ابطال الجامعه

الحمد لله وبفضله

حصلت تجارة على المركز الاول فى المهرجان الكشفى التاسع لجامعه بنها

وحصل القائد حسين مساعد قائد الوفد على مسامر مثالى على مستوى الدورة

وحصل السمر على المستوى الاول

وعلى رأى المثل (( يا سيدى اهو كله برتقال ))

قائد وفد تجارة
القائد عبود

الف مبروك بس كان واجب تقول باقى النتايج اصلى فعلا لسه مش عرفتها
ياريت حد يغطيها كلها
طبعا شومان هو اللى هيظبط الحوار دة
الف مبروك عليك وعلى عشيرة تجارة كلها
تحيه خاصه من هندسه

الف الف الف الف مبروك ياقائد عبود

فعلا عشيرة تجارة عشيرة العمالقه الف مبروك

بس توضيح سمر اداب اول علي مستوي الدورة بفرق درجه

نتائج الدرع الكشفى التاسع لجوالى جامعة بنها كالتالى
المركز الأول:كلية الهندسة بشبرا وكلية التجارة
المركز الثانى: كلية الآداب
المركز الثالث:كلية الطب البيطرى وكلية العلوم
أما باقى وفود الدورة كانوا تحت المستوى بنص قرار هيئة التحكيم
وهم ( كلية الحقوق وكلية الزراعة وكلية التربية النوعية )
أما عن كلية التربية الرياضية فأخذت درع المشاركة
ليصبح عدد الوفود المشاركة فى الدرع تسعة وفود فقط

تصحيح بسيط يا قائد اكثم

مركز اول تجارة
مركز تانى هندسه
مركز تالت اداب اما بالنسبه لموضع ان الكليات اقل من المستوى دا انا واحد من الناس كنت مدايق جدا

العشاير دى ممكن تنتهى بسبب النتيجه دى

وربنا يستر ان شاء الله السنه الجايه ويكون فى تقدم احسن من كدة

بالتوفيق الجميع

التجارى

السلام عليكم
احب اطلب من القائد عبود طلب انو يتاكد من النتيجه لان نتيجه القائد اكثم صحيحه

علي فكرة نيجة القائد اكثم صحيح بس مش ده موضوعانا ياجماعه

الف الف مبروك لكل العشاير

أحنا كنا بنتكلم في السمر

أداب أول سمر عام علي الدورة من بوق التحكيم بفرق درجة عن تجارة

تصحيح أكثر بساطة يا قائد عبود
وده من لسان القائد جلال من شيت الدرجات اللى معاه
المركز الأول : كليات الهندسة والتجارة والآداب
وعلى رأى المثل اهو كله برتقال
وعلى رأى القائد شومان ده مش موضوعنا
وشكرا

الى انتو شايفنو يا جماعه

النتيجه الى انتو عايزنها مش هتفرق تجارة اول تجارة اخير
والسمر كمان يا قائد شومان اداب سمرها كان احسن سمر فى الدروة يلا ياعم اى خدمه
وياريت كلنا نبقى مركز اول وان شا الله ما حد حوش


كله برتقال ههههههههه

كل سنه وانتو طيبين

التجارى

أولا ياقائـــــــــــــــــــــــــــــــــــــد عبود

أحنا مش بنحب حد يزكي علينا

ولاه بنحب اسلوب التريقه

لاننا ناس كبيره ونعرف نرد أزاي

وياريت محدش يتكلم ياجماع تاني في الموضوع خلاص

والف الف مبروك لتجارة وهندسة وكل العشائر وأداب لا

ولاه تزعل ياقائد عبود وشكرا مره تاني علي اسلوبك في الرد

وياريت الناس متزعلش من بعض أنا لما رديت حبيت أوضح بالدرجات

مش بالتريقه وعلي فكره أنا مش زعلان من ردك أد ما انا زعلان أنك قائد عشيرة

وترد كده شكرا ياقائـــــــــــــــــــــــــــــــــــــــــــــــــــــــــــــــــــــــد عبود

بسم الله الرحمن الرحيم
اولا بحب اسلم على كل الناس
شومان وعبود واكثم وريهام (مع الحفظ للالقاب)
اولا: عن اسلوب الحوار مش كويس وفى احسن من كدة يا رجالة
ثاينا :عن النتيجة احب قول انى كل الاجتهادات الى الناس بتقولها تقربال صحيحة بنسبة كبيرة
ولكن الصح انا ممكن اقولة باعتبارى كنت مطلع على النتيجة وعايز اقول انى محدش يعرف النتجية غير 5 شخصيات هم: القائد عطية -القائد عهدى - القائد عبدالله -القائد طوخى -العبد الله
النتيجة كانت كل التالى:
المستوى الاول: الهندسة -التجارة - الاداب
المستوى الثانى: الطب البطرى - العلوم
المستوى الثالث:الحقوق - النوعية -الزراعة
مع العلم انى مفيش عندنا مبداء الدرع العام فى جامعة بنها
وده علشان احنا مشين على مبد المستويا ت وليس المراكز
ومبد المستويا ت يعتمد على نسبة مؤيا وانا اعتقد انى دة مناسب فى بنها
اما مبدا المراكز يعتمد على الدرجة ودة مش كويس عندنا على هيكون لة دور فى انتهاء عشايرة
والسلام ختام

