لو حبيت بجد ممكن تقولي رايك ايه؟

الله ع الكلام الجامد والله كلام فعلا حقيقى
انا اتفق ع كلام بندقه الجميل
وطبعا مهنساش اقولك
..........فاكره ولا نسيتى
ا
ل
ى
ا
لا
م
ا
م

لا فى برضو فراق من نوع تالت

وهو فراق الظروف

يعنى بنشوف كتييير اتنين بيحبو بعض بجد

بس فى ظروف اقوى منهم هما الاتنين

وبلاش بقى كلام لو بيحبو بعض هايتحدو الدنيا ..والكلام ده

لان سعات الظروف بتكون اقوى من اى حد

وانا عن نفسى مش هاحضر فى جميع الاحوال

لان مش بعرف اتظاهر بحاجة عكس اللى جوايا

ومش عارفة بصراحة ده ميزة ولا عيب

ومش هاذكر اى اسباب..هاعمل اللى يريحنى وبس

انا كمان مش موافقه على المبدا يعنى انى اروح فرح حد كنت مرتبطه بيه لان المفروض ان الموضوع انتهى بالنسبالى والمفروض انى اكون انتهيت بالنسبه له يعنى هو كمان المفروض مايفتكرش انه يعزمنى
بس فى اوقات ممكن اغير موقفى يعنى لو الحد دة كنا افترقنا عشان حاجة غصب عننا ولسه فى بينا معزة وبس
ساعتها بس ممكن اروح عشان هكون ساعتها فرحانه ليه وبجد مش تمثيل يعنى

يجماعه انتو بترفضو عشان واخدنها من اتجاه الكرامه والشكل ده
انما انا فى وجهه نظرى عادى خلاص
الموضوع انتهى بالنسبالى يبقى مش تفرق ان روحت او ما روحتش
المفروض انى اصلا موش هتاثر بالموقف لانه انتهى
فهمتونى ولا ايه
ع العموم
الى الامام

طيب ما دة كان راييى يعنى متفقين ان الموضوع مش فارق

ان شاء الله
متفقين
وربنا مايجب ش خلاف
الى الامام

اكيد ومنور بعد غيبه

والله نورك يا ريهام
بس حكم القوى
الحمد لله
الى الامام

مع انى مش عارف مين القوى دة بس معلش بقى
حمد الله على السلامه

الموضوع جميل والردود اجمل
بس اسمحولى
رد الفعل ممكن يختلف من شخص لأخر
بمعنى ان فى واحد ممكن ماتفرقش معاه
وفى واحد ممكن يكون الموقف صعب عليه
وكل واحد على حسب شخصيته
وعلى فكرة الموقف ده حصل معايا
وافترقت عن حبيبتى بس والله بسبب الظروف
ومحتار لو عزمتنى على فرحها اروح ولا لأ ؟
اريد النصيحة.

ليه كده يامياده

قولتي الكلام اللي كنت هقوله واكتر

أنا زي مياده بالضبط

موضوع جميل يا مصطفى تسلم أيدك

وكلامكوا جميل جدا والله يا جماعة كلكم بلا أستثناء

ولو أنا مش عارفة ساعتها هروح ولا أيه

بس بدعى ربنا ميكتبهاش عليه

أما أنت يا اكثم

من وجهة نظرى المحدودة

أن أنت لو دلوقتى مقتنع أن الفراق بسبب طروف خارجة عن أرادتها

وأنت متقبل دة

يبقى لازم تروح وتثبت أنك فرحان ليها

فعلا موقف صعب فى كل الاحوال
انا عن نفسى فى كل الاحوال مش هحضر الفرح
سواء كنا افترقنا غصب عننا يعنى القدر اللى فرقنا
مش هقدر اشوفه وهو جمب واحده تانيه غيرى
او سواء متفرقين بسبب غدر او عدم تفاهم
مش هروح علشان كل شيء بنا انتها والمفروض ان احنا اصبحنا شخصين لا تربطهم صله
وطبعا ربنا ما يوقع حد فى الموقف الوحش ده

يا اكثم انا عجبنى ردك وكلامك فى حل لمشكلتك بمعنى شوف انت عايز تعمل ايه واعمله لان اكثم بس هو اللى هيحس بيك فاهمنى؟
وربنا يهونها عليك
واكيد انت اكبر من كدة ان شاء الله

حلوة العبارة دى اوى يا ميادة(مادحدش بيتجوز جوز حد)
انا كمان سمعتها بس مش كدة سمعتها(ماحدش بيتجوز غير مراته

كلام سليم فعلا يا محمود