بدايه موها فى تحدى الخواطر (لن الوم غير قلبى)

اول بدايه ليا فى التحدى ... مش عارف اتكلم ولا حتى اعبر عن اى حاجه ولا حتى اللى جوايا... انا مش محضر للتحدى اى كلام دلوقتى ...لانى لسه مخلص امتحانات النهارده..بس انا بجد حاسس ان الناس اللى حواليا محتاجين يستمتعوا بالتحدى ده وفى لهفه مشتاقه لتحدى الخواطر ده
وهاتكون بدايتى بحاجه يا ريت تحسوا بيها معايا..


لن ألوم غير قلبى

... تتبعثر احرفى لتهرب منى أسألها لما الهروب ...تجيبنى بعيون دامعه..خائفه لأننى رافقتك فى رحلاتك وأفراحك..أحزانك..آهاتك وساعدتك لتخرج
كل احساسك..وكنت مستمتعا بالنظر فى عينيك وبرؤيه البسمه على وجهك....ولكننى أخاف عليك
من محبوبتك..فقد تسبب لك من الالم ما لا يتحمله قلبك..فأجبت على احرفى ان من عشقتها...هى روحى وعقلى ووجدانى هى كل شىء بالنسبه لى ..وسأخلص لها ما حييت ....
سيدتى لن أصبح مجرد ذكرى لا معنى لها ولن يفارق اسمك نبضاتى ...الا برحيلى ..
سيدتى انعمى بانتصارك فقد جعلتينى أتربى فى مدرسه حبك ..لن الوم غير قلبى الذى احبك وكل ما تعلمه منكى هو..كيف اكون اسيرك
سيدتى أحقا كنت تحدثيننى ..تداعبيننى ..تكلمى سيده الروح والقلب الم يكن حلما بصوتك دق احساسى ...وجزت عوالم البشر نسيتى صغائر الناس ..غفرت اساءه القدر ...
اسير كاننى امضى الى رب ينادينى فلا قلبى من الطين ولا جسدى من الارض ....احببتك بكل جوارحى ...أشكرك لأنك علمتينى الرقص على ألحان الهجر والالم ..سأخلص فى حبك

مليكتى يتقدم اليك عاشقك بأسمى عبارات الحب ويتمنى ان تتكرمى وترافقيه فى مشوار رحله الحياه ..سيدتى لا يوجد ملجأ من الهروب منك الا اليك فلا تقسى على قلبا احبك بجنون..حينما تتوقف روحى عن عشق روحك.. سيتوقف قلمى عن عشق الحروف وتقبيل الورق..لا اكون قد نسيتك حينما أنساك .. لكن عقلى الحاضر فى غيبوبه ...وعقلى الغايب لن يأتى ابدا
ها أنا حبيبتى أقترب منك ..فأقتربى منى فاتحه لى ذراعيك وأغمرينى بنظراتك وحنان صدرك ,انظرى فى عينى ولا تتركينى حتى تقرأ مجلدات الحب داخلها وترى صورتك فيها ..وأستمع لنبض قلبى أقتربى ..فأنا بدون حبك جسد بلا روح
حبيبتى
حياتى قبل حبك ...كانت بلا معنى ..وبعده أصبحت قاموس معانى ...حبيبتى اقتربى اليا لكى لا تبقى مسافه بيننا لكى تذوب نبضات قلوبنا ببعضها فتصبح نبضه واحده .. خفقه واحده ...
حبيبتى
دعينا نطير محلقين فى سماء حبنا فوق السحاب والكواكب ..بين حدائق الحب المعلقه ..لأبنى لك فى القلب قصر الاحلام
واتوجك ملكه على عرش حبى وآخذك بطله لاروع قصه حب فى تاريخ الحب ..ليقرأ كل عاشق ومحب ..وتبقى قصه حبنا خالده مدى الحياه
اتعلمين سيدتى اننى اعشقك بجنون ..أعشق كلماتك ..همساتك..آهاتك ..صدى صوتك ..حتى لحظات صمتك ..اصبحت جزء منى .. احببتك بكل جوارحى....ان نبضات قلبى تتراقص بين احرفى وهمساتك العائده اليا كزلزال بجوف الارض ..سيدتى قد سلبتينى ارادتى وقوتى لاكون فريستك ولكن امنيتى الموت بأحضانك..

انا بتمنى ان الخاطره بتاعتى تكون لمست احساسكم بجد ... بس الكلام ده ل الراحله بوتشى وبس... مش لحد تانى....


موها

بسم الله مشاء الله ولا اروع من دى خاطره
وانت بجد لمست احساس كل حد فينا بخواطرك الجميله حتى لو بره التحدى (الفخ) اللى وقعت فيه ده
انت ممكن تقبل منى التقييم المتواضع ده
عشره على عشره 10/10

ذا بيست ليدر موها


نور

واو واو واو وهوا ده المطلوب
تمام التمام خليك رافع راسنا يا موها

وبجد ده اروع حاجه فى الخواطر انا قريتها.. احساس عالى ..حس مرهف بالاداء

التقييم 8/10

تيمو

امال يا سيدى لو كنت فايق وفى الاجازه ومش فى الامتحانات كنت عملت ايه

بس والله الموضوع بيقيم نفسه بنفسه انا هاديلك تققيم9/10

معلش فرقت بنط واحد بس
مستنيين منك المزيد

الدالى

الله عليك يا موها

أسمحلى أقول رأيى بس

لكن التقييم دة بصراحة

مش بقدر أحدده بالظبط

أحساس جميل أوى يا موها

تسلم أيدك ومستنيين منك أروع من كدة

يا جماعة بجد انا مش مصدق الكلام جميل جدا والاحساس عالى بجد ما شاء الله عليك يا موها ولو اديتك تقييم اديك 10/10

بجد يا جماعه المنافسه شكلها قويه جدا انا مبسوطه بيكو اوى انتو الاتنين

وبجد الخاطرة بتاعتك جامدة جداااااااااااااااااا

منور ياكريم المنتدى

ويارب معانا دايما

ويالا مستنيين أجمد من كدة يا موها

ورينا الهمة

ميرسى ليكى يا نور الشمس وانا بجد مبوسط بيكم كلكم انتو اسرة جميلة

ميرسى

وأكيد هنبقى أجمل بوجودك معانا دايما

وبمشاركتك الفعالة

يالا يا موها عايزيين أكتر

يا جماعه النهارده آخر يوم لرصد درجات التحدى واظن النتيجه واضحه قدامكم ....
نيره انا متأسف بس التحدى فوز وخساره ...كان المفروض عليكى انك تدينى الاميل بتاعك والباسوورد
ودى جايزه الفائز اللى انتى حددتيها
انا عارف انى لو خسرت كنت هاتخدى منى اميلى وانتى بتضحكى وبستهزئى .... لكن انا بالرغم من انى كسبت لكن انا متشكر على التحدى الجميل اللى مخدش اكتر من يومين بس كان تحدى جامد ... نيره مفاجاتى ليكى .... انى متنازل عن اميلك ومش عاوزه خليه ليكى ... بس سيبينى فى حالى...لانى ميصحش اخد حاجه مش بتاعتى ... ولانى بحب روح المنافسه الشريفه


موها