ليه فرحتنا مابقيتش زى زمان؟؟؟؟؟؟؟؟

عاوزة اتناقش معاكم فى موضوع ومش عارفة ليه سبب محدد

ليه فرحتنا ما بقتش زى زمان؟؟؟


زمان كنا بنضحك من قلبنا بجد....زمان كنا بنحس بالفرحة والضحكة اللى مالية الدنيا بجد
زمان كانت كل حاجة جميلة .... زمان كانت ذكرياتنا جميلة

ليه دلوقتى بنقول للزمان ارجع يا زمان ....ليه مش بنضحك من القلب ....ليه موش بنعيش اللحظة بجد؟؟؟

حتى لو بنفرح بنخاف من بكرة وبنقول خير اللهم اجعله خير ؟؟؟ ليه بقينا نخاف من الفرحة ؟؟؟
ليه بقينا نخاف من اننا نشعر بالسعادة ولو لثوانى ؟؟؟
ليه رمضان ما بقاش رمضان؟؟؟ وليه العيد ما بقاش العيد؟؟؟

يا ترى عشان كبرنا ؟؟؟ ولا عشان عايشين فى ذكرياتنا ؟؟؟ ولا عشان احنا ناس كئيبة تموت فى النكد؟؟

مليون سؤال ليه ما بقيناش نفرح زى زمان ؟؟؟ ليه دايما زمان احلى والحياة كانت فيه احلى مع ان جايز ساعتها كان الوضع صعب ؟؟؟ ياترى عشان الحاضر اصعب ؟؟؟ ولا عشان احنا ما بقيناش نعرف ازاى نفرح ؟؟؟ ياريت بجد اسمعكم


ليه فرحتنا ما بقيتش زى زمان؟؟؟

انا ممكن اجاوب بعض الاسباب
اولا لان الايمام اللى بنعيشها دى ايام صعبة للعالم كلة
العالم اللى عايشين فيه بقى كلة ازمات حروب مجاعات وازمات
احنا مش بنحب النكد بس لاننا اتعودنا اننا اول مانفرح ونقول الحياة حلوة نتصدم
بحدث مؤلم فنحس بصدمة علشان كدة فرحتنا مبقتش كاملة ولما نفرح مش يهمنا الفرحة قد ما يهمنا ايه المشكلة اللى جاية بعد الفرحة لان المشاكل بقت اكتر كتير من الفرح..
على الفكرة الاسباب كتيرة جدا يمكن يكون كلامى صح او غلط بس انا حاسس اننا كبشر
بنمر من السيىء للاسؤا والله اعلم الى اين نذهب....
:Question: :Question: :Question: :Question: :Question:

والله يا ريهام أنا نفسى مش عارفة أجاوبك على السؤال دة

لآنى بردو حاسة كدة

يمكن عشان كبرنا وأهتممنا بالحاجة قل شويه

بس بردو الحاجة مش زى زمان

ممكن يكون زى ما فوكس قال عشان المشاكل أكتر من الفرح

منقدرش نقول غير ربنا يستر علينا من الايام اللى جايه

شكرا ليكى

فعلا كلامك صح يا فوكس
وبجد الاسباب كتير


شكرا لمروركم





الله المستعان

يا جماعة والله الزمان هو الزمان
بس العيب فينا
العيب فى الأنسان نفسه
هو اللى بيخلى الحياة حلوة أو وحشة
(نعيب زماننا والعيب فينا وما لزماننا عيب سوانا)