بسم الله الرحمن الرحيم
مبدأيا أنا ق.بيسو م.قائد عشيرة تجارة
والله انا بجد مش عارف ليه الناس بقت كده
كله بيتكلم وخلاص اللي له فيها واللي ما لوش
باختصار شديد :- اللي اتقال يوم الختام بالظبط
المستوي الاول علي الترتيب كلية التجارة ثم كلية الهندسة
المستوي الثاني كلية الآداب ثم ............ الخ
وكمان في اجتماع القادة الاخير اللي كان بعد اعلان النتايج القائد عهدي قال يا ريت الناس تشد علي نفسها شويه علشان الفرق بين الاول اللي هو تجارة والثاني اللي هو هندسه 4 درجات
وبالرغم من ان القائد شومان قال سمر اداب اول ما حدش اتكلم خالص مع انه مفيش حاجه رسميه تثبت ده بس احنا مش هنكدب بعض احنا قادة عشاير كبيره ما ينفعش نعمل كده
فياريت يا جماعه مش اي حد يتكلم في الموضوع ده غير القادة اللي حضروا مجلس الادارة الاخيرلانهم هما اللي اتقال ليهم بالظبط النتيجه ورجالة آداب وعلوم يسالوا القادة بتوعهم اللي كانو في الاجتماع ولو ان كله زي بعضه ما هو لو فيه قاده بجد ما كانوش سمحو بالتهريج اللي بيحصل ده ](مع احترامي الشديد للجميع)
وفي نهاية كلامي انا مضطر اقول كلمه كان نفسي اني ما اقولهاش بس لازم اقولها
( اللي في القلب هيفضل في القلب )
واللي عاوز يتكلم بعد كده ما يقلش ده من بق التحكيم لا قول ده اللي اتعلن عنه
شكرا يا قادة عشاير بنها ياللي عاوزين ترفعو اسم الجامعة

أولا يابيسو كلامك كويس

بس الأسلوب مش كويس

وبعدين الكلام بين انه لشومان فقول شومان وخلاص

وبالنسبة لنتيجة هو أنا قولت اداب اول

أنا قولت تجارة أول وهندسة وبعيدهم أداب

أنا اتكلم في نقطة السمر واسل القائد جلال

أداب أول في درجات السمر ولما اقبلك هقولك ليه أحنا أول

وعلي فكره اقيم بالله اقسم بالله أنا بحب تجارة وهندسة جدا

وكل الناس بعزها بس أنا كان هدفي أني اوضح النقطة

وعلي فكرة أحنا فعلا بنرفع اسم الجامعة دايما

والحمد لله ده واضح من الكام السنة اللي فاتوا

كان قائدنا جلال مع حفظ الألقاب وهو من تجارة

وكان الناس اللي تحته أداب وحقوق وتجارة وهندسة

وكانا بنجيب أول عارف ليه لاننا بجد ناس بتفهم وعقله كبير

شكرا ليك ياقئد جلال علي ردك فعلا أنت قائد محترم

شكرا لكل من رد ارجو عدم الرد في الموضوع مرة اخر

لعدم حدوث زعل بين الناس

شكرا شكرا يابيسو علي ردك

اولا سلام عليكم
ثانيا احب بس اقول للناس اهدوا شوية بلاش الاسلوب ده فى الحوار انتوا قبل اى حاجة طلبة جامعيين
ثالثا وده المهم المهرجان خلص والنتيجة خلصت خلاص
اللى بيفضل بيننا بعد كده مش النتايج اللى بيفضل بيننا الكلمة الكويسة والاحترام المتبادل
ياريت كلنا نقدر حاجة زى دى
احب اعتذر نيابة عن اى حد من تجارة ايا كان كان اسلوبه مش كويس فى الكلام وطبعا كلامى واضح
واحب اقول لكل الناس بلاش تخلوا الكلام ياخدكم لدرجة انكم تجرحوا فى بعض وفى النهاية احنا كلنا بنخسر بنخسر اصدقاء واخوات واكتر كمان بسبب كلام مش ليه اى لزمة
نفسى احس ولو لمرة اننا كلنا بنخاف على مشاعر واحاسيس بعض
ومرة تانية انا بعتذر للكل عن اى كلام حصل واتمنى تفتحوا صفحة جديدة كلكم مع بعض وانا اولكم وببدا باول كلمة فى الصفحة ..((( حب .. )))
واخر كلامى سلام

أنا هكمل واعتذر لكل واحد اساءت له أو زعل مني انا اسف وتاني كلمة

(( أخوات ))

وياريت محدش يكون زعل مني

يا جماعة احب اهنىء كل الوفود اللى حصلت على مراكز مشرفة
والف الف الف الف مبــــــــــــــــــــــــــــــــــروك .
ويارب يوفقك الجميع ولكل مجتهد نصيب....

السلام عليكم

وعليكم السلام ياصلاح باشا

حبيب قلبي

يعيش ابطال الجامعه يعيش يعيش يعيش


موها

وتعيش أسيوط برجلها