حبيتك _ حبيتك

حبيتك لإلتزامك . . . . . . ....... . . . . حبيتك لاحترامك
حبيت فيكي التواضع . . . . . . . . . . والعزة اللي ف كلامك
مبسوط منك لأنك . . . . . .......... . . . إسلامك كل همك
أنا أصلي قابلت بابا . . . . . . ...... . . . . واداني فكرة عنك
******

وسألته عن طباعك . . . . . . .... . . . . . إن كانت يعني هادية
فحكالي عن سماعك . . . . . . .... . . . . . لكلامه وانت راضية
وازاي بتسلي نفسك . . . . . . .... . . . . . بذكرك وانت فاضية
وحلاوة صوت تلاوتك . . . . . . . . . . . . وازاي بتكوني شادية

* * *
وسألته إن كنتي فاهمة . . . . . . . . . . . . معنى كلمة زوجين
قالي هتكونوا ورقة . . . . . . ..... . . . . . مطبوعة نسختين
غني كنت أو فقير . . . . . . ...... . . . . . ليك عند بنتي دين
سرك هيكون في بير . . . . . ... . . . . . . معرفش مكانه فين
تفضل دايماً كبير . . . . . . . ....... .. . . . في نظرها حبتين
لو جيت بفلوس كتير . . . . . ...... . . . . . تطمن جت منين

* * *
هتكون دايماً معاها . . . . . . . . . . . . سيرتك هتكون هواها
والشوق اللي ف خيالك . . . . . . .. . . . . . تلقاه لحظة لقاها
لو جيت زعلان ف مرة . . . . . . . . . . إرمي همومك وراها
ومهما شوفت بره . . . . . . . . . . . . مش هتشوف مستواها
واطمن يابني خالص . . . . . . . . . . عقلها مافيهوش تفاهة
وزي ما هي بنتي . . . . ..... . . . . . . . بنت حماتها وحماها

* * *
وسألته عن ولادي . . . . . . . . . . . . منك هيكونوا إيه؟
قاللي هيكونوا عادي . . . . . .. . . . . . فسألته يعني إيه؟!
قاللي العادي إللي كان . . . . . . . . . عند الناس من زمان
العادي بتاع سراقة . . . . . . . . . . . . وحذيفة بن اليمان
العادي بتاع أسامة . . . . . . . . . . . . وابن الحكيم لقمان
ده العادي بتاعنا إحنا . . . . .. . . . . . بنربي عليه عشان
لو جينا ولا رحنا . . . . . . ...... . . . . . هنقابل الرحمن
عمرك ما تخاف عليهم . . . . . . . . . . . ولادك في الأمان
أنا بنتي هتربيهم . . . . . . . .... . . . . ع السنة والقرآن
هتشوف ابنك بيصحى . . . . . . . . . . . مادام سمع الأذان
ينزل في الفجر يقرا . . . . . .. . . . . . بالسجدة والانسان
هتشوف في حجاب بناتك . . . . . . . . . . العفة والإحسان
هتشوف إزاي مراتك . . . . . . . . . . . هتعينك إنت كمان

نكمل

وسألته عن حياتك . . . . . . . . . . . . من قبل الالتزام
قال أتذكر في ليلة . . . . . . . . . . مش فاكر أنهي عام
أذان الفجر أذن . . . . . . . . . . . . وقالتلي سيبني أنام
فدخلت الأوضه جوه . . . . .. . . . . . أجيب منها الحزام
وعبال ما رجعت تاني . . . .. . . . كات رجعت ف الكلام
الله يجازي الشيطان . . . . . . . . . . . خلاها تقول أنام
بس اطمن خلاص . . . . . . . . . . . دلوقتي بقت تمام!

