلت موضوع الطماطم والنكت
مفيش غيرى انا ونور الشمس رضينا يعنى حتى مش لقيه اى موضيع بتنزل مهمه وكمان حتى لو بتنزل الموضوعات المهم محدش كتير بشوفها

انا بصراحه كل لما ادخل المنتدى بحس انى مضيقه لان مش هو ده المنتدى اللى كان زمان

والمشكله التانيه بعد الكدب وهى ( الخداع )

واكيد يا محمود انت فاهم انا قصد مين فى الخداع

اهلا بيكى فى الموضوع ياميادة وبجد انا مش اقصد موضوع طماطم ولا غيره انا قصدى فيد واستفيد ومش قصدت شخص بعينه لانى بصراحة ما دخلتش المواضيع دى لذلك معرفتش مين كاتبها انما بغض النظر كل الموضوع اننا بجد شباب عاقل ومثقف لازم نتحاور فى حاجة تفيدنا مش حاجة توسخ هدومنا.ههههه
المهم يااختى العزيزة كويس انك شاركتينا فى الموضوع لانك عارفة اننا دايما بنقتنع بيكى وبرأيك
اما بالنسبة للخداع فهو من اقبح صفات البشر فالخداع والنفاق وجهان لعملة واحدة اذا امتلكها شخص توفرت فيه كل الصفات القبيحة من انانية وغرور ووصولية..وربما يعود الحكم على مثل هذا الشخص المخادع بانه يمتلك من النقص ما يجعله لا يستطيع ان يحب أو يصدق فى مشاعره مع الطرف الاخر وانه كحيوان مفترس أستغل ضعف فريسته وقام بانتزاع الحياة منها غير مدرك لما فعله لانه بلا احساس أو مشاعر وهو أيضا لا يعلم مدى كراهية من حوله له عند اكتشافه ولكن فى مثل هذا الموضوع لا توجه الحلول للمخادع لانه مريض بمرض خبيث تكاد تحتار فيه الحلول
انما حلولنا للمخدوع
-لا تنخدع بالمظهر فالمضمون كثيرا ما يختلف عن الظاهر
-المخادع منافق فلا تتمسك به فلا يستحق ان يكون ولو صورة فى حياتك
-خذ من المخادع صفاته واعكسها لتصبح مستفيدا من تجربتك معه لا ندما على ما كان بينكم
-الحب يبنى على الاخلاص والخداع عدو الاخلاص لذلك اعلم ان من خدعك يكرهك فلا تندم بل اشكر الله على تخلصك منه
-الكلام لا يعبر دائما عن المشاعر الصادقة فلربما يمتلك شخصا لسانا متفلسفا ولكن لا يمتلك من الاساس قلبا صادقاً
ونهايةً نعوذ بالله جميعا من النفاق والرياء

والله يا محمود انا فرحانه انى بتكلم معاك ده اولا
وثانيا يارب اشوفك سعيد دايما

وثالثا موضوعك خلانى انشد ليه اوى وعجبنى كلامك

ربنا يبارك فيك يارب

موضوع جميل جداجدا

واظن انت مش منتظر مني وجه النظر في الموضوع

بس اختيارك للكذب في حد ذاته دا بوابه لحاجات كتير

اتعلمت كلمه مش بنساها ابدا من بابا قالي الي بيكدب ممكن يعمل اي حاجه توقعها منه

ودي حقيقه

شكرا ليكي يا مصراوي

حبيبي
واللهي وحشني يا حوده
بس في مشكله عيزك تحلهالي
المشكله اني عايز افرح فيك يووووووووووووه افرح بيك
قلي بقا اعمل ايه
ههههههههههههههههههههههههههههه
حمدله على السلامه
والموضوع مش محتاج رايي
لاني اكيد ده موضوع ملوش حل ويارب تكمل وتستمر
ومتنساش عيز افرح بيك

السلام عليكم

موضوع حواري جميل جدا يا ابو الاصول
ووالله انا كمان مش دخلت مواضيع الطماطم ... لو كاتشب ماشي
بس شايف ان هيا اللي ماشية ف المنتدي
كويس انك حطيت المنتدي ع الطريق الصح

