فلسفة حمار

عجبى عليك يا ابن ادم يا كبير الدار
قومت الدنيا وما قعدت لما قالو حمار
هو اسمى شتيمة ولا جنسى ده عار
خلقنى ربى وخلقك ولا حدش لة اختيار
وانا مهما زاد الحما فوقى صابر على المشوار
ولا فى يوم اقول اشمعنا اخويا واخد منة تار
ولا يوم ابص لرزق غيرى واطق منة واغر
ولا ارفع عينى على جارتى واصن الجار
ولا مهر ادفع لحمارتى وشبكة وسوار
ولا شقة اجمع فى ثمنها واجهز الدار
ولا حرمى حامل تتوحم عايزة كافيار
ولا بنت تخرج عن طوعى وتجيب العار
ولا ابن يدمن ويعلوس ويقع ينهار
عايش فى حالى متهنى ولية افكار
باكل واشرب وانهق مفيش اسرار
ان جعت بشترى برسيمى باغلى الاسعار
وحتى مرضى يفضل يعالج ويدعى الستار
خادم امين من غير راتب ولا فى ايجار
والحين عرفت يا بنى ادم
من فينا الحمار