* * *
قدملي مكة كولا . . . . . . . . . . . قاللي اتفضل وسمي
أحسن من سكة كولا . . . . .. . . . صدقني وخدها مني
قلتله طيب ياعمي . . . . . . . . . . . . يسعدني أقولك إني
بطلب بنتك ونفسي . . . . . .. . . . تناسبني وترضى عني
راح شادد فجأه لبسي . . . . .. . . . . . وقلب وشه وسألني

* * *
حافظ كم جزء يابني . . . . . . . . . . . . وقاري كم كتاب
احكيلي كده عن مؤت . . . . . . . . . . . أوغزوة الأحزاب
وسمع كم حديث . . . . . . ... . . . . . في الأخذ بالأسباب
وكمان سمعلي آيه . . . . . . . . . . . . ذكرت فيها الدواب
ولو شايفها صعبة . . . . . . . . . . . . قللي بتاعة الذباب
واحكيلي حلم يوسف . . . . . . . . . . . . وبراءة الذئاب
واخواته لما جولوه . . . . . . . . . . دخلوا من أنهي باب
واديني فكرة برضه . . . . . . . . . . . . بتقبض كم ثواب
وناوي ازاي تحسن.................... أنا شايفك لسه شاب

* * *
وسأل نفسه وسألني . . . . . . . . . . . . هيعوز إيه يعني مني؟
لو عندي كل حاجه . . . . . . . . . . . . وديني مش شاغلني
أحسن لك تنسى بنتي . . . . . . . . . . . . ومهرك مش لازمني
قلتله صبرك ياعمي . . . . . . . . . . . . وبراحتك امتحني
يبقى اما أسأل تجاوب . . . . . . . . . . . . خليك دايماً فاهمني
سألتك وانت ساكت . . . . . . . . . . . . خليتني أظن ظني
وفضل يسأل واجاوب . . . . . . . . . . . . وعشان خاطرك عصرني
وظهرت النتيجة . . . . . . . . . . . . وبفضل الله قبلني

* * *
قاللي مقبول في نظري . . . . . . . . . . . . مبروك عليك ياسيدي
لكن في نظرها هي . . . . . . . . . . . . نجاحك مش بإيدي
وهي زمانها راجعة . . . . . . . . . . . . من تمرين السويدي
خليك قاعد شوية . . . . . . . . . . . . استنا لما تيجي
هعملك من إيديا . . . . . . . . . . . . كباية شاي صعيدي

* * *
سابني وقعدت أفكر . . . . . . . . . . . . هل ممكن ترفضيني
طاب قولي حتى أفكر . . . . . . . . . . . . مش يمكن تفهميني
وفضل مخي يلاعبني . . . . . . . . . . . . يجيبني ويوديني
وخايف م المقابلة . . . . . . . . . . . . مرعوب بينك وبيني
ودق الباب في ثانية . . . . . . . . . . . . وشوفتك مرة تانية
مش قادر أنسى يومها . . . . . . . . . . . . وفاكر كل ثانية

نكمل بعدين عشان كدة كتير أوى

منقول للأمانة

بجد روعه وملهاش حل..... بسم الله مشاء الله ..بس أنا زعلان شويه علشان مش بشوف اهتمامك وتعليقاتك الجميله عندى حتى لو قلتى ..الموضوع اللى انت كاتبه مش كويس

موها

لالا أزاى معاش ولا كان اللى يقول على موضوعاتك مش حلوة يا قائد

بجد بتعجبنى جدا وأنا بجد بعتذر عن قلة دخولى

بس أن شاء الله تتعوض

وميرسى لمروك الكريم

وأحنا هنروح فين من موضوعاتك الجامدة يا موها

ربنا يوفقك يارب

روووووووووووووووووووووووعة بجد يا هبه

والله كلام جاااااااااااااااااااامد

شكرا ليكى

عندنا في السعودية لما حد يقول شعر بيقولوله (صح لسانك )
بس والله مش عارف اقول ايه على الموضوع غير انه ممتاز
____________________________
محمد عماد

خلاص نبقى نقول لهبه..صح لسانك

ههههههههههههههه

ربنا يخليك يا محمد على زوقك

وميرسى بجد كتييييييييييييير على كلامك يا همت

ولمروك يا موها وهمت ومحمد

ومنحرمش أبدا يارب من ردودكم اللى ترفع المعنوبات دى

» حبيتك لالتزامك *