انا كنت عاوز اشارك بحاديث عن الرسول صلي الله عليه وسلم

عن أبي الحوراء السعدي قال : قلت للحسن بن علي رضي الله عنه :-
ماحفظت من رسول الله ؟ قال : حفظت من رسول الله صلى الله عليه وسلم:-
( دع مايريبك إلى مالا يريبك ؛ فإن الصدق طمأنينة والكذب ريبة )
رواه الترمذي وقال حسن صحيح
صدق رسول الله

شكرا للناس اللي اهتمت ودخلت قرأت الموضوع

السلام عليكم ورحمة الله وبركاته
شكرا لمروركم جميعا
واشكر اختى الغالية واستاذتى اللى فرضت على الجميع احترامها اختى العزيزة (((همت )))تواجدها ومشاركتها فى الحوار . وبالنسبة (((لميادة))) فأنا بطبيعة الحال أسعد لمشاركتك فى الموضوع واحساسى الصادق بأنى اتحاور واتناقش مع اختى . وشاكر ليك جدا تواجدك((( يادرش))) ويارب يظل تواجدنا مع بع مستمر. وبالنسب لحبيب قلبى (((محمد حسين))) فانت وحشتنى جدا وموضوعك حله موجود بس مع ايقاف التنفيذ لمدة شهرين ان شاء الله.
وبالنسبة (((لسوبر هيرو الجميل )))فبوجهله رسالة شكر وتقدير واعتزاز وفخر بانى عرفته جدا غير ما تخيلت وشاكر له اهتمامه بالموضوع
وفى النهاية نرجع نقول فيد واستفيد من كل الاراء المستنيرة اللى موجودة هنا كلنا فعلا نقدر نفيد بعض ونمر فى طريق صح منتدانا مليئ بالعظماء ((شمس وهمت وميادة ونور طبعا لان النساء فرست ..وظلاوى وشومان وبربرى وهيرو وكل الاعضاء الجمال)) ....شكرا للجميع مرة تانية على المشاركة

يسلاااااااااااام على القائد لما يعود لبيته وينوره بأرائه وموضوعاته

خلاص احنا مش عوزين اى غياب تانى تحت اى ظروف

لانك ذكرت كل الاعضاء الجمال

ونسيت اهم الاعضاء

ابن الاصول طبعااااااااااااااااااا

والله وحشنا اوى يا محمود و يارب الشهرين دول يمشوا بسرعه عشان نشوفك وتكون معانا ونفرح كلنا

وتكون الفرحه جمعاء

ههههههههه

ربنا يسعدك يا اخويه يارب :flowerwhite:

حبيبي واللهي ويارب الشهرين دول يعدو كانهم سعتين
ونفرح بيك ولازم اجيلك وامشي معاك في الزفه
والف مبروك مقدما
وبالمره اكون اول واحد ابركلك
هههههههههههههه

المصرىالأصيل كتب:: وبالنسبة (((لسوبر هيرو الجميل )))فبوجهله رسالة شكر وتقدير واعتزاز وفخر بانى عرفته جدا غير ما تخيلت وشاكر له اهتمامه بالموضوع

والله ما عارف اقول ايه
طبعا شرف ليا ان اسمع الكلام الجميل ده من ابو الاصول ذات نفسه
يارب اكون عند حسن ظنكم خصوصا الناس اللي بتحب وتحترم سوبر هيرو
وانت يا ابو الاصول ربنا يجيبك بالسلامة
واللي ف القلب ف القلب
اني احبك ف الله

مش حد يقولى يا جماعة أن المصرى جه ونور المنتدى من تانى

حمد الله على السلامة يا محمود

وبجد المنتدى بيزداد تميز بوجودك

وفعلا المنتدى الفترة الاخيرة مستواه قل أوى بس بعودتك معانا وبوجود باقى الاعضاء

متأكدة أنه هيرجع تانى أجمل منتدى

نيجى بقى للموضوع طبعا مش محتاج كلام هو موضوع أكتر من رائع

وفعلا الكذب والخداع من أكتر العادات اللى المفروض مش تكون فى المرء المسلم

كما قال الرسول فى حديث مش فاكره نصه بس فيما معناه

أن المسلم ممكن يسرق وأن المسلم ممكن يقتل لكن المسلم لا يكذب

شكرااااا على الموضوع الجميل دة وبجد عودا أحمد يا قائد

ويارب كل الاعضاء متجمعين على خير وأستفادة وأفادة دايما يارب

ياااااااااااااااااااااااااااااااااااااااااااارب

» حلال مشاكل المنتدي