"الشرق" ل"بيرم التونسي" كلام في المليان

من قبل مااكتب أنا عارف القــــــول ضايــــع

والأجــر بالتأكيد ذاهــب حسب الشـايـــــع

والشتــم حايجينى مسوجر من واد صـــايــع

مهما انكويت بالنار والزيـت برضــك فنــــــــان

,,,,,,,,,,,,,,,,,,,,,,,,

يا مصرى وانت اللى هاممنى من دون الكل

هزيـــــل ويحسبك الجاهــــل عيّان بالسـل

من دى الكيــوف اللى تصبّر على كثر الذل

ونمــت والعالـــــم فايـــــــق قوم بص وطـلّ

وشوف الشعوب واتغص ودوب وارجع انسان

,,,,,,,,,,,,,,,,*

واللى اّلمـــــنى وبكّـــــانى انت ياشــــامى

ع الأكل نازل طول عمــرك بارد حـــــــامى

وقـــلت لى لمّا نهيتــــــك مصرى حـــرامى

لحـــد ماالجزّار خــــلاّ جرحـك د ا مــى

والله الخروف سايب معلوف مايفوته جعـــان

,,,,,,,,,,,,,,,,*

والمغـــربى المسلم راخر أبو زر فاشـــــوك

لما انتقدتــه فزع قــال لى يلعن .... بــــوك

ونا اللى قصدى أشوف قيده ...يصبح مفكوك

لقيته فرحـان به راضـــــى طيّب .. مبـروك

خليك فقيــر دق البنديـــر وكل التغبــــان

,,,,,,,,,,,,,,,,*

روح العراق راخر قول له كيف الأحــــــــــــوال

لامتى تفضل يا أخيينــا بحزام وعقــــــــــــال

ما تعرف الجاز بستعمـل غير للمشعـــــــــــال

ألطــم بقى وقول ويّايــا الجاز أمــــــــــــــوال

واوعى المداس يفلت تحتاس وتقول لى أمان

,,,,,,,,,,,,,,,,,,,,*

يا شرق فيك جــو منّـــــور والفكر ظـــــــــلام

وفيــــــك حراره ياخسـاره وبرود أجســــــــام

فيـــك سبعميت مليون زلمه لكن أغنــــــــــــام

لا بالمسيح عرفوا مقامهم ولا بالاســــــــلام

هى الشموس بتخللى الروس كداهو بدنجـان

يا شرق فيك جو منور والفكر ظلام
وفيك حرارة يا خسارة وبرود الاجسام

هى دى المشكله

تسلم يا ميمو
الف شكر

فعلا هي دي المشكلة
ظاهرنا طيب
وباطننا ما يعلم بيه الا ربنا

الله المستعان

بس انت فينك يا ميمو مش بتيجى ليه

بعدد قطرات الندي التى تحتضن أوراق الأشجار كل صباح...أاسف لغيابي الفترة اللى فاتت
بس غصب عني كنت مشغول مع عشيرتي في معسكر الإستقبال
دعواتك معانا كده يا ريهام التقييم بتاعنا يوم الإثنين
وإن شاء الله نرجع لمنتدانا أقوى من الأول ونعوض غيابنا اللى فات
بس بجد شكرا جدا ليكي ماكونتش متوقع أن حد ممكن يلاحظ غيابي اساسا

ازاى تقول كدة يا ميمو
هو انت اى حد ولا ايه
عموما ربنا يوفقك يارب انت وكل عشاير الجامعه ونشوف منافسه قويه
بس كان ليا سؤال رخم حبتين
هو انت كليه ايه؟
اعذرنى بقى اصلى مش اعرف

ربنا يخليكي
ماهو دا العشم برضه
بالنسبة للكلية :
كلية العلوم الفرقة الرابعة قسم الكيمياء الخاصة
اي حد زهقانة منه شاورى عليه بس
واحنا نفجره على طول
:coach:

ههههههههههههههه
الله يخليك يا ميمو
ربنا يقويك بقى على الكيميا بتاعتك دى وتتخرج على خير ان شاء الله

شكرا يا "ريهام"
سؤالك الرقيق هو خير دافع لإستمرار سعينا الدؤوب نحو التميز

يارب دايما فى تميز
وبجد عودة قويه وى ما وعدتنا
قد القول يا ميمو

» "يا اهل المغنى دماغنا وجعنا " لشاعر العامية الاول "بيرم التونسي"
» "حاتجن ياريت يا اخونا ماروحتش لندن ولا باريس" احدي روائع بيرم التونسي
» """"" امثال عالمية على البنات برضه """""
» "حاجات ياما" من الشعر الحر ل"سعيد حامد"عبر عن احساسه فامتعنا بإحدى روائعه
» "في دي الليلة أنا نايم"مأساة الوطن العربي الغافل والحق الضائع ل"الأبنودي"